التصنيف: فرغي قلبك

بسم الله الرحمن الرحيم
حماتي تريد نصيحة منكم حواء الجزائر

تقدم لخطبتها اخو صديقتها يعمل في الدرك الوطني انسان ملتزم ومتدين
وهي في حيرة من امرها اد يريد شخصا اخر لخطبتها هو ايضا له عمل
وهي على علاقة به راها محتارة واش تبع قلبها ام اخو صديقتها الدي يريدها بشدة

ya okhti rabbi ykoun fi al3oun wallah s3iba sah
die estikhara w ted3i rabi w nchallah ybayanalha rabbi w ykhaliha tertah
rabi ysahal nchallah

امها اوفارررر وقلتلها استخيري وربي يجيب الخير
هي تاني حابة تخدم ومبعد الزواج.

تخطيها من ابليس……وتبع طريق الله وتستخيييييييييييييير

ربي يسهل اختي

كنت في منتدى نسائي يضم النساء ولكن مذاهب مختلفة
صحيح هومبني على طريقة اهل الجماعة والسنة لكنه فيه ايضا الشيعة
كانت البداية بخير لم اكن اعرف عن المذاهب وبدات اعرف عن الروافض ووو
وجرت لي عدة مشاكل وانزلت مواضيع بخصوص الشيعة وحذفت
لانه صحيح انه اذا واحدة عايرة وسبت سنية او امنا عائشة رضي الله عنها تطرد
وتلغى عضويتها وكان لي سبت وناضولها العضواتوالادارة لغاتها نهائيااا
واما بالنسبة للسنة تحذف موضوعها لانه هناك تجمع لفائدة
وترفع المواضيع الاسلامية
بصراحة منتدى رائع لكنني بدات افقد اهتمامي وخصوصا بعد المشاحانات
تركت المنتدى فترة وعدت اليه
ووبحث كثيرا عن منتديات لاسجل لكنني تعودت على ذالك المنتدى وصرت
لا اشعر بالارتياح في بقية المنتديات
كنت اسجل وسجلت كثيرا في منتديات لكن لم اتفاعل معها
وبحث عن منتدى يكون سني يرفه فيه تسلية

وجدت كثيرا منتديات عن السنة ولكنني بحث عن منتدى اكتب فيه اشعاري ونكت وتسلية
وووو وبذات القت يكون فيه اهل السنة فقط
ووجدت هذا المنتدى
في الباية كتبت موضوع
ولا اكذب لقيت ترحيبا جميل من طرف الاخوات
ولكني رغم ذلك احسست بانني غير مرتاحة
لانه جديد علي ولان المنتدى السابق اعتدت عليه لانه اول منتدى اسجل فيه
واعتدت على ايقونته
ولكنني قلت فينفسي لا ساعتاد هلى هذا المنتدى
وفعلا اعتدت على المنتدى وصار اقرب منتدى الى قلبي
صرت فيه امضي اغلب وقتي ودخولي الى المنتدى الاخر شبه منعدم
وصرت احس بنات منتدى حواء الجزائر عائلتي اخواتي
احبهم جميعا
ومزال نتعرف على حباباتي العضوات الجدد
ومن مميزات هاذا المنتدى تحس بلي راك في بيتك
ومكانش هادوك المشاكل ووحدة تزعف من اختها ابداا
فعلا اخوات
وهاكه والفت المنتدى ووليت خلاص منقدرش نستغنى عنه
وفي الاخير نختم كلامي ب
الله يعطيكم ماتتمنوا
والله يفرج هم كل مغمومة
ووالله يرزقك البنيات بالذرية الصالحة
والله يعطي العزبات وليد الحلال
احبكم في الله

تشرفنا بمعرفتك حبيبتي

جزاك الله خيرا وحعلها في ميزان حسناتك على مافعلت

شكرا على مرورك العطر حنونتي

شكرا يا اخواتي بارك الله فيك
ليس المشكلة انني ليس لي علم لادافع عنمذهبي انما لم استطع
اشكركم حبيباتي

صح اختي انا تاني مسجلة في منتديات من قبل و مختلطة لكن صبت راحتي هنا اكثر لان هنا كانك في بيتك مع اخواتك و هنا تجدين الفتيات الحالمات الطموحات الاخوات الناصحات الحنونات و تجدين حتى الي تشعرك بحنان الام العطوف . تجدين كل ما يتعلق بالمراة من شؤون البيت الزواج . الطبخ ال….كل شيئ . ربي يخلينا لبعض.

السلام عليك
منورة المنتدى
و مرحبا بك في آي وقت
نقلته للقسم المناسب

اهلا وملرحبا بك مجددا
انا نحب منتدايا وعنيدي غير هو
ربي يخلينا لبعضينا ألبعض

السلام عليكم و رحمة الله تعالى و بركاته…اخواتي الحبيبات…و الله راني حشمانة بزااااف منكم….ماشي موالفة نهدر على حياتي الشخصية أو نعجن فالهدرة…مي الله غالب احسنو عوني…..ارجو منكن أن تدعولي و لزوجي…..اليوم طاح علي الخبر كالصاعقة…حبس الخدمة …مول الحانوت اللي يخدم عندو اتهمو انو باع محفظة و ماخلصوش فيها …و عمل سيناريو مع المشتري باش يظهر زوجي سارق….حسبي الله و نعم الوكيل….و زوجي قالي انا كرامتي و شرفي فوق كل اعتبار…انا نشفو دموعي و الله راني نكتب و عينيا يحرقو..يعني كنت في حالة وليت في حاتين…اللهم لا اسالك رد القضاء و لكني اسالك اللطف فيه….نطلب منكم تدعو باش ربي يسهلو غدا انشاء الله باش يلقى خدمة….و جزاكم الله كل خير.

اختكم في الله طموح.

اللهم اجر اختي في مصيبتها واخلف لها خيرا منها
يارب وفق زوج طموح في ان يجد العمل المناسب امين

اختي طموح ماتبكي ما طيحي دموعك راهو الرزق بإيد ربي ماشي بإيد العبد انتي ديري الكوراج لزوجك وشجعيه ومتبكيش قدامو باه متزيديش عليه شوفي صلي و ادعيلو
وهاذاك الإنسان مهوش راح يقطع عليكم الرزق راه كلش عند ربي و بالاك فيها خير «وعسى ان تكرهو شيئ وهو خير لكم وعسى ان تحبو شيئ وهو شر لكم »
ما يقفل باب الا و يفتح عشرة كونك هانية ربي حنين كريم

امين يا رب العالمين.شكرا حبيبتي شموس.

امين يا رب العالمين……..بوركت اختي عصفورة.

اللهم أجرني في مصيبتي وخلف لي خيرا منها..امين يا رب العالمين.شكرا حبيبتي طالبة عفو الله…و بارك الله فيك على التنبيه.

شكرا حبيبتي بسكرية حرة…..و الله ضربة فوق ختها واعرة…..انا نديرو فالكوغاج مي ربي عالم بيا من الداخل…و الله ماتهنيت حتى ضحكتو و رقدنو كالبيبي….بوركت اختي

اليوم قلبي راه قد هاك قلت نحط صور ورد بلالالالالالالالالالاك ربما
اللهم إليك أشكو ضعف قوتي، وقلة حيلتي، وهواني على الناس؛ يا أرحم الراحمين، أنت رب المستضعفين، وأنت ربي؛ إلى من تكلني! إلى بعيد يتجهمني، أو إلى عدو ملكته أمري؛ إن لم يكن بك على غضب فلا أبالي! ولكن عافيتك هي أوسع لي، أعوذ بنور وجهك الذي أشرقت له الظلمات، وصلح عليه أمر الدنيا والآخرة، من أن ينزل بي غضبك، أو يحل علي سخطك، لك العتبى حتى ترضى، لا حول ولا قوة إلا بك.

ربي يفرج همك اختي و يحقق لك كل ما تتمنيننه من خير

ربي يفرج همك و يريح بالك يا الغالية
الله يسر امورك

ربي يفرج عليك ختي

الله يسلمكم و يبعد عليكم المشاكل

ربي يفرج عليك وعلينا وعلى كل مكروب

ربي يسر امووووووورك ويفرج عليك

اللهم فرج على اختي وييسر امورها

اللهم لا تترك دينا الا قضيته ولا هما الا فرجته ولا حاجة من حوائج الدنيا والاخرة الا قضيتها يا ارحم الراحمين ربي يفرج همك حبيبتي

السلام عليكم ورحمة الله وبركاته…

حبيت نسألكم شكون تعرف تفسر الاحلام..

او تعرف رقم مفسر احلام تقلي..

لان عندي حلم حابة نعرف تفسيرو…

من فضلكم..

شكرا..

انشاء الله خيييييييييييير

اختي روحي للقسم العام راه كاين قسم تفسير الاحلام للاخت ام ميرال
راح تساعدك ان شاء الله

اهلا اختي مرحبا بك معانا وشكرا على كلماتك وشهادتك
وبتعاونا مع بعض ان شاء اله راح يكون احسن بكتير ان شاء الله فقط نحتاج دعم ونشاط اكتر حتى نوصل لكل الوطن العربي ونعرفوهم من تكون المراة الجزائرية وماهي اهتماماتها وتقاليدها وحضارتها
شكرا اختي

صدقت و الله، ربي يدوم المنتدى و المحبه بيننا

ـالسلام عليكم و رحمة الله تعالى و بركآته
ـاولا ـاهلا وسهلا بك بيننا
نتمنى ان نراكِ دائما نجمه مبدعة في سماء حواء الجزائر
و شهادتك فخر لنا و وسام على صدرنا
نتمنى لكِ اقامة هادقة و ان نكون عند حسن ظنكن ان شاء الله

دمتي بخير + تحيات الادراة

أولا مرحبا بيك أختي ولو أنك في دارك ووسط أخواتك

ثانيا صحيح مهما شاركنا في منتديات أخرى يبقى منتدى بلادنا أولى بينا و نحنا أولى بيه

فقط لازم نشاط أكثر من العضوات و نتخلاو على سلبية قراءة المواضيع و المخروج دون حتى كلمة شكر

نريد مشاركة و حضور أكبر للعضوات من أجل نجاح أكثر لمنتدانا باذن الله

يا اهلا وسهلا لك الصدر ولنا العتبة

yad bi yad min ajli tatawar almoutada

فعلا منتدانا رائع نتمنى من الله ان يستمر رقيه

بعدت بزاف على اهلي رغم انهم بعض الكيلومترات لكني مبعدة روحي ومانيش راضية لكن هروبا من تدخلات اهل زوجي جعلني اهرب حتى منا اهلي امي اخواتي اخواني علاه لانهم ساكنين حذا بعضهم يعني لازم ندخل عندهم وراني دخلت لا بد نسمع كلمة تسم بدني حوايج ماتخصهمش و ياثروا كثيرا على ابنهم رغم اني كبرت في العمر التصغير والاحتقار شغلهم واح ماعاجبهم هما اللي يعرفو برك رغم اني اديت الاستقلال لكن التبعية مازالت حتى ساعات نقول لاهلي ارحلو من ثم باش نشوفو بعضانا نعم الصبر مفتاح الفرج ولكن الى متى كي نضفر الشيب ……………….اه حقة راني بديت نضفر فيه نرحمو على الصبايغ………هههههههههههههههههههه.:1_ 155:

معليش اختي الصبر ثم الصبرررر
والزواج هكذا نصيب يا قريبة من اهلك او بعدية مرة مهنية ومرة مشاكل
ربي يقدرنا و نصبرو ونطيعو ازواجنا و ربي يجعلنا و اياهم من اهل الفردوس يارب

يارب…………..

وين راكم

ربي يفرج عليك اختي صبر ثم صبر فانه مفتاح الفرج
ومشاكل رهي في كل دار وكلش تفوت حنونة
ربي يفرك ويهنيك

اصبري واحتسبي وقابلي من آذاك بالإحسان خصوصا أهل زوجك
كان الله في عونك أخية

مرحبا بك صديقة واخت ولك مني كل الورود

اختي ما دام ما تسكنيش معاهم ما تعمريش راسك بيهم وانسايهم واش نقول انا لي راح يقتلوني في كل دقيقة ربي يقوينا هذا ما كان

الصبر يا اختي رانا كامل نعانيو من هاذ المشكل

اختى العزيزة انظرى الى الجانب الجيد فى الحكاية انك ساكنة وحدك كثيرات من هن ساكنات وسط العائلة و المعاناة اكثر و تستطعين الاتصال باهلك بعدة طرق بالهاتف بالسكايب يجوك هما يزوروك المهم لا تجعلى من حياتك الزوجية جحيما كون وكون و كون عيشى حياتك الزوجية بكامل اوجهها مع زوجك اسعديه ادخلى مطبخك و ابدعى فيه غيرى من نفسك مرة على مرة جددى فى لبسك لزوجك يعنى عندك عدة طرق باش تنساى حكاية اهل زوجك

اختي انا ملي نسمع هاذو الشيوخة يهدرو الروح ترجعلي ماشاء الله
الله الله ربي لا اشرك به شيءا
ادخلو لهاذو الفيوهات وادعولي بالشفاء هذا واش نطلب
‫ظ…ط*ظ…ط¯ ط§ظ„ط´ظ†ظ‚ظٹط·ظٹ – ظ„ظ…ظ† ط¶ط§ظ‚طھ ط¨ظ‡ ط§ظ„ط¯ظ†ظٹط§â€¬â€ژ – YouTube

‫‫ظƒظٹظپ ظ†طھظˆظƒظ„ ط¹ظ„ظ‰ ط§ظ„ظ„ظ‡ ط*ظ‚ طھظˆظƒظ„ظ‡ طں – ظ…ط³ظƒظٹظ† ظ…ظ† ظ„ط§ ظٹطھظˆظƒظ„ ط¹ظ„ظ‰ ط§ظ„ظ„ظ‡ – ط§ظ„ط´ظٹط® ظ…ط´ط§ط±ظٹ ط§ظ„ط®ط±ط§ط²â€¬â€ژ – YouTube

ربي يشافيك اختي ويشافي كل مريض

السلام عليكم

اخواتي حبيت نسقسيكوم على حاجة صراتلي مالقيتش تفسير لها

ملي وليت مالدزاير ولات تحكمني حاجة في صدري شغل واحد راه يزيرلي في صدري حتى نولي مانقدرش نتنفس والمعدة نتاعي تولي تتلوى والخطر من دلك وليت غير يدخل راجلي مالباب يحكمني النعاس لوكان نصيب نرقد تم تم وماعنديش رغبة في راجلي مع العلم اني عكس هدا تماما عادتي انا الي نبادر دايمن
ودايمن نعسانة والحاجة الي نديرها ماتسدقليش والو ودايمن مهمومة كنت دايمن نضحك حتى يقولولي كاش نهار تدخلك دبانة في فمك ماعلاباليش علاه وعادتي دايمن قانعة وحامدة ربي حتى ويلا مالقيتش واش ناكل دايمن نقول الحمد لله ووليت ننعزل على الناس لوكان نصيب مانشوف واحد وواحد مايشوفني وشغل حابة نضبح داخلي وانا نصلي الحمد لله ونقرا ونسمع القران

ماعرفتش التفسير ممكن مساعدة والله يبارك فيكم

ننصحك اختي العزيزة هدا الشيطان ديري ادكار الصباح والمساء وجدي حياتك بعدي على الروتين ورقي نفسك وانشاء الله تفرحي ورانى اهنا نعاونوك بالدعاء

شكرا اخواتي على المرور وعلى الرد فرحتوني باهتمامكم كالعادة
راني عارفة بلي حالتي هي اكتاب عارض ولازم نجاوزها علا هدا حطيت مشكلتي باش ادا كاش اخت جاها نفس المشكل تقولي كيفاش اجاوزاتو والف شكر مرة اخرى

ولاه العظيم يا اختي كامل تصيبنى حالة الاكتاب بصح نتجاوزوهى ماتقلقيش روحلا

أكثري من تلاوة القرآن و سترتاحين بإذن الله و لا بأس عليك إنشاءالله

شوفي نقلك حاجة ماتقوليش هكا لانو كل حاجة تجي من الداخل انت راكي مولفة روحك بذا الاحساس بالعكس قولي راني مليحة وماعندي والو صديقيني انت لي تقنعي نفسك من داخل اذا كنت مليحة ولالا ومدام دا شي لي راه يصرالك ماعندوش تفسير لانو على حساب حكيك ماعندكش مشاكل لي تخليك تولي لدي حالة انت وماكيش عارفة لاه صالك هكا تفائلي وحاولي تلهي نفسك وماتخميش بزاف غادي تولي غايا لانو التخمام يقتل الواحد

ربي يشافيك اختي هذا غير الوسواس واذا كنتي تبقاي وحدك كثيييرا هذي هي النتيجة لازميله ديما تشغلي نفسك انا ايضا مرة صراتلي وليت نبكي غير روحي وكرهت كل شي وحسيت حاجة قافلة صدري وقلبي باغي يتطرطق ومن بعد وليت منقعدش خلاص وحدي ونشغل نفسي باعمال البيت والانا لحمد لله انصحك بالرقية ايضا

اختي اكثري من الرقية وقراءة القران والدعاء والاستغفار
وان شاء الله تتحسني
لاباس عليك اختي

ان شاء الله لاباس وما تقلقيش ما دام راك تصلي وحاولي ترقي نفسك وتخرجي من القوقعة اللي راكي فيها وجددي حياتك انت وزوجك لاننا كلنا مرينا بهذا المنعرج والحمد لله واذا عندك مشكل واضح احنا هنا باش نساعدوا بعضانا ونخرجوا من المحن ولك مني كل التوفيق