طلبت من سلفتي اللي هي اخت راجلي تسلفلي كاش دراهم قالتلي انا ذرك ماعنديش بصح راهم عندي 2 مسايس مكسرين حبيت نزيد عليهم وندير حاجه خلاف
هاكي اديهم وسدي حاجتك وبيعيهم
المهم بعتهم في هداك الوقت جابولي 1,9 اي مليون وتسعميه المهم قضيت بيهم اموري وهي على بالها قدش جابولي
وقاتلي ماتكلفيش روحك عليهم حتى انا نقولك عليهم المهم اتصلت بيا هد الايامات قاتلي عليهم قلتلها انشاء الله راني نبعتهملك في سسيبي نبعتلك 2 ملاين
قاتلي لالا حنونة حاسبيني على سومه هد الوقت ماتحاسبينيش على وقت فات قلتلها هكا راه حرام عليك يتسمى ربا قالتلي لالا انا لوكان جاو عندي درك راني بعتهم ب 6 ولا 7 ومابغاتش تقتنع ابدا بالفكرة وراني حايرة هل هدا حلال ولا حرام وراهي قالت نسقسي عالغرام ونردلك الخبر وبالاك حتى يفوتو 10 كيفاش ياناس انا نستفاد بمليون و900 وهي تدي مني 10 والله غير حرام
شوفي دنيا ه المشكلة ما يفصل فيها غير الفتوى حبيبتي لازم تشوفي داعية او تتصلي بفتاوى على الهوى بالقناة الجزائرية و الشيوخ يفصلو في هاذ المشكلة هكذا يرتاح بالك و تصفى نيتك و ترضي ربي سبحانه و تعالى
ان شاء الله نكون افدتك و الله يحسن العون
تقبل الله صيامنا و اعاننا على فعل الخير
ى بلا بيك رتاهو المنتدى جزينتوحشنا عادل امام هههههههه
شكرا حبيبتي على النصيحه
الله يبعد عليك المشاكل حبيبتي دنيا ويعطيك على حساب قلبك الصافي
والله يا اختي انا زوجي في العدالة وكان بجنبي لما قرأت موضوعك واستفسرت منه
فكان جوابه قانونا وشرعا ترجعيلها على حساب هذاك الوقت واذا كان خلافا لذلك يعتبر ربا والعياذ بالله
لانها اعارتلك بقصد الاعانة وليس للاستثمار
قالي هكذا تكون المعاملات بين الاشخاص وحتى المؤسسات
يا اختي قوليلها حابة تربحي الحرام على ظهري
خافي مولاك
الحل الوحيد هو تروحي انت و هي لإمام موثوق فيه و تستفسرو
لازم تكون معاك باش ادا ظلمت تكون متعمدة و حسابها عند ربي
شفتي الجنيا الي تحسبي راه يعاون فيك يكون ياكل فيك
الله يهدي ما خلق
الاخوات قالولك الراي السديد
قوليلها ارواحي نروحو للصايغ انات و انتي باش نساومو على الغرام و نرجعلك و ديها للجامع و سقسو و كما قاتلك ام منذر الي تعمدت حسابها عند رب
