السلام عليكم
انا طالبة سنة رابعة صيدلة حابة ناود الباك لان حلمي دراسة الطب رغم انني حصلت علي المعدل بتقدير جيد الا انني نفدت حلم والدي و راني نادمة عاونوني خياتي راني ضايعة
إستخيري لله ياأختي وان شاء الله يوفقك للخير
وأنا عن نفسي أرى أن الصيدلة داخلة في مجال الطب
ولا تقل أهمية عنه،فهما مهنتان متكاملتان .
والأن أنت سنة رابعة فيجب عليك إكمال ما بدأت ،
اختي الكريمة سنة رابعة وحابة تعيدي من اول وجديد وصيدلة مليحة اختي وان شاء الله ربي يوفقك فيها وتنجحي كملي وقراي من تاني مش تحبسي
وحنونة وعلاه تقولي كلمة ضايعة انتي درستي اختصاص جيد الله يبارك
ويلا تقدري تعاودي الباك واهلك موافقين وعارفة انك تجيبي مجموع ممتاز يدخلك الطب وعلاه لالا زيادة الخير خيرين حنونة ومزالك صغيرة اخدمي صيدلة وفي نفس الوقت ادرسي
هو قادر على كل شيء على ان يفعل كل شيء
صلي صلاة الاستخارة و ستفتح لكي كل شيء بإذنه تعالى
وعسى ان تكرهوا شيئا و هو خير لكم
وعسى ان تحبو شيئا و هو شر لكم
والا كيما قالت المديرة زيادة الخير خيرين عاودي الباك المهم اللي يريحك وطمن قلبك وقلب والديكي ديريه ولا تنسي نصيحة الوالدين ثمينة جدا
ماذا اقول انا اختي لي ربحت الباكالوريا و تزوجت لم ادرس حتي و بعض الاحيان نحس بالندامة على دراستي و لكن نعاود ننعل الشيطان و نقول الحمد لله الزواج تاني سترة للبنت و الدراسة عندك الوقت قاع حياتك
و قدر الله و كما شاء فعل.
حنونتى سهليها تسهال كملى صيدلة هكداك ماتخسريش 4 من لقرايا و مبعد إن شاء الله اقراى طب وحق حلمك حبيبتى و زيد راكى كى درتى راى باباك راكى ديتى دعوة الخير و الله ما تندميش راه ربى ياخذ بخاطرك كما خديتى بخاطرهم إن شاء الله ربى يوفقك و تكملى و تدخلى طب و تبشرينا ونجى نداوى عندك اميييييييييييييييييييييييييييييييييييييييييين إن شاء الله
نقولك حاجة انا تاني درست علم نفس رغم أنفي كيما يقولو مي في النهاية تفوقت فيها وديت الماجستير وان شاء الله ناوية نكمل الدكتورا ولقيتها فادتني في حياتي بزاااااااااااف وضرك راني نقول الحمد لله معملتش صحافة ولا ضيعت عمري وانا نعاود في الباك باه ندير الطب لاني ميمكنليش نكون غير مختصة نفسية وأكادمية في الجامعة غير ذلك مستحيل ننجح
شوفي من زاوية أخرى ناس بزاف تتمنى الصيدلة ديري أادف فيها وحاولي تحققيها
الا اذا شفتي انه مستحيل تستمري ورايحة تضيعي الوقت تم نقولك عاودي الباك …
ومتنسايش الوقت من ذهب راهم 04 سنين
الصيدلة والطب في زوج اختصاصين صعبين ويطلبو بزاف الوقت
وسنة رابعة صيدلة راهي بزاااااااف شارجي من تجربتي ماتقدري تزيدي تقراي معاها والو انا في رايي كملي هذا العام وكي تولي سنة خامسة عاودي الباك وفي نفس الوقت راكي تكملي في الصيدلة على خاطرش السنة الخامسة راهي خفيفة فيها غير لي ستاج مشي شارجي بزاف
نصيحتي ليك بالاك تخسري 4 سنين قراية اللي فاتو خلاص مابقالكش بزاف وتكملي وديري التخصص اللي حبيتيه
موفقة اختي