أنا لحريرة لي نعملها كاتالي:
05حبات جزر متوسطة الحجم+حبة كابويا+كمشة حمص+كمشة فول يابس+حبة بطاطس صغيرة قزبر معدنوس وكرافس يمكن إضافة نعناع لفطور في الأخير و يمكن الإستغناء عنه
زيت و حبة بصل +طماطم متوسطة الحجم
الطريقة
تنقى الخضر و تغسل مع الربيع( معدنوس ووو…….)
و نضعها في طنجرة الضغط ونسكب عليها الزيت و نضع اللحم قدر الإستطاعة أو دجاج
ونضيف الماء ونغلق الطنجرة ونخليها طيب
من بعد نطحنو الخضر
ونحضر التعطيرة التفاوح التكونة من( ملعقة صغيرة كروية+ملعقة صغيرة فلفل أحمر حلو+ملعقة صغيرة قرفة+نصف ملعقة سكين جبير+ملعقة صغيرة كمون+ملون غذائي+طماطم مصبرة ملعقتان كبيرتان)
نخلطها ونسكبها في الطنجرة نتركها تغلي عند الغليان تستطعين إضافة الشربة ويمكن الإستغناء عنها ثم نضيف العقدة المتكونة من ماء و فرينة يكون الخليط سائل وتسكبيه في الطنجرة وتخليها حتى تطهى مدة 10 دقائق و إذا حسيتي بلي الحريرة ماشي عاقدة زديها شوية عقدة
الى الامام …..الى الامام…الى الامام
موفقة بإذن الله
وفي العاصمة يديرو الفريك
جربيها أختي و ردي علي لخبر تاكلوها باصحة
إيه نعرف المرمز و حنا تاني نديرو التشيشة دقيق الشعير شكلو مثل الفريك لكن هي رقيقة إلا تعرفيها وتجي بنينة ومليحة
شهية طيبة
أي حاجة أنا في الخدمة
عجبتني الطريقة حتى انا نعمل الحريرة لكن بشكل اخر نعقدها بلتشيشة مرمز كتجي هايلة
هدي صورة الحريرة بالتشيشة
أنا كي نكون باغية نحمر الدجاج نفيضو في الماء و الملح قبل ما ندخلو للفرن و هداك الماء لي فيضت في الدجاج نحط فيه الخضر و مقادير الحريرة و نخليهم يطيبو و نخد بيه لحريرة ديالي وتجي هايلة و بنينة
