هدي مشاركتي في مسابقة كوزينة حواء بفاكهة موسمية
اخترت كتحلية :
مسكوتشو بالبرتقال ~ Mouskoutchou aux orange
المقادير :
4 حبات بيض بحرارة الغرفة + كاس سكر + فنجان ناقص منو شوي حليب + فنجان زيت "هنا راني منحطش كل فنجان لانو منحبهاش مزيتة بزاف" + كاس ونصف فرينة + مبروش البرتقال+ برتقالة + خمارة levure + فانيلا
الطريقة :
قبل العمل نوجدو الفرن نسخنوه على درجة حرارة 180 ° + قالب المسكوتشو ندهنوه بالزيت ونرشو عليه الفرينة ونخليوه على جنب .
نضع البيض والسكر وفانيلا شوي فقط ونخلط جيدا حتى يتضاعف حجم الخليط ويبياض نضيف المبشور وزيت والحليب وهنا الحليب نقصو منو مقدار مانتج عندنا من عصير نصف برتقالة ونخلط حتى يتجانس الخليط ، نضيف الفرينة انا نغربلها مرتين الى 3 مرات مع الخمارة ونضيفها للخليط ونخلطو هنا بملعقة نتاع لخشب من تحت للفوق حتى يختلط جيدا بعدها نصبها في قالب ، هنا نصب نصف الكمية ونخلي نصف الكمية على جنب ونصف برتقالة لمزالت مستعملناهاش نقشروها مليح من القشرة بيضاء لتجي فوقها ونخليو الا اللب فصصوه مثلثات نرمدوه فالفرينة ونحطوه فسيار ونغربلو باش يروح الزايد من الفرينة ونحطوه فوق الخليط الاول ونصب باقي الخليط والى الفرن
مدة الطهي كل فرن وكيفاش لكن في حدود نصف الساعة لما تتحمر ملفوق وتكون لداخل ناشفة نخرجوها نخلوها تبرد شوي ونقلوبها وتزين حسب الرغبة
وهنا بعد التزيين
والسلاام عليكم
يعطيك الصحة و موفقة بحول الله
اهلا بيك معانا فالكوزينة رانا متعودين نشوفوك بغير قسم
موفقة حبيبتي
الغالية
يعطيك الصحة
حنونة
ربي يباركلك ان شاء الله
تسلم ايدك
اهلا بك في مطبخنا
ونورتي الكوزينة
خرجتلك هايلة الله يبارك
موفقة في المسابقة
موفقة انشاء الله
و في انتظار روائع أخرى منك
