الوسم: Barbie

السلام عليكم ورحمة الله وبركاته
اليوم كان يوم ميلاد رنا بنتي والبنت المفترية شرطتلي بكيكة باربييييييييييي وقالتلي لازم تكون غوذ يعني غوز يعني وردية ولازم ديريلها سلسلة وسوار ياربيييييييييييي وانا ولا مرة جربتها مانكذبش راني شهههههههههههر وانا نتبع في دروسها والبارح درتها وكملت على1 نتاع الليل
مي مانقلكمش الفرحة نتاعها ماتتوصفش يهوووووووووون التعب بعد ما تشوفي فرحة بنوتك
طيب بلا كترة حكي راني عيانة نحط فقط الصور ومن بعد نرجع نحط الطريقة للي يحبوها طبعا

اعتذر الصور باهتة شوي لان كان الوقت متاخر وكان في اخطاء بالكيكة وقلت والله ما نعدلها عيييييييييييييييت
الوصفة سهلة جدا
جينواز
4 بيض-100 غ سكر -100غ فرينة-50غ نشا-باكي خميرة حلويات_لفاني
ملاحظة
انا ضاعفت المقادير استعملت 12 حبة بيض باه تحصلت على تلات كيكات اتنين مدورين ووحدة للقاعدة هاديك اختيارية مي انا حبيت نديرها انتي يمكن فقط اعملي الكيكات المدورين للفستان
الطريقة
تضربي البيض بلا مافصلته وكانت النتيجة رائعة الصراحة تضربيه مع السكر ولفاني حتى يعود الخليط متل الكريمة ولونه يتغير يمكن شي 5 دقايق وانا نخلط فيه بالباتور طبعا
ولما تتحصلي للخليط تكوني غربلتي الفرينة مع النشا مع الخميرة تلات مرات لازم تلات مرات باه تنجحلك الجينواز مليح اخدت النصيحة من شاف اردنية ويعطيها الصحة
وهادا مكان دخليها غير بالعقل وحطي في مول نتاعك تكوني دهنتيه وحطيتي ورق الزبدة وخليها طيب بلا ما تفتحي عليها حتى تشوفيها طابت طفي وخليها في الفرن 15 دقيقة باه ماتهبطلكش كي تخرجيها
وخليها تبات الجينواز ديما خليها تبات افضل اما لو كنتي مقلقة الله غالب
والكريمة استعملت لاكرام شانتيي
والسيرو درت كاس سكر مع 2 كيسان ماء وملعقة ليمون وحبات فراز باه يطلق فيه البنة
وهادا مكان

والعجينة نتاع التزيين استعملت عجينة المارشميلة نتاع لينا11
هاهو رابطها
عجينة سكر بالمارشمالو بصوري

يتتتتتتتتتتتتتتتتتتتبع لا تردي يا بنت ياحلوة

الصور النهائية وبالنهار

هنا رنا تقلقت وقتاش تدي باربي وتلعب بها

وشكرااااااااااااااااااا لانتظاركم
سلام

اسمعه مادققوش بسنيو القهوة ههههههههههههههههههه بالحق كنت مريضة وماحبيتش نتعب روحي الي لقيتها قدامي حطيتلهم فها

اوووه فكرة رائعة وخرجتلك علامة عجبتني

waaaaaaaaaaaaaaaaaaaaaaaaaaaaaaaaaaaaaaaaaaaaaaaaa aaaaaaaaaaaaaaaaaaaaaaaaaaaaaaaaaaaaaaaaaaaaaaw mala nihaya ana nabka Ghir natfarag ma nakolhech thabal ya3tik alf saha w joyeux anniversaire

joyeux anniversaiiiiiiiiiiiiiiiiiiire ranaaaaaaaaaaaaaaaaa, ya moudireti ljamila raki proffetionnelle fi les tartes machallah, cheft wahda deretha fi la chaine mihwar,mais foooooooooooort machallah
ah ngoulek haja, welah ma3tit lbel le sniwa, nti khalitini netla3 nchoufou hahahahahhahaha

الله الله عنها الصح تتشرط المهم ربي يطولك في عمرها وتكبر وتفرحي بيها عروسة ،رانا نستناو في طريقة التحضير ،ربي يخليك وتصنعي غيرها

بسم الله مشاء الله روووووووووووعة ابدعتي هنو والله عمل راءع يعطيك لعوافي حنونة وربي يهنيك ويحفظلك الامورة

واو .والله يعطيك الصحة خرجتيها تهبل.ما شاء الله .كل عام ورنا بالف خير .ربي يخليهالك حبيبتي .ويخليك ليها وكل عام انتي لتخدميلها لاتارت نتاع عيد ميلادها يا رب