الوسم: النجدة

شوفي اختي ننصحك تشوف طبيبة في اسرع وقت بالاك شللتي بالما السخون والله اعلم

استعملي مراهم
والاحسن زيت اللوز
والله اعلم

ta epilé avec de la sire ou koi???

ih b la cire
krit que la peau tkoun sensible yaymaaaaaaaa rani khayfa matrouhch
ma3anach dermatologue f mecheria fin nskoun ghir ila nrouh 3and genyco Lolllll
wlah hami ybaki wham ydahakkk

machelaltch bma skhoun
ghir koult nhragt psk la peau ta3i rj3at kma ghadi ynzaf dam mnha wlah mana3ref ha ndirr rani msbah mnahya swalhi wntfaraj fihmmmmmmmmmm ayyyyyyyyyyyyyyyyyyyyyyyyy

nn t’inkiet c juste une alergie ma tkhfich ay trohlak parsk les cuisse trayin hhhh c pr ca diri vasline wala mycoside wala zit el hout w brabi nchallah trohlak dans 2 ou 3 jours w ma tzidich diri la cire ok

inchalah hbiba rabi yjazikkk dok ndir cha koultiliiiiiiii

inchalah rabi ybachrak blkhirrrrrr
lyoum rahi 3ada zarkaaaaaaaaaaaaaaaa

السلام عليكم.

حبيباتي حبيت نسألكم على legume تاع القرنون لولدي 5 أشهر هل نحيلي الورق الكل نخلي غير الدويرة لي تحت ههههههههههه ونفورو ونrapih?????
والله شيطني عندو 3 أيام مين بدا يوكل وهو مايحبليش خلاص درتلو سلق مرحي بشوية زيت زيتونة كلا مغرف ولا يبكي على الحليب البارح درتلو سنارية مع شوي بطاطا والو محبش ديما ندير ونطيش ما نحبش يباتو واليوم قلت نديرلو قرنون ولوبيا خضرة قتلي الطبيبة أبدايلو بهدم الربعة سح
قولولي يطول باه يوالفلي الماكلة هبلني……..شكرا

ايه اطول ـ وأكيد ليس أي أكل يقبل فيه ـ
أصبري عليه قد ماتقدري
اما السلق فا جربي انك لاتعطيه اياه
حتى يعتاد شوية على الاكل
لأن السلق طعمه مر
انا كبيرة منقدرش ناكلو^^
ولاتنسي قطرات الزيت الزتون في كل وجبة
ربي يسعدك بيه وشوفيه سيد الرجال

يعيشك حنونة، راهي الطبيبة هي قالتلي سلق،قرنون،سنارية،لوبيا خضرة
أسا سؤالي على القنون كيفاش نعملو

اولا لازم تعرفي بلي كل الاطفال هكذا …
يعذبوا في الاكل … لازم تساعفيه برك ..
المشكل انهم في هذا السن خلاص يولوا يميزوا …
و لا تستغربي ان قلت انهم ينفرون من بعض الاكلات لمجرد لونها …
فالخضراء منها لا يقربها الاطفال هههه يعني قرنون سلق لوبية جلبان هههه لازم تتعاملي بالحيلة …
.
.
واه القرنون نحيله الورقات و استحذري من الشعر الداخلي نحيه الكل بالملعقة …
خلي غير القلب … من الافضل تطهي مّأكولات ابنك على البخار … ما تكثريش الملح …
طيبي معاه جبة جزر لما تهرسي القرنون قطعي الجزر قطع صغيرة بحيث يقدر يمضغها و في نفس الوقت يشوفها …
قتلك العبي معاه بالحيلة … يمكنك اضافة الارز ان شئت … فقط طيبيه مليح …
يمكنك اضافة القليــــــــــــــــــــــــــل من الزبدة لان لها ذوق جميل …
.
.
.

ربي يخليك حنونة

راهم فادوك الفحلات
هههههه و أنا في كل الأحوال ماغديش نفيدك
ما عنديش تجربة

في الحقيقة ما زال لم أرزق باولاد ولكن. روحي معاه بالعقل

انا انصحك ان ديريه خفيف السوب

بارك الله فيكم جميعا أسعدني ردكم،ولي معندهاش ولاد ربي يرزقو الدرية الصالحة

السلام عليكم و رحمة الله تعالى و بركاته …
الصلاة و السلام على سيدنا محمد و على آله و صحبه اجمعين …
انا و خطيبي متفقون في كل شيئ و متحابان . لكن هناك مشكلة تؤرقني و تنقص من ثقتي بنفسي و تشعرني بخيبة الامل …

الاحظ ان خطيبي و نحن مع بعض في الطريق او السيارة او اي مكان عام ينظر و يلاحظ اي امراة او فتاة قد تمر في كل الاوقات و هذا ما يزعجني كثيرا و يثير غضبي فانا فتاة جميلة جدا وهو يحبني كثيرا وقد قام بخطبتي منذ اول عام درسني فيه بالجامعة .
و كلما نتحاور في هذا الموضوع يقول انها نظرات لا غير و يجب الا آخذها بعين الاعتبار .
وانتم تعرفون يا حواء الجزائر غيرة المراة ماذا تفعل بها ؟
ارجوكم اريد حلا لهذه المشكلة فلا تبخلوا علي بنصائحكم …. :0 000454564:

هذه طبيعة في الرجل

لا يستطيع ان يقاوم رغبيته في النظر الى المرأة

و دائما هذه النظرات لا معنى لها مجرد النظر.

في الدين يوجد غض البصر، فكريه بغض البصر و خليه يقرا على غض البصر

https://imageshack.us/photo/my-images/30/51118171.jpg/

نصيحة تعين المسلم والمسلمة على غض البصر
الله يوفقك

ما لقيت ما نقولك حبيبتي أنا كون جيت في بلاصتك و خطيبي يدير نفس الشي رايحة نغير كيما أنت و ينتابني نفس شعورك
نظرات لا غير؟ ما عندوش حق يبرر هذا التصرف اليء
كاينين بزاف رجال كيما هاكا فيهم هذا الطبع الرديء بغض النظر عن جمال زوجاتهم
أنت حاولي تفهميه باللي الشي اللي راه يدير فيه ماهوش مقبول و انو يسيء ليك كامرأة
و الله أنا هذه النوعية من الرجال أمقتهم مقتا شديدا

و عليكم السلام و رحمة الله تعالى و بركاته

شوفي حنونه الغيره شيئ عادي و من حقك تاني لكن كان تبعيها ؤاح تمرضي روحك بااطل صدقيني يعني ساعات سامحيني تلقاي واحد اللبسه البرا تحيري كيفاش خدموها و خرجو بيها مرا و تقعد تخزر ما بالك راجل صح ماشي من حقو يخزر بصح كاين ساعات على نيتو يعني طيح عينيه ليس عمدا فلا تخربي حياتك بحاجه تافهة هذا بينك و بين رووحك بصح معاه حددي موقفك قلو هل ترضى انا نشوف في راجل غيرك و نقلك مجرد نظره؟؟ اكيد راح تغير نفس الشعور ليا انا حاولي تفهميه بالسياسه و ما دام دااااك نتي بين الوف و مليارات النساء راهو يحبك و نتي ملكة قلبو متعمريش راسك و نتي و نظرتك للموضوع إذا زاد على حده تم تضرفي تصرف ىخر و ربي يهنيكم و يهدي بالكم يا رب

الله يهنيك 🙂

شكرا حبيباتي .
والله الموضوع مارقني و احس ان حجابي هو السبب لتلك النظرات اصل كل البنات يلبسون غير الحجاب الشرعي و هذا ما يلفت نظر الرجال …

لا أختي وش دخل الحجاب في الحكايه علاه زعمة لوكان تتبرجي و تخرجي معاه ما راحش يولي يشوف و يولي يشوف غير فيك على العكس يقدر الله عز و جل بشؤم معصيتك يقلبلو قلبو عليك و بالتالي ادعيلو أنو ربي يطهرو من معاصي البصر و خلاص

نهدرلك بصراحة اغلب الرجال يخزرو وماشي المشكلة فيك ابدااااا
شوفي انت لما تخرجي شحال من واحد يخزر فيك نظرات عابرة هكذا راجلك
وزيد البنات هاجو صابو لا ليبارثي اللباس مزير ومكشوف وهما الي يتبلاو
الراجل يحب صح لكن لا يعني انه لا يرى غيرك ولو بنظرات عابرة
لا تجعلي الامر يهز ثقتك بنفسك وعيشي حياتك

و الله ضحكتيني يا عمري يلزم توالفي و هذا شيئ عادي لو تعسي روحك حتي انتي ديريها
يعني كي تكوني تمشي تشوفي خلق ربي منهم رجال بصح في القلب و العمر شكون انتي حتي هو هكاك
و يلزم تفرحي كي يديرها قدامك خير من موراك وهذا دليل علي الثيقة
في رايك كي يعود يمشي يدفن راسو في لرض حاولي ما تخنقيهش جيبهالو بضحكة بصح اذا كثر دوريهالو غربة
تعلمي تصبري روحك لاخاطر بعد الزواج تتحرقي بغيرتك و تهبل لاخاطر الحب يزيد
وهدى روحك بالقران و الاستغفار من قلبك فهمتي
ربي يفرحك و يهنيك ويكملكم و يرزقك بالذرية الصالحة

السلام عليكم
حبيباتي الجا اليكن لمساعدتي ومتاكدة من جودكن وطيبتكن

رايحة احكي
البارحةقصت لي الحلاقة شعري وعملت لي صبغة نوع غارنيي 5ومن بعد فوقهم ليماش
ولكن المشكلة انها كثرت بزاااااااف من قدام حتى اصبح تقريبا كله اصفر

وشكله مقرف و كرهتو وما طاحش علي
المهم الحادقة شوهتنى وتفرت
الان
دبرو علي كيفاش نعمل لاني انا ما نعرفش في الصبيغات
وشعري قليل بزاف وخايفة يزيد ينقص
انا في انتظار المساعدة والنجدة هههههه
شكرا جزيلا اخواتى

رجعيلها وقوليلها تنحيهملك حنونة نورمال ماطولش ورجعي تنحيهملك

شكرا حنان حبيبتي
اريد المساعدة من الخبيرات حتى اعمل الترقيع ف البيت هههه
على خاطر ولدي اصبح مريض طالعتلو السخانة وما نقدر نخرج للحفافة
وعلى هدي دبرو على في الصبغة والدرجة تاعها والمدة اش اللون يخرجلي اكاجو
ربي يحفظكم راني معقدة من شعري

ياختي اشري صبغة فشاتان فونصي يولي شعرك طبيعي بالتوفيق حنونة

عملي لوريات 2او3 تنحي بيها الصبغة

ربي يحفظ حنونة
وقداش نقعد المدة

حنونتي ربي يسعد ايامك ويحفظك
انا راني 0 في هدي الصوالح دايما نتكل على الحلاقة
مثلا لو ندير لوريات3 قداش المدة باش يخرج بني غامق ماهو اسود
شكرا

انا كي نحب نفاسي ندير شاتان فونسي وقادرة ديري شاتان كلار وما طوليش قابلي لمراية كي تشوفيه تبدل نحيه يعني ما طوليش بيه وما تعاوديش تسبغي طولي شوي باه ما يتحرقلكش

انا كنت نخدم الحلاقة في بيتي وكنت نخدم غير بيها كي كان عندي الكاسك
وعندي مدة منين بطلت الخدمة ولي تجي عندي كاين لي تبغي نحي ليميش نعلها ليها ونخليها على اقل ساعتين تخرج شاتان
غير جربيها وماتخافيش منها انا موالفة نديرها

اختي منطولش عليك جيبي لوريات رقم 11اضبعي شعرك وقعدي 20د برك واغسلي شعرك يرجع لون هايل ويحسدوك عليه رح تتمحى لماش شوية تعود تبان نتورال في شعرك على فكرة انا حلاقة والكتير يجيو للصالون يعانو من هاد المشكل الي تعمل الحلاقات الي معندهمش خبرة وبالتوفيق

السلام عليكم اخواتي العزيزات
والله انا اعني من الم شديد الم الضرص ولا يحتمل وجربت كل المواد الطبيعية المعروفة لاوقف هذا الالم الفضيع لكن بدون جدوى
ولانني حامل في نهاية الشهر السابع لا استطيع تناول اي نوع من الادوية الكيميائية المهدئة

المهم ارجو ان تتفضل احداكن وتساعدني بوصفة مجربة لتهدئة هذا الالم الفضيع الذي انا فيه وساكون شاكرة لها ليل نهار داعية لها في كل صلاة
وهل استطيع زيارة طبيبة اسنان ام لا ن زوجي يعمل وعليه ان يطلب فسحة مسائية لياخذني الى طبيبة الاسنان وانا اخشى ان لا تستطيع ان تعطيني اي مهدئ لكوني في الاشهر الثلاثة الاخيرة
ارجوكم ان تساعدوني الالم يكاد يقتلني

ربي يشفيك حبيبتي

جربتي زيت القرنفل عمليه في قطنة وديريه في الضرس الى راهي مثقوبة

السلام عليكم.لا باس عليك طهور ان شاء الله.هل جربت وضع الطيب(القرنفل)على ضرسك يقال انه نافع جداً لآلام الأسنان .ثم ان الحمل لا يمنعك من تناول الأدوية المهدئة خاصة وانك اجتزت الأشهر الاولى التي يتكون فيها الجنين صراحة انا لدي ولدان وكلاهما تناولت الأدوية المهدئة للألم في فترة حملهما والحمد لله هما بخير.اسال الله ان يعافيك انت وحملك

صباح الخير ياسمين. سلامتك عزيزتي من الالم. و الله مجرباتو.
انا نحيت ضرستي و انا حاملة بولدي هذا كنت بين ال07 و 08
قلت للطبيبة ربي يسهل المهم يحبس الوجاع.المهم كولي مليح و روحي باه البنج ماياثرش عليك.ربي معاك..

شكرا حبيباتي والله ما جربت القرنفل رايحة نجربو ولا ما عطاش نتيجة نشوف طبيبة اسنان بالاك تعطيني ادوية مادمكم مريتو بهذي المرحلة واستعملتو الادوية شكرا وربي يخليكم وما يصيبكم الم الضرص هههه والله يقتل

انا كي كنت حامل تسعة اشهر كنت نتالم كثير من ضرس العقل مسوس رحت للطبيب دارلي بلومباج ومبعد يومين ولدت تخيلي لو كان كنت نسوفري بالضرسة والولادة

بشفى عليك انا تاني صرالي هاك في ولدي
شوفي هادو مجربين مني شخصيا صحني القرنفل و ديريه عليها و لا شري زيت القرنفل من الصيدلية انتاع وجع الاسنان رائع ديري شوية في قطن وديريه على الضرس يجي حار بصح ايفييكاس
يشبه لهادا

طهور ان شاء الله اختي الافضل تروحي لطبيب وهو يعرف واش يمدلك بما انك حامل انا نخاف نقول حاجة للمرا الحامل بمتل هاد الامور ربي يشفيك عزيزتي ويقومك بالسلامة انتي وطفلك

ما اديري والو حتى تروحي للطبيبة حنونة هي اللي تقدر تنصحك جسم الانسان يختلف في الاستجابة وتقبل الاشياء من واحد لاخر
ربي يشفيك ويعافيك ويحمي جنينك يا رب

ربى يشافيك اختى و يكملك بكل خير ان شاء الله

وينكم ارجوووكم ادخلوا وجيدولي حل

ذكريات روحي poste de travail وانتي تلقايها

كينا قتلك ام عماد وليد

?Ta carte SD est bien insérée dans le PC
=> va dans "Gestion des disques" :
Poste de Travail clic droit Gérer Gestion des disques
>>? est-ce que tu vois ta carte SD

نعم حبيبتي رحت ثم ومالقيتهاش موالفة نلقاها ثم والان ماهيش تخرج لا في لمكتب ولا في poste de travail

درت كما قلتي ومالقيتهاش ماهيش تظهر على شاشة ايضا لذلك مالقيتهاش في Poste de Travail وكندخلها نسمع فقط صوت بدون صورة حتى زوجي مافهم والوا على ذيك قلت نقولكم بلاك صراتلكم كما صرالي

Sur Windows VISTA et WIndows 7 "" le Poste de Travail "" a change de denomination.

Il s’appelle desormais "" Ordinateur "" et a l’icone d’un petit moniteur d’ordinateur.

Tu peux l’avoir en passant par le menu Demarrer en bas a gauche, si il n’y a pas le racourcis par defaut sur le bureau.

حبيبتي ذكريات فيرفي مليح ليكتور ميموار يمكن مدخلتيهاش مليح ولا راكي قالبتها

ولله ياحبيبتي دخلتها وخرجتها الف مرة ومانيش قالبتها وراني قلتلكم كدخلتها في المرة الاولى رحت عندها طول كما تخرج تحت عند صوت والساعة ووو دخلت فيها ونقرشت وماتذكرتش واش درت ومن بعد كانت تظهر كنقرشت فيها ولات ماتظهرش خلاص في شاشة لمكتب ونسمع فقط صوت هذا مكان
بارك لله فيك حنونتي