المقادير و كيفية التحضير
لحم مرحي بقدر ما يكفيك باش تكفتيه ادا كانت عندك عرضة و الا حسب عدد افراد العائلة +ملح+فلفل اكحل
شوية زنجبيل مرحي+معدنوس مقطع رقيق+عطمة ونعجنوهم في بعضاهم مليح وتكفتيهم دوائر عادية او على شكل صبيعات
طراف دجاج مليحة خاصة تاع الفخد و الصدر+طرف زبدة في كوكوت على النار شوية قوية حمريهم مليح + شوية ملح+فلفل اسود و شوية زنجبيل مرحي و ادا حبيت زيدي شوية كركم
بعد ما يتحمر الدجاج في الزبدة مليح زيديلو بصلة مرحية وشوية ثوم و قليهم معاه و امرقيهم حتان يتغطى الدجاج
لما تشوفي الماء نقص زيدي اللحم الي كفتيه يغليو لمدة ربع ساعة ثم طفي عليهم و زيديهم مقدار نصف كاس كرام فراش و صبي الكل في مول تاع فور و ارمي شوية فورماج رابي من فوق و دخليهم الفرن حتان تنشف لا سوس و تبقى غير شوية وقدميها مع المعدنوس و القارس
و بصحتكم
الله غالب ماصورتوش وحدو واعلم ان الصورة غير واضحة كفاية
جاري تجريبه قريبا باذن الله
بصحتكم
مشكورة حنونتي …
والبنة لاحقت لينا بصحتكم