السلام عليكم و رحمة الله
عيدكم مبارك سعيد وكل عام وانتم بخير
أقدم لكم حلوياتي لعيد الفطر
أترككم مع الصور
على بركة الله
الصابلي بشكل جديد على شكل مربع ولي فيه الكركاع اسموحلوة النيسكافيه وكلهم بطلية الشكلاطة
ثم التشاراك المسكر ثم المشوك باللوز المنسل وبعضه بنواد كوكو ثم قاطو بحلوة الفارميسال ثم حلوة السيار او الغربال ثم قاطو جوز الهند بالطلية الزرقاء
وتفظلو مرحبا وسهلا وكل عام وانتم بألف خيييير
صح صح خوخة درتيه يا لالة شباب ما شاء الله
ما شاء الله
تعيدي و تعاودي
كل عام و انتي بخير
وصح عيدك أختي أم سامي
وشكرا على المرور نورتي
أرواااااااااااااااااااااحي اختي لعزيزة أننا ونشبعك قاطو ( بصح نعاود نجي معاك نخلف حقي ههههه) شكرا على المرور اللطيف نورت .
تعيدي وتزيدي عقبال العام الجاي وسنين كثيرة يارب
الله يسلمك ويتقبل منا ومنكم صالح الاعمال وعقبال العام الجاي
مرحبا مرحبا تشرفي وتنوري وديه كلوا ماش خسارة فيك
أما عن مقادير وطريقة تحضيرو فعلى الراس و العين وهو جد لذيذ واقتصادي وذوق وبنة وخفة ماعندي مانقول
اليك ماطلبتي عزيزتي نور الهدى
السلام عليكم و رحمة الله
المقـــــــــــادير :
3 حبات بيض .
كاس زيت .
كاس سكر عادي .
مغرف صغيرة فاني ، 1 خمارة كميائية ، مبشور القارص .
كاس و نصف مايزينة أو نشاء .
فرينة .
التحضيـــــــــــــــر:
في صحن نخلط كل المقادير مع بعض ثم نلم بالمايزينة و الفرينة حتى نتحصل على عجينة طرية نخليها ترتاح شويا ثم نصنعها كورات صغار بنفس الحجم .
نأخذ كورة ونحط فوقها السيار و نضغط عليها شويا باش تأخذ شكل الثقوب كي نكمل نستفهم في سنيوة و ندخلهم للفرن ميدوش وقت بزاف حوالي 10 دقائق .
كي تطيب و تبرد نلسق كل 2 حبات بالمعجون و نرمد الأطراف في نواد كوكو أو قوفريت مفتت .
نتمنى تجربيها هاااايلة ,
أنا فالحقيقة تلقيت صعوبة في خدمتهاهي ان الضغط بغربال كبير يضيع شويا الوقت على عكس الحلويات الاخرى ولكن و الحمد لله ربي جابلي واحد التسهيل رايحة نحكيلك التجربة ههههه كنت نخدم فيها وطولت لانو ياخذ وقت مين كل كويرة تضغطي عليها بالغربال نظرا لحجمه الكبير فاضطررت لحمل كل وحدة وضغط عليها اسفل الغربال حتى قالي ولد اختي لي عندو 8 سنوات ( خالتي علاش ماديريش بهادي أحسن ؟؟؟؟
تخيلي واش هي ؟؟ 
هادي لي نحطو فيها التيليكوموند
فرحت ودعيتلو من قلبي يسهل امورو وقرايتو كيما سهلها عليا وكان العمل اسرع وكمل في ظرف 5 دقائق بديت غير رافدتها ونضغط على الكويرات لي وجدتهم واحدة تلو الاخرى و الحمد لله
واذا لاحظتي فالصحن راح تلقاي النص الاول بالغربال خدمتهم قبل مايقترح عليا الفكرة و النص الثاني بطابع التيليكوموند ههههههههه حتى انه شكل طابع التيليكوموند اعجبني حتى اكثر من الشكل الطبيعي للحلوى اي أحسن من خدمتها بالغربال وبشهادة الجميع 
وراني نقلت تجربتي باش لي صعابت علينا نسهلوهالكم ليستفيد الجميع
احتراماتي للجميع
كل عام وانتم بخير
سلام
السلام عليك
صحة عيدك و كل عام و انت بخير الله يبارك فحلة و نص تعيدو و تعاودو
