الوسم: الفحلات

حبيت نشاوركم عندي ضيوف اللي هوما اهل زوجي راهم جايين انشالله عندي واش نعمليهم عشا ء حبيت عشاء اقتصادي و يكون يفرح العايلة و خاصة اللي عندهم خبرة مع الضياف و شكرا

شوفي عزيزتي ماكاش كيما الشخشوخة او الرشتة او الطعام بالجاج او اللحم .
و شوربة فريك و سلطة. هذا راه اقتصادي و يشبع و الناس هذا وش راهي تحط
او اذا قدرتي ديري طاجين زيتون بالجاج و حمري الجاج.
بالتوفيق حنونة.

السلام عليكم ورحمة الله وبركاته
ديري سوب الفرماج أو الخضار أو أي سوب معتمدتها ومعها افخاد الدجاج الكدابة وادا حماك وحماتك لازم حاجة عجيين بربوشة أو شخشوخة لي يحبوها مع سلطة وعصير البرتقال والجزر اقتصادي وبنين وللسهرة اعمليلهم تارت الفلان والماجور

نظن ميني اقتصادي وغير مكلف وربي يكون في عونك ويجازييك

صح الطعام كامل كرهوه . انا في رايي ديري رشتة ودجاج مع قازوز وشوي فواكه وخلاص .. واذا ضحكو قولهم مصروف وليدكم ههههههههههه

ربي ينوركم …..راح ناخذ بنصائحكم

اليوم الصباح عيطتلي ماما نوارة عجوزتي الغالية ربي يطول في عمرها و قالتلي متخدميش البساط أنا نخدمولك فرحت
بصح المشكل منعرفش واش هو البساط مع العلم أنها هي سطايفية

اي الفحلات قولولي كيجاير هذا البساط و مدبيكم إذا تقدرو طلعولي تصويرتو
راني نستن في ردكم

شكرا أختي جزاك الله خيرا

تسلمي ياغالية

السلام عليكم ورحمة الله وبركاته

في الحقيقة لاأدري أين أضع الموضوع ربما المكان هنا مناسب

يالجيجليات من فضلكن أريد المساعدة لشراء قطعة أرض في ولاية جيجل أرجو من لديها معلومات أن تعطيني المكان والثمن وسأكون لها شاكرة

وعلاه وحدة ماردت وينكم يالجيجليات ولا ماكانش هنا راني غير أنا جيجلية هنا

صحة رمضانكم حبيباتي ربي يقدرنا على صيامو وقيامو
المهم انا قاصدة كل ربة بيت ممتازة تشور عليا واش نطيب لدارشيخي
دلوني من فضلكن على اطباق جديدة وديكورها روعة باه نطيبهم
حابتهم يروحو مبهورين بالمايدة نتاعي
واذا تفضلتو عليا تحطولي حلويات للسهرة
واي حاجة جديدة في مجال تنظيم المائدة
راني رايحة نعرضهم يوم الجمعة
بليييييييييييييييييييييييييييييز بسرعة

بليييييييييييييييييييييييييييييز بسرعة

الفحلات راهم منهم و عليهم و الوصفات تاني ادخلي منتدى كوزينة و طياب رمضان و راح نبحثلك على روابط

شوربة + بريك بالبيشامال و الجاج+ بيض ملفوف في اللحم المرحي بلاصوص(جلبانة أو حميصة)+ سلطة التونة + خبز الطاجين+ عصير عنب أحمر بالحليب+ فلان طبقات+ قطايف محشية

أو

شوربة + جيب التاجر + ماشطو محشية+ سلطة روسية + خبــــــــــــــز بالزيتـــــــــــون+ عصير المانجو+ تحلية للصيف ولا اروع+ تارت جينواز بنكهة الحامض

مشكورة حبيبتي

الف شكر حبيبتي

شوربا اكيد

بوراك او بوش وكاين يسمهم صدفات

الطريقة تاعهم سهلى وتورى الوجه لاباط تتكون من كاس تاع الفرينة بلوس القليل من الملح زاءد بيضة والقليل من الزيت تلمى العجينة وتخليها على جنب
وتروحى تحضرى الحشو وهو عبارة عن الفلفل لحلو مقطع رقيق وحبة طماطم واللحم المرحى والقليل من الملح والتوابل وطيبيهم كمل لحميص وضفى الفرماج فى الاخير

ومن بعد خليها تبرد وتروحى للعجينة تاعك تفردها مليح بى الحلال وتطبعها بكاس كبير واو بى طابع كبير دائرى يكون وتبدى بى الحشو وتقفلها على ااتنين يعنى تجبى النصف الفارغ على الاخر وتضغطى بى الفرشات تتحصلى على بوش او صدفة من بعد ادهنها من فوق بى صفار البيض ودخليها الفرن وشهية طيبة

اما 2 بلا خليه يكون خفيف وجميل

اما السلاطة در ى ما سدوان

اما الحلو ديرى لى سورزا راهم خفاف وهبلو مع وحد روسات مدتهل مرى احدى العضوات تورى الوجه صح هى عبارة عن

كرام فراش وكرام شنتيى وقاطو الاصابع والقهوة والجبن الطرى

الطريقة 1 تحضرى لكرام فراش
2تحضرى كرام شنتيى

3 تبداى تخدمى

1 القاطو اصابع تبليه بى القهوة طيبا وتزيدى لكرام فرش لى تكونى خاطتها مع الجبن وتزيدى القطو المبلل فى القهوة وتزدى لكرام ششنتى وتكرى رى العملية حتى تملئى الكوب المخصص انا درو فى نتاع الديسار اة تاع لفلون

ادا احتجتى اى سؤال رانى فى الخدمة الله يهنيك مع ضيوفك وصحى فطوركم

الله يحفظك ياعمري

يالله يالبنات انا في انتطاركم لاتبخلوا عليا بنصائحكم

ممكن نقترح عليك سكلوب دجاج بالخبز والبيض شهي جذا وخفيف الوصفة كتالي { نشرح صدر الدجاج أطراف قد مساحة اليد ثم نجهز في طبق التوابل التالية شوي إكليل+فلفل أسود+كوسبر مرحيين ونتبل أطراف الدجاج +شوي ثوم+الملح نهرسهم مع بعضاهم ونزيدهم شوي موطارد ونمسح أطراف الدجاج جيدا ضربي البيض جيدا غطسي فيه أطراف الدجاج ولبسيها بالخبز المرحي وأقليها في الزيت الساخن عندم تتحمر ضعيها فوق ورق ماص} جربيها وراح تدعيلي

راني سمعت كاينة وحد الطبيبة و سمها الطبيبة لطرش مختصة في الريجيم و قالولي إذا حبيت تنقصي من وذنك تنقصي

أيا الشاطرات قولولي وين جاية هادي الطبيبة و رقم الهاتف إذا أمكن

كانت لي قريبة هناك وكنت سميييييينة وسمعت انه عملت ابر صينية بشلف كن للاسف ماعنديش معلومات لكن كانت ولازالت النتيجة مذهلة

السلام عليكم ختيتي
صراحة منعرفهاش مي والله غير نسقسيلك ماشي مشكل

السلام عليكن
عندي مجموعة اواني مع لا كوكوث من مدة كنت مريضة انا واطفالي وكنت غير نغسل بلاما نحكهم كيما يلزم لهذا من الخارج الكاسرولات راهم شوية يحتاج نحكهم مليييييييييح باش يوليو كيما السابق كانهم جداد
لهذا حبيت تمدولي دبارة ايفيكاس وطريقة فعالة والمواد واش نستعمل الافضل والانفع

ومشكورات يا حوائيات

انا ليوم حكمت وحد القدرةسخنتلها الجافيل والازيس عادي والاجاكس او السينيال وحكيت وكلما يبرد الخليط نزيد نسخنو رديتها ماماي
والبنات كي يدخلو يزيدو يفيدوك ربي يجيبلك الشفاء

شكرا اختي طريقة فعالة لكن لما يكونو الماعن بزاف لازم طريقة اسرع وبجهد اقل هههههه تفنيين

اختي انصحك بنظاف اسمه فورس اكسبراس قرعته شيني ثمنه 26الف وممكن 28الف كل واحد كيفاه يبع لكنه فعال بل رائع رشي فوق الماعن اللي رايح تغسل وخليه بعض والوقت وحكيه بالخزم وراح تلاحظي يرجعو جدد وراح تدعي لي ومليح جتى لغسيل ماعن البلاستك

السلام عليكم …
.
.
.
.
.
بنات اليوم عندي ضياف و باغية ندير ليهم الشخشوخة (على طلب منهم ) …
يا ريت كل وحدة تقولي واش نقدر نقدّم معاها …
يعني سلطة ولا طبق آخر …
و حبذا طريقة او اثنين للتقديم …
.

.
.
.
.
.
.
هيا يا الفحلات و ارجوا ان تكون سهلة الاعداد راكم عارفين راني حامل …
.
.
.
راني رايحة شوي مذا بيّ كي نرجع نصيب اجابة او اثنين …
..
.
.

يا اختي بما انه الشخشوخة حمراء يفضل معاها حاجة بيضاء و انا افضل طاجين الكفتة و هو ساهل خلاص شوفي نعطيك طريقتي فالعمل
انصبي البرمة تاعك نورمال تاع الشخشوخة يعني قطعي البصل شوية ثوم فلفل اكحل ملح و شوية سمن و لا زيت و بطبيعة الحا اللحم و الدجاج لان الشخشوخة باه تجي مليحة لازمها في زوج قلي البرمة تاعك مليح و مبعد ضفيلها الماء بلا ماضيفي الطماطم سشوف اقلك علاه بها مبعد تصفي شوية مرقة تنحيها و تحطي فيها الكفتة تاعك بعد مادوتيها يعني اللحم مرحي المهم ان شاء الله فهمتيني
نوليو للشخشوخة تاعنا كي يطيب اللحم نحيه وبلا ماتنساي الحمص حطيه وحدو يطيب في شوية ماء و ملح المهم فوري الشخشوخة تاعك الخطرة الاولى بعد ما تكوني درتيلها الزيت و كي تفور نحيها و دريلها الماء و هي سخونة و صفيها خليها تشيح مليح و دريلها الزيت و زيدي حطيها تفور و مبعد نحيها هدا الرة مدريلهاش الماء جيبي شوية مرقة و شمغرف صغيرة طماكم مصبرة و شوية ملح و مغرفة زبدة دوبيهم مليح فالمرقة هديك وصبيها مليح وخليها تشيح مليح و زيدي فوريها الخطرة الاخيرة نحيها و حطيلها المرقة يكونو سخونين في زوج و غطيها و خليها تشرب بالعقل بلا ماتنساي الزبدة
وكي طيب الكفتة نحي طرف اللحم اقليه شوية و حطيه فالطبسي و حدي الكفتة و زينيها بشوية معدنوس و قارص هادي الخطوة حتى تجي تحطي للضياف
و الكفتة يليق معاها خبز الدار
و السلاطة عادي شوية روز مفور مع الجلبانة و الطن و المايوناز و الماييس تخلطيهم مليح و دريه فالوسط و داير بيه الريش سلاطة و الطماطم دوائر دوائر و زيتون الاكحل
و شهية طيبة
ان شاء الله تكوني فهمتيني

.
.
.
.
.
.
.
شكرا جزيــــــــــــــــــــــــــــــــلا …
ربي يحفظك …
.
.
.

.
.
.
.
درت الحميس …
و السلطة ندير اللي ذكرتها ام الحلوات …
.
.
.
.
يعني ماشاء الله عليك تهليتي فيهم مليح
ربي يحفظك …
.
.
.
مرة اخرى ان شاء الله ندير التتبيلة في الليل مشكورة على النصيحة ….

.
.
.
.
.
مشكووووووووووووووووورة حبيبتي …
يومك اسعد …
.
.
.

فات الوقت موفقة اختي

اتمنى ان ارى اطباقك شوقتيني

البنات الله يخليكم .. زوجي راح حاب ياكل في العشا غراتان بالسلق و المرقاز ..
الي تعرف اي وصفة او عندها اي فكرة تفيدني .. بلييييز

ان شاء الله الاخوات يفيدوك

ان شاء الله البنات يفيدوك انا راجلي مايحب السلق
وانا نموت عليه

أكيد درتيه درك هذا وين دخلت السلق غراتان هائل وخاصة مع المرقاز شوفي أنا ندير معاه شوية بطاطا نحضر السلق نقلي البطاطا طبعا نقصها مكعبات ونزيد نطيب المرقاز ونقصو دوائر ويخلط الكل والشي لي تحبي تزيديه الفرماج الكاشير المعدنوس ونكسر عليها البيض ونحط من الفوق فرماج رابي وعلى الفرن وبصحة

خبيزة السلق
نقطع البصل صغير وسنينات ثوم نقطعا صغيرة جدا ولا ارحيها ونديرو في المقلى مع قليل من الزيت كي يبدا يحمر نفرغ السلق بعد ماكنت نقيتو وخسلتو مليح وخليتو يقطر نقلب مليح مع البصل حتى ينشف من الماء نديلو ملح وفلفل اسود
ومن جهة اخري نطيب مرقاز ومبعد نقطع صغبر تقذر ديري لحم مرحي تاني مليح الى يساعدك
نخلطهم مع بعض تجيبي صينية تدهنيها بانيت مليح في كل الحواف تحطي الحشو ومبعد تخلطي البيض مليح وتفرغيه عليها وتبرش الفورماج ودخليها الفرن وبصحتك وصفة كتير هايلة صحية وناجحة والاهم بنينة
وعندي وصفة اخرى بالسلق والبذنجان اذا كنت تحب نقلهالك ثانب كثير مليحة وبنينة

أنا نفور السلق و مبعد نعصرو مليح و نشفو في شوية زبدة مع ليزيبيس
و من جهة ندير فيونداشي مع شوية بصل و مبعد نخلط السلق مع الفيونداشي و نخلط معاهم كمية مليحة من البيشاميل تكوني كترتيلها فروماج ، ديريه في بلا نتاع فور و فرغي بقية البيشاميل و دردري فرماج رابي

السلام عليكم
.
.
اليوم جاييني ضياف مورا الغدا … حضرت بعض انواع القاطو … و راح نحضر طمينة …
و باغية نقدملهم المكسرات و سلطة الفوكه و اكيد مشروبات عصير و القهوة و الشاي …
.
.
بحرتلي في الترتيب قولولي بواش نبدا … خاصة سلطة الفواكه متى نقدمها
.

. هيا با بنات ما عندكمش وقت بزاف ….
بلييييييييييز

السﻻم عليكم
اهﻻ أم هاجر
ماباركتلكش بالمولود الجديد اسمحيلي. ماكانش علبالي. المهم ربي ايباركلك أو يكبر في طاعة الرحمن
اما بالنسبة للعرضة احنا انمحظ في اﻵول الجو مع الفاكهة أو راكد امقصرين. من بعد أزيدي القهوة مع الحلويات الخاصة بيها أذا حبيتي اتحطي الطمينة مع القهوة لك ذلك أو أذا حطيتيها مع تاي عادي مع حلوى لتاي
المكسرات حطيهم مع لتاي في اﻻخير هاذي انسيتها
امسية سعيدة

صباح الخير طاطاتي
بو يجو يتغداو ألوغ يبداو بالغدا جوست كي يتغداو حطيلهم salade de fruit
مع القصرا وكي تبدا تحلى حطيلهم شويا مكسرات مع لتاي (الشاي)
عشيا وقت القهوة حطيلهم الطمينة مع القاطو هكدا يستقهواو ويسهلو ان شاء الله
bon à mon avi

السلام عليكم نفس راي ام عبد الرزاق

اسمحيلي ام هاجر درك وين سمعت بلي ولدتي مبروك عليك اختي ويتربى في عزك وعز باباه
شوفي احنا عوايدنا نقدموا الفواكه مع العصير في الاول ومبعد نحطو القهوة مع الزريرة يعني الطمينة والحلويات ومبعد التاي مع المكسرات
وكاين العكس المهم لمستك الخاصة في طريقة التقديم وهي الاهم

أنا رأيي من رأي الأخوات أم عبد الرزاق و همسة قلب

مبروك عليك اختي ويتربى في عزك وعز ابوه وربي يقدرك وان شاء الله ذرية صالحة
نعم مثل ماقالوا الاخوات
فقط مادام اليوم ليس بطويل وجايين بعد الغدا يعني قادرة تعملي سلاطة الفاكهة و العصائر مع ليصالي
بعدها قهوة بالحليب والقاطو المتنوع
بعدها الشاي مع المكسرات والطمينة
وعندما يجوا رايحين اللي ماداش حقه او مقدرش ياكل اعطيهم حقهم في علب من كارتون
وبصحتهم وربي معاك

السلام عليكم و رحمة الله تعالى و بركاته

مبروك عليك المزيود الجديد يتربى في الصحة و العافية
alors كي يتغداو بون تقعدو تقصرو جوست مور الغدا ب 10 دقائق ربما زيديلهم السلطة ديال الفاكية ممبعد اعطيلهم القهوة بالحلويات و الطمينة
مع الاخير تحلى القصرة بالشاي و المكسرات هدا رأيي لكن راهم ضيافك و اكرام الضيف راها حاج مليحة

شكرا 🙂 🙂 🙂

السلام عليكم ورحمة الله وبركاته
من فضلكم أعطوني السر باش مايخرجش الحشو تاع الدولمة بطاطا والقرنون على خاطر غالبا ما نلقاها تعوم فالمرق خايبة ههههههههههههههه
وتاني تاع المشكلة ؟؟؟؟؟؟؟؟؟؟

22مشاهدة ولا رد

السلام عليكم
حبيبتي لست خبيرة الحقيقة لكن ممكن متزوديش الحشو بزاف لانه يتمدد بالطياب يعني حطي شوي برك كي يطيب يجي قد قد مع الحبة
وممكن ثاني متعمليش الحشو جاري يعني اعمليه صلب كي لا يسيل
وجربي
اكيد الشاطرات تاعنا ضرك يردوا عليك
بصحتكم

حبيبتي لست خبيرة الحقيقة لكن بعد ان يغلي المرق لمدة 15د نرتب الخضر المحشية و نغطي القدر على نار متوسطة لينضح
ارجو ان اكون قد وفيتك ببعض المعلومات

كيما قالت ام ميدو
حاولي ماتغطسيش الخضر المعمرة في المرق ونقسي النار

الاخوات قلن كل الدي اعرفه
ربي يعونك

اكيد حبيبتي راكي تفوتيلها الطياب
ماديريهاش في البداية تاع الطياب خليها حتى نص الطياب رميها
و مالازم تحركيها خليها حتى تتجمر المرقة و طفي عليها

شكرا لكن جمييييييييييييييييعا نسيي ونرد عليكم

لكي الحشو مايهربش من الداخل ماعليك الا تمسحيها بالماء
يعني كي ترفدي الحبة بطاطا شمخي يديك بالماء والقرنون كي تحشيه كذلك يكون مقعر شوية
وادخلي الحشو يكون 3/4 خلي قيس ما يطيب وينتفخ