الوسم: العجن

السلام عليكم

يوجد الكثير من انواع الات العجن وحابة نشري واحدة ولكن لا اعرف الاحسن
حتى ان هناك الات تعجن وتطهي يعني تريح ع الاخر
المطلوب حبيباتي / اللي مجربة نوع معين وناجح معاها تقول على الاسم والثمن واذا حبت تتفضل وتزيد على الوصفات اللي تعملهم بها
الشكر موصول للجميع وبارك الله فيكم
اتمنى الردود منكم …..اختكم ام ادريس تنتظركم

يا البنات مازلت انتظر ردودكن على احر من الجمر
لاني اثق فيكن
تحية عطرة للكل

ان شاء الله يجاوبوك البنات
لأنني أنا أيضا راح نستفاد من الإجابة حتى أنا بغيت نشري واحدة

TER][/CENTER]

شكرا كروانة وام ما ريا على المساندة
اصبح الطلب جماعي وين راكم يا الشاطرات

حتى ان هناك الات تعجن وتطهي

هدى اول مرة نسمع بيها اختي ام ادريس
تطهى ؟ املا راهم يطيرو
شوفي لما تروحي تشري يكثرو ريان كل واحد واش يقولك

المهم لازم يكون في معلومه او اله العجين لازم تشريها على حساب العدد الي تحبيه انت
كاين الات الي ما يستحملوش مثلا كثر من كيلو
وكاين نتاع زوج وهيا رايحا

في انتظار خبيرات العجن ههههه

السلام عليكم بابنسبة لالة اللي تعجن وتطيب يقولو مليحة بصح حبيبتي انا نحب حوايج اللي تطيب في الفور
بنت عمي عندها واحدة قالتلي مليحةبصح هي ماتحبش تطيب
اما انا اختي ننصحك بعجانة كينوود عندي من 4 سنين اكثر من رائع وقتها 4ملايين

حبيبتي نور هكذا سمعت واحنا في عصر التكنولوجيا
شكرا على النصيحة

وعليكم السلام اختي kokotg
بارك الله فيك
لو تتفضلي وتشرحلي كاش وصفات تعمليهم فيها
معلش تحملي اختك شوية تقيلة وطول ما تفهم
مشكوووورة

شيئ عادي أختي
مكانش ألي زاد معلم

شوفي هذه الوصفة
elle est 100/100 najeha inchalah
1kg de farine,1oeuf,sel,2c soupes de khemira,eau tiede pr ramasser la pate ,la pate doit etre chwiya molle,laisser la reposer puis degazer apres on prend un petit verre a thé d’huile (de l’huile d’olive pr moi)alors j’éssay de pétrir la pâte avec cette huile mais en 3parti laisser encore reposer,dégazer puis partager la pâte en 3 boules ou en 4 aplatir avec la main sur un linge propre avec de la semoule ou de la farine comme tu veux et laisser les matlou3at lol gonfler apres les faire cuire comme ça toute gonfler sur un tajine en terre bonne dégustation.

متفشليش ديريه و عاوديه حتى تتعلمي مليح
نتمنى نكون أفدتك

ها هي صورة تطبيقي لهذه الوصفة

انا نعطيك وصفة تاع مطلوع مغنية بلادي
ديري كيلو فرينة+ مغرف كبيرة خمارة+ مغرف ملح+مغرف سكر
تخلطي الكل مع بعض وديري ماء دافئ وتخلطي وخليه يريح
ضربيه بيديك 2 مرات وخليه يخمر45دقيقة
وتقطعية قريصات فالسميد وخليه تاني شوية يطلع
وحمي الكوشة ودخليه يطيب
انا تاني نعجن من صغري يجي روعه

انت حابة تديري مطلوع ولا خبز الدار

أختي مطلوع الفرينة وحدها ما يندلكش، تاعالسميد هو اللي تدلكيه مليح

هدي مافيها حتى حشمة اختي العزيزة الناس كامل تحب تتعلم وراني لقيتلك واش تحوسي للامانة منقول
المقادير نتاع 2 قرصات مطلوع:

– رطل فرينة إذا حبيتيهم كبار أو 400 غ إذا حبيتيهم متوسطين
– 2 م ص ملح
– 1 م ص سكر
– 5 م ص خميرة الخبز يعني 2.5 لكل قرصة
– شوية سانوج أو الحبة السوداء

[IMG]إضغط هنا لرؤية الصورة بحجمها الطبيعي.

التحضير: ولا أسهل

**ضعي الفرينة في قصعة و أعملي حفرة وسطها حطي الخميرة و السكر
**الملح و السانوج حطيه على جانب الحفرة ماتحطيهش مع الخميرة لأنو راح يبطل مفعولها

**صبي الماء الدافئ فوق الخميرة و اجملي الفرينة نتاع الحواف بالشوية حتان توصلي للملح و كملي بالماء حتان تتحصلي على عجينة طرية تلصق في اليد
**بلا ما تعجنيها غطيها و خليها ترتاح و تختمر مدة 30د

[IMG]إضغط هنا لرؤية الصورة بحجمها الطبيعي.[/IMG]

**بعد ما اختمرت

[IMG]إضغط هنا لرؤية الصورة بحجمها الطبيعي.[/IMG]

**اعجنيها مليح مليح حتان تولي ملساء وإذا جاتك ناقصة طراوة زيديلها الماء الدافئ(أنا نبللها كفاية منذ البداية )

**اقسميها على 2 و كوريها و خليها دقيقة وحدة فقط ترتاح باش تقدري تقرصيها

[IMG]إضغط هنا لرؤية الصورة بحجمها الطبيعي.[/IMG]

**قرصيهم و خليهم يختمرو مدة 10 د أو 15 د حسب الجو إذا كان سخون بزاف ولا شوي شوي

[IMG]إضغط هنا لرؤية الصورة بحجمها الطبيعي.[/IMG]

**كي يختمروا تكوني حطيتي الطاجين يسخن و طيبيها على الجيهتين

[IMG]إضغط هنا لرؤية الصورة بحجمها الطبيعي.[/IMG]

و هذي هي النتيجة الخفة و الطراوة و الملمس القطني و كذلك المذاق القطني

[IMG]إضغط هنا لرؤية الصورة بحجمها الطبيعي.

lah ybarak hata ana stfadt lah ya3tikum sa7a w khti matkhafich belwalf tat3almi kima t3alamna ga3

بارك الله فيكم أخواتي فرحت بأجوبتكم
نعم راني نحوس على المطلوع و ليس خبز الدار و بالفرينة فقط و كيما قلت مشكلتي خاصة في الماء ما نعرفش شحال لازم ندير في نصف رطل فرينة مثلا