هاد الوصفة اخذتها من عند اخت لي ندعيلها ربي يجازيها كل خير … الوصفة رااائعة مليحة مع لاتاي او القهوة ديروها للعائلة و حتى للضياف و كيما سميتها انا مقروط البقلاوة لانها تشبه للبقلاوة فالشكل و حتى الذوق نوعا ما.
*** العجينة***
* 4 كيلات سميد متوسط.
* 1 كيلة مرغرين ذائبة.
* ملح.
* 1/2 باكي خميرة كيميائية.
* ماء و ماء الزهر.
* 3 كيلات لوز او كوكاو مطحون متوسط.
* كيلة سكر ناقصة اصبع.
*قرفة.
* ماء زهر
* نحطو السميد + المرغرين و الملح و نخلطو ملييييييييح ( نبسس ما نعجنش)
* نضيفو الخميرة الكيميائية.
* نضيفو الماء و ماء الزهر بلعقل و نلم (ماااانعجنش) حتى نتحصل على عجينة شادة روحها نقسمها الى جزئين متساويين و نحطها بجهة.
* نحضر الحشو نخلط اللوز او الكوكاو + السكر + القرفة و نبللها بشوية ماء الزهر ( منشمخهاش بزاف).
* نجيب صينية الفرن و نفرش العجينة الاولى و نحلها مليح.
* نفرش الحشو فوق العجينة.
* نحل العجينة الثانيو و نرفدها و نحطها فوق الحشو و ننقشها بالنقاش و نطراسي الحبات و نرشق حبات لوز ملفوق.
* نسخن الفرن و ندخل المقروط يطيب 180 د حتى نشوف الجوانب حمارو نشعل ملفوق على نار متوسطة و نطيب الوجه حتى يتحمر.
* نسخن العسيلة + ماء الزهر و نعسلها فور خروجها مالفرن.
و نقدمها فليكيسات….
و هاهي عن قرب اااامممم ذوقها ماشاء الله
تعطيك الصحة يبان هايل
سررت بمروركن
واش نقولك يعجز اللسان عن التعبير
ربي يخليلك يديك الحلوين
والله تستاهلي احلى تقييم و بوسة من عندي يا غالية على قلبي
شهتيني فيه فرح 