السلام عليكم ورحمة الله تعالى وبركاته
تبارك الله مشاء الله
جبتلكم طريقة تحضير مقرود السنيوة او مقرود البقلاوة لانو بنتو مخلطة مابين المقروط والبقلاوة
المقادير
ثلث كيلات ونص سميد ونص كيلة فرينة انا استعملت سميد sim من النوع المتوسط
كيلة زبدة دايبة ماشي سخونة انا استعملت margarine label
قرصة ملح
ملعقة صغيرة خميرة الحلوى
ماء الزهر نجمعو بيه
الحشو
ثلث كيلات الحشو كيلة سكر ناعم وملعقة صغيرة فاني
ونشمخو بما الزهر
هنا الحشو اختياري
كاوكاو او غرس او لوز او جوز
الطريقة
نضع السميد مع الملح والسمن يكون ذايب وماشي سخون نحكو باليد جيدا
هنا نجمعو ونحطيه ونخليه يبات
هنا في الصباح نحطو في العجانة مع ملعقة صغيرة خميرة الحلوى ونخليه يتخلط جيدااااااااااا
وبعدها نشمخو بماء الزهر ونقسمو الى زوج كويرات
نبسط العجينة الاولى على ورق الزبدة
نضعها في البلاطو
ثم نضع فوقها الحشو
ثم نحل الكويرة الثانية ونضعها فوق الحشو
نقطعه مقروضات وننقشه ونزينه
ندخله للفرن على 180درجة ونخليه يطيب بخاطرو
بعد ما نخرجه من الفرن نسقيه وهو سخون بالعسل مخلط مع شوية ماء الزهر لازم العسل بارد والمقروظ سخون ونخليه يتشرب جيدااااااااااا مدة طويلة
وفي حالة تشرب العسل ويبان مخصوص نزيدلو العسل عااادي
هدا هو السميد الي ستعملت
انا كيلت بكاس عادي قياس البلاطو المستعمل 24على 28سم
ولا تنسوني من صالح دعائكن لي ولي عائلتي ولكن بالمثل
يعطيك الصحة فرح
شهتيني فيه فرح مشااء الله هايل
ربي يبارك فيك عزيزتي والله خرجلك رووعة والطياب تاعو اسخف
يعطيك الف صحة وعافية
تم تدوين الوصفة نجربووو بادن الله
ربي يحفضك و يعطيك ما تتمنااي^_^
الله يسلمكم لبنات
وشكرا لتواجدكن في صفحتي
فالمقادير كيلة زبدة او سمن ؟!
