ا لمقادير= كيلو فرينة + حبة بيض+بين صباعك زعفران+ قرصة ملح + الحليب للعجن + الزيت للقلي + العسل وممكن تستعملي 500غ فرينة فقط لانه يقطع بزاف ومليح في الاعراس وخفيف نبداو باسم الله في العمل نحط الفرينة في القصعة ونضيف الملح ونخلط ثم ا لبيضة ونخلط ثو نضيف الحليب بشوية حتى تتلم العجينة ماهي طرية بزاف ماهي يابسة ونخلوها ترتاح في الصاشي نصف ساعة والان جاء دور الماشينة نتاع البقلاوة ناخذ كرة صغيرة ونحلها في الارقام التالية 1+2+4+6+7+9 ونقطعها على شكل مستطيلات طول كل قطعة 30سم والعرض 5 الى 7 سم ولا كيما حبتي الحبة كبيرة ولا صغيرة ناتي الان الى القلي نجيب طاوة ونحط في زيت غزير 2كاس ونخليه يسخن ولما يسخن ناتي بالقطعة نحطها بشكل عمودي ونكون رافدتها بالطول ونبقى حاكمتها من الفوق سوف تنتفخ الجزء الاول ونقلب بالفرشيطة ونلوي ونفلي حتى نكمل الحبة ونحطها في الكسكس تقطر وهكذا دواليك حتى نكمل باقي العجينة و نعسلها في العسل وبالحبة ايضا ومن الداخل ومن الخارج باش تشرب مليح نا ما نعرفش في التكنولوجيا لوكان نعرف نخدها بالصور ونوريها لكم هوشباب بزاف وبزاف ناس يبغوه ارجو ان اكون قد وفقت في الشرح و هو ساهل بصح يطول في خدمتو واي استفسار انا راني هنا
يسلمووو الايادي
عملتو نموت اعليه
احنا نسموه المقرقشات
انصحيني من فصلك باش انجح فيه
