الوسم: الحنيفيات

السلام عليكم ورحمة الله وبركاته
تفضلوا شوفوا الحنيفيات تاوعي درتهم البارح والحمد لله لحقت نصور بعضهم

المقادير
كيلو فرينة
2 خميرة كيميائية
250غ زبدة اي نوع دائبة
ملح و بيضة وماء زهر
نعجنها ونقسمها كريات و نخليها ترتاح ومن بعد نحل بالكرية ونذرذر فوقها النشأ ومن بعد نلفها ونقطع مقروضات ونعاود نحلهم وكل مانحل وحدة نغطيها بورق الفيلم او ساشي وكي نكملهم نقليهم في زيت يكزون ساخن جدا بصح كي نحطو الحبة تطيب ننقصولو النار على االاخير
كي يطيبو نخلوهم يتقطرو مليح في كسكاس ولغدوا نعسلوهم بعسل ثقيل وسخون

سلامي الحار لكل العضوات

bsahtak cahbin
hadou bihal almgargchat aw la

يعطك الصحة

يعطيك الصحة والله يحلي ايامك

ايه يشبهولهم بصح هاذو يجو طريين ومقرمشين وخفاف

يعطيك الصحة شابين خرجولك

الله يبارك ماشاء الله
خرجولك هايلين

يعطيك الصحة خرجولك هايلين

م كوتر ربي يعيشك والله الله يبارك شاطرة بصح حابة نسقسيك انتي ترونيها بالحليب ولا بالماء وماء زهر لان في الجلفة البسامية اظن اسمها ياربي نسيت عاملة ترونها بالحليب
وتاني حاجة كي تقطعيها وتحليها بالرولو باش تتكون على شكل مروحة هل تحطيها في التلاجة تحكم روحها ولالا لان في ناس قالولي لازم تنحط في التلاجة لان جربتها ماخرجتليش مليحة وحابة نجرب طريقتك لان واثقة فيها

شوفي عزيزتي هدي عندنا نسموها المبسوطة و هي تتبل بالماء وماء زهر لا غير
ترتاح شوية و فوتيها في مشينة تع بقلاوة على اخر رقم باه تكون رقيقة كتري النشاء و الويها كما شفتي
من بعد قطعيها و حليها ديريكت بالرولو ماكونجلاتوغ ماوالو و سرها كامل في القلي
الزيت يكون غزير و سخون مليح و النار جد هادية
و باه تتحصلي على خدمة متقونة
الوي ككل الكمية ومن بعد ارجعي قطعي كذلك كل الكمية ومن بعد حليهم بالرولو كاملين و ارجعي للقلي
اي سؤال انا في الخدمة

2خميرة كيميائية

مافهمتش اختي كوثر كيفاش هذه المرحلة تعاودي تلميهم حربوش ولا واش الله يخليك فهميني فهمي على قدي

[/IMG]
[IMG]إضغط هنا لرؤية الصورة بحجمها الطبيعي.

انتضر جوابك اختي ويعطيك الصحة جاتك تهبل

سلاام
اختي العزيزة بعدما تقطعيها معيات عاودي حليها طوليا بالرولو و هدا كل شيئ
اي استفسار انا في الخدمة

ايوة هاكدا فهمت مليح ربي يعيشك يارب يا ام كوتر جزاك الله خيرا

شكرا لكي اختي لدي سؤال نقدر انقص من الزبده ولا لا

مشكوووووورة والله يعطيك الف عافيه ننتظر جديدك

العفو اختي لالا ماتقدريش لازم نفس كمية الزبدة
الله يسلمك اختي

مساء الخير انا روعاة الاخت التي تسال ان العجين هدا الكيفي مثل عجينة القريوش انا مجربتها استسمح الاخت التي قدمة الكيفي اعطيه معاوم انا اديف ملعقتين من الخل فجي خفيف انا من قسنطينة شرق الجزائر