الوسم: التارتة.

السلام عليكم
كيما قلت أخواتي، راهي الفراولة بكثرة في الأسواق و بأسعار معقولة (مقارنة بالسيدة البطاطا) إليكن المقادير لتحضير التارتة.
العجينة: عملتها سابلي على طريقة الفرنسي Hervé:
50غ سكر ناعم
50 غ سكر عادي
حبة بيض
250غ فرينة
قرصة ملح
150 غ زبدة
التحضير:
نخلط السكر الناعم و العادي مع البيض بالخلاط و قرصة الملح. نضيف الفرينة و نحرك مليح و في الأخير نضيف الزبدة و نجمع العجينة. نحطها تريح في الثلاجة من 1/2 ساعة إلى ساعة.
بعد ذلك نحلها في مول أ تارت مدهون و نوضعها في الفرن.
الكريمة: 1/2 لتر حليب
فنجان سكر عادي

فنجان (ماشي مملوء) مايزينة أو فرينة
فانيلا
2 صفار بيض (أو واحد يكفي)
نطيبوها على نار هادية و نخليها بجنب.
نحط كمية قليلة من الفراولة (حوالي نصف رطل) في قليل من الماء و سكر، يتغلى لحوالي 10 د. نصفيه من السيرو و نرحيه. السيرو يكون عندو لون لفريز بزاف شباب، نخليه يكمل الغليان حتى إولي مثل لا جولي (la gelée) أو الشربات.
نخلط الٱن لفريز المسحوق مليح مع الكريمة( ممكن استعمال يد الخلاط)
بعد ما تطيب العجينة نحط فيها اكريمة إلي ولا لونها وردي. نزين بحبات الفريز حسب الرغبة. في الأخير نفرغ عليها السيرو إلي حضرتو من قبل. نتمنى أجربوها بنينة بزاف. و بصحتكم. سلام.

السلام عليكم ورحمة الله وبركاته هايلة اختي بارك الله فيك

هايلة يعطيك الصحة

شكرا لك اختي على الوصفة
واسفة اديت الوصفة و جربتها بلا ما نقولك ولا نرد على موضوعك
خرجت هااااااااااااااايلة
يسلمووووووووو ايديكي

تسلمي أختي. سررت بردك الجميل.

عليكم السلام و فيك بارك الله . سررت بردك أختي.

بصحتك أختي، شكرا لمرورك العطر.

امممممممممممممم باينة بنينة، ما شاء الله خرجلك روعـــــة يا الشاطرة، يعطيك الصحة و بصحتكم

تسلمي حبيبتي، سررت كثيرا بمرورك.