الوسم: الاضحى
صينية الخرفان لعيد الاضحى 2024.
بعدين جبت مكعبات انا سويتها من الكرتون مقاسها <3×3>سويت منها 6مكعبات …
وغطيتها بالخيش قصقصته صغار وحطيت على المكعبات صمغ الورق ولصقت عليه الخيش وربطته بخيش بعد علشان يصير شكله مثل التبن …
وحطيت على الصينية رمل ولصقت التبن والخرفان وطاسة الحلاو وحطيت عند الخرفان كاكاو بني دوائر وصحن صغيرمن الالعاب علشان ماء الخروف وشوي بقدونس علف للخرفان …وهذا شكله النهائي وإن شاء الله يعجبكم …
واش هي الاطباق المميزة و البنيييينة لي ديريها في عيد الاضحى 2024.
السلام عليكم
بنات يا لحبيبات يا لحنونات حبيت من خلال هاذ الموضوع تحكيلنا كل وحدة على الاطباق لي ديرهم في عيد الاضحى و لي حقا حقا بنيييييييينة
افيدونا يا صاحبات الانامل الذهبية باه ناكلو حاجة نبقاو دايمن نتذكرو طعمها البنيييييييين
انتظر
جيبي قطهة لحم افرميها و ديريلها شوي دبشة و كسبر و فلفل اسود و ملح و شوييييي من البيضو مع صوص تاع كاشي مرقة و اخدميهم على شكل خبيزات صغار و حطيهم فوق صفيحة على النار اشويهم و بالصحة و لهنا
هكذا ماتتعبش المعدة مع الهضم……راكم تعرفو العيد
أنا نهار العيد نود صباح و ندير مسمنة نتاع الزيت باش نشربو قهوة الصباح من بعد يروح راجلي يصلي صلاة العيد و من بعد كي يجي يدبح الأضحية و نبدا أنا نغسل الدوارة و من بعد نشوط بوزولوف و نغسلو و من بعد نخلي اللحم ينشف و نغطيه بالفينة و كي نكملو و نقو الحوش من هذاك الدم ونبدا نوجد في المجمر باش نشوي و نعملو ملفوف و نوجد الطاولة بالسلاطة و البصلة و الزيتون و الليموناد من بعد نفطرو و نريح شويا و نعاود نود باش ندير العصبانة و نقسم هذاك الراس و ندسه في frigo و نبدا نخيط في العصبانة حتى لي نكمل و هذا هو العيد نتاعنا نفوتوه نهار شباب و كيما كل عام انشاء الله…و صح عيدكم كامل
جبت لكم العيد الاضحى قبل وقتو 2024.
إضغط هنا لرؤية الصورة بحجمها الطبيعي.
نقلي بصلة في قليل من زيت
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
نمرقه بحوالي لتر ماء ساخن نضيف لها طماطم مصبرة نقفل عليها نتركها تنضج
إضغط هنا لرؤية الصورة بحجمها الطبيعي.
نجهز الجزر وبطاطا نقصه حسب الرغبة
عندما يقرب نضجه نزيد له جزر وبطاطا (اختياري لم اراد ان يزيدهما)
إضغط هنا لرؤية الصورة بحجمها الطبيعي.
النتيجة النهائية ممممممممممممممم
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
هذا واش درت حلويات لعيد الاضحى المبارك 2024.
حبيباتي جبتلكم تشوفو حلوياتي لي حضرتها لعيد الاضحى المبارك ينعاد علينا و عليكم بالصحة و الهناء
و ربي يتقبل منا و منكم .
المهم انا درت 2 فقط لانو عيد اللحم و الكبدة و القلب و و و يمي يمي ههههههه جوعتكم.
* المقروط اعتمدت الوصفة تع اختي بنت السهوب لي طلبتها منها و لبات الطلب
جاني رااائع ماشاء الله مرمل و معسل كيما يقولو هههه بارك الله فيك ختي و جزاك الله خير
و هذا رابط الوصفة……..وصفة المقروط لعيون روح وريحان
*و درت القلوب بالشكلاطة و كريمة الزبدة انا متعودة ندير هذا القاطو لانو مليح مع
نتمنى يكونو عجبوكم و ما بقالي غير نقوللكم ……
يعطيك الصحة وتسلم أيدك
كيما توقعت منك سرعة التطبيق والنجاح الله يبارك
كل عام وانت بخير وعيد مبارك
وبصحتكم
الله يعطيك الصحة
الوصفة نتاعك ماشاء الله
عيدكم مبارك ربي يتقبل منا و منكم
شكرا لك
بصحتك
رووووووووووووووووووووعة
بصحتكم
مرورك الاروع
شكراااااااااا
بصحتكم ماشاء الله
صحة عيدك
العرايش بطريقة جديدة هدية عيد الاضحى . من كوزينتي 2024.
السلام عليكم
اليوم جبتلكم طريقة جديدة و جميلة لصنع العرايش
انا استعملت العجينة السحرية … و هي تنفع لصنع التشاراك و العرايش
المقادير
كيلة سمن
كيلة زيت
كيلة ماء الزهر
فرينة – رشة ملح
العقدة : كيلة لوز مرحي ( او كاوكاو ) كيلة سكر – ملعقة سمن – قشور حبة ليمون و ماء الزهر لِلم العجينة
الطريقة :
خلطي السمن و الزيت و ماء الزهر جيدا ثم اضيفي الفرينة و رشة الملح حتى تتحصلي على عجينة طرية
ضعيها في كيس بلاستيكي و اتركيها ترتاح على الأقل ساعة ليسهل العمل بها
انا هنا غيرت شكل العرايش
استعملت طابع الصامصة .. و الصورة توضح لكم
و بعد الطهي اغطستهم في ڤلاصاج ( فنجان عسل و بياض بيضة و ملعقتين زيت و سكر رطب و رشة ڤاني ) صدقوني هذا الڤلاصاج يبقى لايام و ماييبسش ثم بواسطة اسفنجة مرريها في اللماع و لمعي الحبات
رااااااااااااااااااااااااااائع
الله يعطيك الصحة
مشاء الله
شحال يعجبني هذاك اللون
يعطيك الصحة
خرجلك ماشاء الله
العجينة السحرية سحرية صح معتمدتها و تعجبني
شكرا على الافكار
اكيد الذوق احلى يعطيك الصحة
هايل تسلم الايادي وراني سجلت هذه الصفحة عندي
واش تطيبوا ايام عيد الاضحى المبارك وكيفاه طبعاا 2024.
اول حبيت نشكركم على تفاعلكم الطيب مع مواضيعنا
وما بقانا غير نتشاركوا
الاكلات التي تحضر ايام العيد
اليوم الاول
الغداء
العشاء
/
اليوم الثاني
الغداء
العشاء
.
.
.
ا
لي عودة طبعااا
لليوم الاول
وعلى الغداء لازم يكون
خبز الدار+حميص حار بزيت الزيتون+سلاطة بالماسيدوان+تشكيلة مخللات وزيتون اخضروهريسة بيتوتية+بطاطا مقلية+مايونيز+جبن انواع واكيــــــــــــــــد المشاوي ومشروبات غازية وفاكهة
وماتنسوا الليمون ياجماعة وبالراحة على معدتكم.
العشاء
نفس الشيء كيما الغداء بصح اكيد اقل لانه الجهد ماكنش ونتقهموا عادة
في بيت اهلي يعملو الراس لعشية للي ياكلو ولي يقدر يوكلو
اليوم الثاني
على الغداء كسكس ابيض بالكتف الايمن
على العشاء
كوتلات مشويين مع المطلوع (كسرة الخميرة) ولازم الحميص الحار والهريسة ومشروبات غازية.
وانتوما واش تعملوا طياب؟؟؟؟
احنا في اليوم الأول بعد الرسميات (دبيح و غسيل…الخ) يعني نفس البروتوكولات
نديرو كبدة مشرملة للفطور+ بكبوكة، الفريت، الحميس و سلاطة منوعة، مطلوع و مشروبات و فاكية
العشا
بوزلوف، يا إما شطيطحة أو محمر
و المخ
اليوم 2
الكسكس لازم في الفطور، مرقة بيضاء
العشية
الشوا حتى لليل
اليوم 3
شخشوخة، لحم بالماشطو، بالزيتون، بالجلبانة، في الفور…..المهم كل مرة كيفاه
اليوم الاول .الكبدة والقلب و الكلاوي مع اللحم والسلايط و كل شيئ مشوي الشوى و القلب دوا
ا العشاء نديرو العصبان يعني الدوارة
اليوم الثاني في الفطور نديرو البوزلوف يعني الراس و الكرعين و في العشاء لحم محمر وهي رايحة حتى نكملو اللحم و نقضو عليه ههههههههههههههههههههههههه.
ربي يقبل منا ومنكم صالح الأعمال.
كي نفطر نتفاهمو بالاك نتفكّر واش نديروا هههههههه
وانخبركم .+a
والله غير سخفتوني وجوعتوني ما احلاالعيد و اكلاتو ههههههه على فكرة انا قبل زواجي كنت ما ناكل والو من كبش العيد لنهار الاول غير الكبدة اما بعدالزواج وليت نا كل كلش زوجي علمني و دارلي الكوراج هههههه
بالنسبةلليوم الاول .نطيبو خبز الكوشة و كمونية و بطاطا مقلية و هريسةخضرا منزلية و مشاوي علىالفحم طبعا ممممممم وسلطة امي حورية بالزيتون الاخضر و سلطة منوعة واكيدالكوكا و عصير الليمون
هدامالفةنديرو في داري شيخيهادالعام راح نعيد وحدي ادعولي نقدر نغلبو هههههههههو ندير هكا و اكثر
اليوم الثاني من عاتنا نجتمعو فيبيت جدي الله يرحمو جدتيطيب شخشوخةولا كسكسي الله لا يحرمن منها
فيالعشا ندير شويةبطاطا مهروسةمع لحم مقلي وسلاطة
اليوم الثالث ننطلقو في الاطباق الثقيلة حتان يفض اللحم ههههههههههههههه
في اليوم الاول الغداء مشاوي +حميص+سلطة خضراء+مشروبات غازية +فواكه برتقال عندما يكون فصله اما العشاء معكرونة
في اليوم الثاني على صباح ربي مشوي نتقهوا بيهوهكذا دائما حتى نقضوا على اللحم هههه الغذاء كسكس العشاء كل مرة كيفاه
دغدغتلنا ليسطوما
شهيتيني فالحميص الحار يا ام بيسو اكتيفي بلاغوسات بالضبط
الله يرحم والديك و يحفظلك لعزيز عليك
انا نديرو بصح مايجينيش بنين كما نتاع ناس الشرق يسلم يديكم
حبيبتي الحميص ماكنش ماسهل منه
تشوي كلا من الفلفل الحلو (لو يكون بالوان يعطيك فرق يعني الاحمر والاخضر والاصفر)+الطماطم+فلفل حار(راس او اثنين حسب ماتحبو الحرور)+الثوم (راس كامل وطبعااا حسب الكمية تع الفلفل)+بصلة صغيرة.
كل ماتشوي حاجة حطها في كيس بلاستيكي واغلقي علها حتان تكملي الكمية كل.
خليها فترة 5-10د ومن بعد اجبد بالحاجة ونحيلها القشرة المشوية.
حطيها في الماء باه تتنحى التفحام وقطريها في كسكاس
من بعد ابداي قطعيها بالموس رقيق يكون احسن والثوم رابيه خير.
حطيها في مقلة مع شوية زيت وتبليها (ملح+فلفل اكحل+راس الحانوت وتابل وكروية) وخليها على نار هادئة حتى تنشف من الماء تحها.
طفي عليها وخليها تبرد
وعند التقديم حطي عليه زيت الزيتون يقلل من الحرور ومايهلككش
وشهة طيبة
انا عملت في الويكاند الي فات وحطيتو في المجمد
واليوم جبدته