السلام عليكم جميعا
ان شاء الله الصحة لاباس و دامت افراحكم ربي يهنيكم كامل
عملت حلوى رائعة في مذاقها و جي خفيفة بزاف اسمها gateaux dubai وصفة مدتهالي اخت نشكرها بزاف و هي نوعا ماتشبه حلوى المشوك و حبيت نشاركم بيها ان شاء الله جربوها وتعجبكم
المقادير
– 250غ زبدة طرية ( بدرجة حرارة الغرفة)
– 3 م.ك سكر رطب
– 3 م.ك كوكاو محمص شوية و مرحي بودرة
– 4 بيضات ( الصفار للعجينة و البياض للتزيين)
– قشور حبة ليمون
– 1 باكي خمارة كيميائية
– فرينة حسب الطلب حوالي 480غ
للتزيين
– كمية من الجلجلان او السمسم الغير المحمص
– علبة صغيرة كرز مجفف
– اكواب ورقية صغيرة
– عسل
التحضير
– في ليان تخدمي الزبدة مع السكر حتى تولي كيما الكريمة من بعد تضيفي الكوكاو و تخلطي من بعد تبداي تضيفي الصفار 4 بيضات بالتناوب مع اضافة قشور الليمون و تخلطي من بعد زيدي كمية من الفرينة مع الخميرة و بداي تخلطي و تضيفي في الفرينة حتى تتحصلي على عجينة طرية ماتكونش يابسة أي قيس ماتقدري تشكليها
– اصنعي كويرات صغيرة و ديريها في بياض 4 بيضات يكون مضرب شوية ثم رمديها في الجلجلان و زينها بحبات الكرز المجففة و ديريها في الكيسات
– دخليها في الفرن يكون ساخن من قبل طيب مدة 15الى 20د حتى تدي لون ذهبي
– كي طيب عسليها مباشرة عند اخراجها من الفرن بعسل يكون عادي ماشي سخون مايكون عاقد بزاف او ماشي جاري أي متوسط الكثافة
ملاحظات
– الكريات تكون شوية صغيرة على حجم الاكواب الورقية لان اثناء الخبز راح يزيد حجمها
– هذه الكمية تعطي 30 حبة
– كي تكوني تشكلي الكريات ماتعجنيهمش بزاف بين يديك باش مايجوش يابسين
– في التزيين ماتتقيديش بحبات الكرز ممكن تعوضيها بمكسرات او بجبات زبيب او مشمش مجفف لك الاختيار
هذا شكلها النهائي
مهدى ليكم كامل
مهدى ليكم كامل
اممممممممممم يعطيك الصحه اختي على الوصفه الرائعه
جاك رائع حبيبتي يشهي
مشكوووووووووووووورة
مشكوووووووووووووورة
ممممممممم متميزة انت و حلوياتك
مشكورة
ماتبخليش علينا بالجديد
وصفة رائعة أختي، غدوا إذا عندي وقت نجربو…
شكرا لكن جميعا على الردود المشجعة التي افرحتني منورين بالمرور العطر تحياتي
ممممممممممممممم تسلم الايادي يا اميرة مطبخنا
دوماااا مميزة بوصفاتك التي ننتظرها بشوق
لاتحرمينا منها وراني عرضت روحي على حبة اسمحيلي
دوماااا مميزة بوصفاتك التي ننتظرها بشوق
لاتحرمينا منها وراني عرضت روحي على حبة اسمحيلي
لك مني احلى تقييم
جميل جدا
الله يخليك حبيبتيoum pissou كلامك فرحني بزاف شكرا لك على عطر التعبير و على المشاركة المنورة و تستاهلي اكثر من حبة راهي الحلوة كامل ليك 
شكرا حبيبتي مؤمنة بالله انت الاجمل بمشاركتك الطيبة منورة تحياتي لك
كذلك تزينه باللوز افيلي وحبة الكرز يجي روعة
انا هذي الوصفة عندي هي اول حلويات نبدا بها في اي مناسبة
انا هذي الوصفة عندي هي اول حلويات نبدا بها في اي مناسبة
بارك الله فيك اميرة الساحل
