التصنيف: الاستفسارات المتنوعة

سلام اخواتي
من منكن اخواتي تعرف اعشاب مهدئة للاعصاب
انا قالولي على البابونج بصح مادرلي والو
و جازاكم الله كل خير

و الله ما نعرف ربي يشفيك

شكرا اختي

حبة الحلاوة طيبيها وصفيها واشربي ربي يشفي

غلي الماء وضعي اوراق النعناع والله اعلم

لله اعلم حبيبتي ماجربتش ولا سمعت باعشبة ربي يشافي كل مريض

شكر ا اخواتي
انا الحمد لله لست مريضة اعصابي فقط متوترة بعض الشيء
امور ياسر راهي تدور في راسي و مالقتلهاش حل
شكرا لكل من مرت من هنا

النعناع مهدئ ربي يسرلك امورك و يريح بالك

ري يشفيك حبيبتي
ويريح بالك
واباعد عليك كل سيء
نعرف النعناع مليح

السلام عليكم ورحمة الله وبركاته
اخواتي حبيت نسقسيكم شكون تمشي الانترنيت بفلاش ديسك تاع موبليس موبي كونكت
تساعدني
عندي ثلاثة ايام تقريبا معاتش تمشيلي في الحاسوب الريزو ما كانش
بصح ك نحط الشريحة في الهاتف ولا الطابلات تمشي النت عادي
انا ما فهمتش المشكلة وين
علاه تمشي هنا وفي الحاسوب الريزو ماكانش
ال عندها معلومة تقولي
وجزاها الله خيرا

ساعدوني،،،،

اختي بلاك المشكل في الحاسوب و لا في الفلاش
لاعلم لي
انشاء الله الاخوات يفيدوك

بارك الله فيكم اخواتي خلاص تحلت المشكلة الحاسوب كان مليان بالفيروسات والان خدمتوا والحمد لله

ما علاباليش علاه ربي معاك وبتوفيق

الحمد لله

كنت حانقولك على الفيروسات بانك وجدت الحل فهنيئا لك

السلام عليكم ورحمة الله تعالى وبركاته

أنا تخرجت عام 2024 وحتى لليوم ملقيتش خدمة في بلادي سافرت للعاصمة وقريت تخصصات بزاف في مدارس خاصة وعندي واحد لفمي تاعي تماك وهو معروف ترجيتو وطلبت منو يعاوني نلقا خدمة لأنو تعبت وصراحة أنا حبيت في بلادي لكن هو قالي منعرفش تماك وغضتو

لكن مشلكتي هو في شهادة إقامة لي لازم تكون متوفرة في ملف التوظيف وكاين ناس الخير وجهوني قالولي تقدري تكوني تعرفي ناس ساكنين تماك يضمنوك ويخرجولك شهادة إقامة مؤقتة

أسكو هادي كاينة منها متلا نروح لفمي في عاصمة ونقوللهم يضمنوني ويخرجولي شهادة الإقامة بلي قاعدة عندهم بصفة مؤقتة من فضلكم وساعدوني ؟؟

natmana isa3dok oukhti
ma3antich ma3louma
mowafaka

السلام عليكن
بالمختصر المفيد يقال في المحيط الي اعيش فيه ان المراة لما يرزقها الله تعالى بالذكور يفضل او يتوجب ان تسمي احدا من اولادها ب محمد او احمد فهل هذا صحيح وهل يجوز عدم الامتثال للامر او العمل به لان الاسم ماشي في بال الام او الاب

وعليكم السلام اختي هذا غير صحيح ولا يلتزم باذلك وهنا تجدي الجواب في الاسطر الاولى لشيخ ابن العثيمين رحمه لله
https://audio.islamweb.net/audio/Full…audioid=316599

شكرا ذكريات على الرد تعبتك معي
ياريت البقية يستفاذو من الموضوع

عمري ما سمعت بيها

مفهمتش لوكان متسميش محمد كفاش

تسمي محمد تبركا بالاسم وكانه لازم او مستحب ان يكون كل بيت فيه محمحد او احمد ولوكان متسميش هاذي والله مسقسيتش عليها هههه

هههههههههه
صح حنا نسمو محمد اول مولود وراثة مشي لاي حاجة
ذرك قليل لي يسميه

أختي كما قالت ذكريات هذا غير صحيح ولا يلتزم بذلك لكن ينبغي على الوالد أن يختار لولده اسما حسنا في لفظه ومعناه ، وأن يتجنب الأسماء القبيحة والمكروهة والمحرمة التي لا يجوز التسمي بها ، والاسم يدل على مسماه ، وتشرع تسمية الابن باسم حسن ، ومن أحسن الأسماء أسماء الأنبياء صلى الله عليهم وسلم قال ابن القيم رحمه الله :
" لَمَّا كَانَ الْأَنْبِيَاءُ سَادَاتِ بَنِي آدَمَ ، وَأَخْلَاقُهُمْ أَشْرَفَ الْأَخْلَاقِ ، وَأَعْمَالُهُمْ أَصَحَّ الْأَعْمَالِ ، كَانَتْ أَسَمَاؤُهُمْ أَشْرَفَ الْأَسْمَاءِ ، وَلَوْ لَمْ يَكُنْ فِي ذَلِكَ مِنَ الْمَصَالِحِ إِلَّا أَنَّ الِاسْمَ يُذْكَرُ بِمُسَمَّاهُ ، وَيَقْتَضِي التَّعَلُّقَ بِمَعْنَاهُ : لَكَفَى بِهِ مَصْلَحَةً ، مَعَ مَا فِي ذَلِكَ مِنْ حِفْظِ أَسْمَاءِ الْأَنْبِيَاءِ وَذِكْرِهَا ، وَأَنْ لَا تُنْسَى، وَأَنْ تُذكِّر أَسَمَاؤُهُمْ بِأَوْصَافِهِمْ وَأَحْوَالِهِمْ " انتهى من "زاد المعاد" (2/ 312).
ومن أحسن أسماء الأنبياء أسماء نبينا محمد صلى الله عليه وسلم ، وأحسنها : " محمد " و " أحمد " .
روى البخاري (3538) ، ومسلم (2133) – واللفظ له – عَنْ جَابِرِ بْنِ عَبْدِ اللهِ ، قَالَ: " وُلِدَ لِرَجُلٍ مِنَّا غُلَامٌ فَسَمَّاهُ مُحَمَّدًا، فَقَالَ لَهُ قَوْمُهُ : لَا نَدَعُكَ تُسَمِّي بِاسْمِ رَسُولِ اللهِ صَلَّى اللهُ عَلَيْهِ وَسَلَّمَ ، فَانْطَلَقَ بِابْنِهِ حَامِلَهُ عَلَى ظَهْرِهِ فَأَتَى بِهِ النَّبِيَّ صَلَّى اللهُ عَلَيْهِ وَسَلَّمَ، فَقَالَ: يَا رَسُولَ اللهِ ، وُلِدَ لِي غُلَامٌ فَسَمَّيْتُهُ مُحَمَّدًا فَقَالَ لِي قَوْمِي : لَا نَدَعُكَ تُسَمِّي بِاسْمِ رَسُولِ اللهِ صَلَّى اللهُ عَلَيْهِ وَسَلَّمَ ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: ( تَسَمَّوْا بِاسْمِي وَلَا تَكْتَنُوا بِكُنْيَتِي ، فَإِنَّمَا أَنَا قَاسِمٌ أَقْسِمُ بَيْنَكُمْ ) .
قال الشيخ ابن عثيمين رحمه الله :
" الذي ينبغي أن لا يسمي الإنسان ابنه أو ابنته باسم فيه تزكية ؛ لأن النبي صلى الله عليه وسلم غير اسم بَرَّة إلى زينب ؛ لما في اسم برة من التزكية ، ولدينا أسماء أفضل من ذلك وأحسن : وهي ما ذكره النبي عليه الصلاة والسلام في قوله : ( أحب الأسماء إلى الله عبد الله وعبد الرحمن ) فإذا اختار الإنسان لأبنائه اسماً من هذه الأسماء كان أحسن وأولى لما فيها من التعبيد لله عز وجل ، ولاسيما التعبيد لله أو للرحمن ، ومثل ذلك عبد الرحيم وعبد الوهاب وعبد السميع وعبد العزيز وعبد الحكيم وأمثال ذلك " انتهى مختصرا .

السلام عليكم لبنات عندي ضيفة نتاع عمرة ورمضان جاي
وحابة نعرف اسعار المواد الغذائية
باه نضبط ميزانيتي من دركة

اللي راجلها تاجر ولا تعرف تفيدنا وربي ياجرها

ان شاء الله يفيدوك الاخوات
لان الاسعار تختلف من ولاية لاخرى

ان شاء الله يفيدوك الاخوات

ما نعرفش اختي حناي عندنا الراجل هو اللي يصرف

حنوناتي ماعلاباليش واش لازم نوجد الوثائق اللازمة في الغقد المدني و انا ماعلاباليش واش هوما بالذات.والله طاحتلي في ضروف يعلم بيها ربي"الوالد مراهش قاعد"
عاونوني الله يستركم
راني نستنى الرد………..ماتبخلونيييييش

اتمنى يفيدوك الاخوات
ينقل للقسم المناسب

شكرا حنوناتي

لاز
شهادة ميلاد رقم 12
التحاليل الطبية تقدر ديرها في القطاع الصحي ولا بريفي لزوج و الزوجة
صورة طبق الاصل لبطاقة التعريف للزوجين والولي
تسديد مبلغ 800دج حقوق الزواج
شاهدين
شهادة العزوبة للزوجين بحضور شاهدين

واو ربي يسترك والله من البارح و انا نستنى لي تفيدني بهاذ الشكل

العفو …………. ربي يتمم بخير و يهنييك

شهادة ميلاد اصلية للزوج والزوجة لا تتعدى شهر

-شهادة اقامة لاحدى الزوجين

نسخة من بطاقة التعريف
السن القانوني للزواج

حضور ولي الزوجة مصحوب ببطاقة التعريف

شهادة طبية تثبت خلوهما من اي مرض او اي عامل يشكل خطرا يتعارض مع الزواج

حضور شاهدين

ورقة تتعمر بحضور 2شهود وتسنيا في البلدية عندكم اسمها شهادة عزوبية

زيدي سقسي وربي يوفقك اختي
التحاليل برك تولهي
ديريهم قبل باسبوع من موعد العقد لأنهم يموتو كي يفوتو 15 يوم

ههه هادي او كتبهالك خطيبي
ادعيلنا ربي يسهللنا حنونة

ربي يستركم حنونتي و يجمعكم في اقرب وقت ممكن
نشكر كل من اعبئت على نفسها و اعانتني ولو بحرف
بيزو ليكم كااااااامل

سؤالي بسيط

لماذا لا أستطيع إرفاق الملفات في منتدى الأناقة
أرجوكم إجابة

مرحبا اختي م اقافها بسبب الضغط
لو تستعملي مركز تحميل خارجي يكون افضل

استعملي موقع gulfup.com سهل و سريع

شكرا حبيبتي لا أبخلك أني أحيانا أبحث عن ردك في مواضيعي أختي الغالية

السلام عليكم ورحمة الله وبركاته

صح رمضانكم
حبيت نستفسر علاه واحد مين يكون عمره اقل من 28 ويحب يتزوج ويتقدم لبنت نتيجته أي في نفس سنه عادي لكن مين يوصل لثلاثين سنة فأكثر يحب تكون البنت صغيرة عليه وحتى ولو كان في عمره 40سنة يبغيها اقل من الثلاثين
عجب……وهاذي راني نشوفها منتشرة بكثرة بين شبابنا

هههههههه والله عندك الخق

ههههههههههههه صح على هاد نحب نكون صغيرة علو زوجي ب على الاقل 7 والحمد الله هو كتر مني ب 6

عباد ناقصين في عقلهم و يقولو المرا ناقصة
كلش بالمكتوب الزواج و الحمل و غيرها من عندي ربي
نعرف وحدة تزوجت 26 سنة لدوك ما ولدتش و كاين في الربعين و ولدو عادي هاد الأمور من شأن الخالق سبحانو
أما اللي يحوس على وحدة صغيرة هاداك اختيار و هو حر فيه كيما كاين اللي يحوس على وحدة كبيرة و ناضجة

السلام عليكم مشيت اليوم الى معرض الكتاب وشريت مصحف و كي خلصتو سولني سؤال ما عرفتش الاجابة و لي تعرفه تقولي مشكوريين اللهم زدنا علما .
– ماذا قال القران عن القران الكريم ؟؟

الله اعلم اختي ما نعرفش الجواب
ممكن تحطي السؤال في قسم الشريعة الاسلامية باش يشوفوه اكبر نسبة ويجاوبوك هذا القسم ما يدخلوهش بزاف .

شكرا

من فضلك الاخت امال اذا عرفتي الاجابة السليمة اطلعينا عليها جعلها الله في ميزان حسناتك

حبيبتي القران قال عن القران عدة اشياء على سبيل المثال
" كتاب أنزلناه اليك مبارك ليدبروا آياته " هنا الله اخبر في كتابه ان القران معه البركة في كل شيء وانه واجب ولزام علينا ان نتدبره
مثال اخر " ذلك الكتاب لاريب فيه" اي لاشك فيه وانه "هدى للمتقين "
هذا هو المقصد والله اعلم بمراد هذا الاخ هذه مجرد امثلة لكن يمكنك تدبر القران الكريم لتعرفي الاجابة
الاخ قصد ان ينبهك الا يكون كل همك تلاوة القران واقامة حروفه دون تدبره والعمل به والله اعلم

ﺍﻟﺴﻼﻡ ﻋﻠﻴﻜﻢ
ﻛﻤﺎ ﻗﺎﻟﺖ ﺃﺧﺘﻲ ﻋﺒﻴﺮ ﺍﻻﻳﺎﺕ ﺍﻟﺘﻲ ﺫﻛﺮ ﻓﻴﻬﺎ ﺍﻟﻘﺮﺁﻥ ﻭ
ﻫﻲ ﻛﺜﻴﺮﺓ
ﻭﻣﻦ ﺣﺪﻳﺚ ﺍﻟﻘﺮﺁﻥ ﻋﻦ ﺍﻟﻘﺮﺁﻥ ﻣﺎ ﺟﺎﺀ ﻓﻲ ﻗﻮﻟﻪ
ﺗﻌﺎﻟﻰ
"ﺍﻟﻢ * ﺫَﻟِﻚَ ﺍﻟْﻜِﺘَﺎﺏُ ﻻ ﺭَﻳْﺐَ ﻓِﻴﻪِ ﻫُﺪﻯً ﻟِﻠْﻤُﺘَّﻘِﻴﻦَ "
" ﺍﻟﺮ * ﺗﻠﻚ ﺁﻳﺎﺕ ﺍﻟﻜﺘﺎﺏ ﺍﻟﺤﻜﻴﻢ "
"ﻃﺴﻢ * ﺗﻠﻚ ﺁﻳﺎﺕ ﺍﻟﻜﺘﺎﺏ ﺍﻟﻤﺒﻴﻦ "
" ﻃﺲ * ﺗﻠﻚ ﺁﻳﺎﺕ ﺍﻟﻘﺮﺁﻥ ﻭﻛﺘﺎﺏ ﻣﺒﻴﻦ "
" ﺍﻟﻢ * ﺗﻠﻚ ﺁﻳﺎﺕ ﺍﻟﻜﺘﺎﺏ ﺍﻟﺤﻜﻴﻢ "
" ﻭَ ﺷِﻔﺎﺀٌ ﻟِﻤﺎ ﻓِﻲ ﺍﻟﺼُّﺪُﻭﺭِ "
ﻣﻤﻜﻦ ﻛﺎﻥ ﻗﺼﺪﻩ ﺍﻵﻳﺔ " ﻭﻗﺎﻝ ﺍﻟﺮﺳﻮﻝ ﻳﺎﺭﺏ ﺇﻥ
ﻗﻮﻣﻲ ﺍﺗﺨﺬﻭﺍ ﻫﺬﺍ ﺍﻟﻘﺮﺁﻥ ﻣﻬﺠﻮﺭﺍ "
ﺃﻱ ﺃﻧﻚ ﺇﺷﺘﺮﻳﺘﻪ ﻟﺘﻘﺮﺋﻴﻨﻪ ﻭﻟﻴﺲ ﻹﺗﺨﺎﺫﻩ ﻟﻠﺰﻳﻨﺔ
ﻭﻳﻮﺿﻊ ﻓﻲ ﺍﻟﺮﻓﻮﻑ
ﻭﺍﻟﻠﻪ ﺃﻋﻠﻢ