التصنيف: فرغي قلبك

حبيت نحكيلكم حكايتي مع زميلة لي من الابتدائي هي اكثر بنت متكبرة رايتها في حياتي كل مرة تتكبر بشئ ما
هذه الايام ممكن انها تعلمت بعض الكلمات بالفرنسية من ضيفة جاتهم
عندها اكثر من اسبوع تمر عليا انا و الشلة انتاعي و تقول Bonjour, les jeunes fille
و نحن نجاوبها
Bonjour
اليوم قالتها بطريقة انا مانحبهاش او هي عارفا بلي ماتجيش في ربع مستوايا في اللغات
في رايكم اليوم واش جاوبتها
خليتها قالت جملتها المعتادة و جاوبها الجميع ماعداي ثم ابتعد قليلا و اجبتها
بضوت مرتفع
Bonjour chère vieille femme
خليتها تمشي و تحط راسها في الارض
لا احب احتقار الناس و لكنها دفعتني الى ذلك
والتكبر على اهل الكبر عبادة

ممكن واش درت غالط لكن المهم فرغت قلبي و شفى غليلي

ههههه يا بنوتة يا حلوة لازم تتعلمي مترديش على اي وحدة تحب تقلقك و كوني ثقيييلة الثقل صنعة عجبتيني هههههههه

حنونة احيانا كاين عباد ايخلوك ماشي مليحة بالسيف اذا كانت هي دايرا روحا ناموسة او حبت اطير انا الفليطوكس المبيد

سكوت الاحمق جوابه

احسن شيء تسكتي ما ترديش

ooooooooooooh khti l ghira machi mli7a
9el9atek ki tahder b loughat
yak ma9aletch 7aja 3ayana ???????????????

اختي هذي ماشي غيرة هي تهدر بلغة اخرى ماشي مشكل لكن الطريقة الي تتكلم بيها ماشي كامل مليحة لانها تستعمل طريقة الاحتقار

ياحنونة بحال هادي احسن شيء تكبري دماغك منها .اهم شيء ماتنزليش لمستوى تقدري تندمي عليه من بعد.جاوها ناس من الخارج بدات ترطن لغات ههههههه الكعكة ف ايد اليتيم عجبة

تعلمي حاجة من عند اختك ياسمين
انت متاكدة بلي هي ماجيش في مستواك
اوك
خليها هي تطلع لمستواك لا قدرت باه تتعاملي معاها
ما تنزليش انت لمستواها
يعني صمطيها وهي كي تلقى الناس كامل جاوبوها غير نتي
تفهم بلي حطيتيها ف اللور وما قيمتيهاش
وزيد الي تتكبر عليك نتي ديري روحك ماكيش شايفتها اصلا
لانو الي يحب يتكبر
اكيد يحب يبان ويبان كبير ومخير ووووو
نتي ديري روحك ما شفتيهاش مثل حشرة صغيرة ما تبانش
المهم غلطت كي رديتي عليها

هههههههههه فكرتيني بيامات طوايشي خليها تتربى شوية قولها حاشاك غير الزوبية لي تكبر

السلام عليكم و رحمة الله و بركاته

من اختار لكم اسماءكم وهل تحبونها..؟

موضوع اعجبني فاحبتت ان اطرحه هنا
وهولكل شخص على وجه الأرض له إسم ولكل إسم حكاية،
فهناك من يسميه الوالدين قبل أن يولد فيختاران له إسمه وينتظرون قدومه،
وقد يختار الإسم الأب أو الأم أو الأخ أو الأخت أو أحد الأقارب أوغيرهم..
وأحيانا يكون من إسم الأجداد ..وأحيانا تفاؤلا بحدث أو سبب..
شاركونا تجربتكم ومن اختار لكم اسمائكم وهل تحبونها؟

في انتظار مشاركاتكم

انا اختاره لي ابي
واكيد نحبه لأنو شيماء هي اخت النبي محمد صلى الله عليه وسلم
من الرضاعهـ~
ونفتخر بلي اهلي سماوني با هاد الاسم

وشكراً دنوونهـ المزيونهـ على الموضوع الرائعـ~
دمتي متألقهـ في ماتطرحين يا الغلآآآ
تقبلي مروري المتواضعـ~~

سمتني امي واحبه كثيرا وافتخر به

السلام عليكن
أعجبني اموضوع و أردت المشاركة فيه
أنا أبي كان عام قائمة لأجمل السماء إلي عجباته لأنني أول العنقود
و في الأخير استقرو هو و أمي على اسمين و مين حاروا داروا قرعة و اخرج اسمي
و الحمد لله و أنا نحب اسمي بزااااااف لأنه كان نادر في وقتي و إلي يسمعه يستغرب

يعجبني اسمي على خاطر هو على اسم جدتي رحمها الله
سمتني امي على امها وهو قليل بزاف

سماتني امي وانا نحب اسمي بزاف

سماني والدي
واسمي يعجبني بزااااف

السلام عليكم اخواتي مانيش عارفة منين نبدا المهم قصتني ان جارنا احبني لمدة 3 سنوات ملي جا سكن حدانا و انا ماكانش علابالي بيه و ما كانش عاجبني بالرغم من انه كان ناوي الحلال و قالي نكمل سكنتي نجي للدار و بعد وقت خممت مليح و دخلته في راسي و نهار لي بغيته بزااااااااااااااف تصدمت و ولات صوالحه تحبس لا خدمة لا بناء لا والو كلشي تعطل و تاكدت انا و هو بلي كاين تعطيل مجهد بيناتنا لخطرش كل ما ندابزو الخدمة تمشي و الخدام يجي يبنيله و غي نهدرو مع بعض كلشي يحبس بالشهر و الشهرين حتى نعاودو ندابزا باش تقلعله الخدمة ما فهمت والوووووووووووووووو و انا راني نشوف في كلشي و مانيش منجمة نعيش بلا بيه و نهاري كامل رااني نديه بكاء و نضل نصلي و ندعي باش ربي يلاقيني بيه و نكملو حياتنا بالحلال اذن عيطلي و قال لي كل واحد يروح لحاله يلا ربي كتب بيناتنا رانا نتزوجو و لا ما كتبش ما نتعذبو لا انتي و لا انا راني مخلوعة و مانيش عارفة شا ندير عاونووووووووني لا بغيتو ربي بليييييييييييييز

حبيبتي لا تحزني
توكلي على الله ، اذا ربي كتبهولك واحد مايقدر يوقف في وجهك
كثري الاستغفار و الصلاة و التضرع الى الله
عسى ان تحبوا شيئا و هو شر لك
اذا كان فيه الخير ربي يقربهولك و اذا كان العكس ربي يبعدوا عليك
ربي معاك عزيزتي

شكرا حبيبتي لكنني تعلقت به كثيرااا لدرجة انني امرض ان لم اتحدث معه

الدعاء هو الحل اختي لا يوجد حل اخر في حالتكم
ربي يجمعكم في الحلال ويبعد عليكم العين وولاد لحرام ويرزقكم الدرية الطيبة الصالحة ان شاء الله

حبيبتي احذري الحب الذي يضلك عن الطريق
اجعلي محبتك لله واملائي قلبك بالتوكل عليه ووحديه سبحانه راح ترتاحين صدقيني
لاحرج ان نحب الخلق لكن ان يشغلوا قلوبنا عن الله وعن طاعته سيصبح ذاك عذابا لنا في الدارين
وهدا الاخ اتركيه لله ولو كان الله عزوجل قدركما لبعض لواجتمعت الامة لن يفرقكما احد لكن السبيل السوي ان تكونا على الحق فليطلبك ويعقد عليك العقد الشرعي ويمكن بعدها مناقشة الامور المادية صدقيني ووالله عن تجربة
ادعي الله باسمه الكفيل قولي له اللهم تكفل بامري تذللي لله واستعيني به واصبري وتوكلي عليه انه لن يمنعك شيئا فيه خير لك وانه يعلم وانت لاتعلمين سترين العجب من اسباب تيسير الرزق الثبات على الحق وترك المعاصي
يسر الله امرك حبيبتي

السلام عليكم
اختي تبنلك انك ماتقدريش تعيش بلا بيه على خاطر انت حاطة في بالك الفكرة و مرسختها في مخك، بصح و الله غير تبعد مع الوقت تنساي عادي. نحكيلك قصتي و انت احكمي:
انا كي كنت نقرا تعرفت على واحد مع الوقت حكم عمل ، و من بعد شرا طوموبيل ماركا، و من بعد بنا سكنا في 3 سنوات ولا راجل تتمناه الف واحدة بصح كان خداع كذاب منافق، شفت معاه وقت كنت نحط روحي مانقدرش نعيش بلا بيه و نمرض .و و و …
المهم و هو يكذب من واحدة لواحدوة و كان يقولي استنايني غير انت لنديك، قريت العام الاول في الجامعة غار مني و من قرايتي و الصحابو كانوا يحسدو فيه عليا انا ما كنتش نعلم بصح كان كي يتغشش يقولي انتيا كذا و كذا …
المهم تفارقنا و في ظرف 15 يوم تعرفت بواحد و حكيت معاه في البورتابل كصديق نلقاه قصد الدار و الحمد لله راني قريب ندخل و بالعكس الاول من خسارة لخسارة، و انا راني فرحانة و ما نيش ندمانة و الله كي تحب واحد في الحلال تحس بروحك في عالم اخر بالعكس كل مرة تحكي معاه و لا تتلقايه يكون احساسك قمة تكون مرتاحة.
و كي نتفكر روحي و المراهقة نضحك و نندم لاني مستانيتش مكتوبي الي باعثهولي ربي سبحانو و نتمنا كون نلقا كيفماه نمحيه من مراهقتي.
المهم وكلي امرك لربي فالله يمهل و لا يهمل، إذا هو مكتوبك مهما باعدتو على بعض يجي نهار و تكون مع بعض و من جهة خلاف مهما قربتو و لا حبيتو بعضكم يجي نهار تتفارقو .
خليها على ربي و الله يجي نهار و تفهمي قصدي.

شكرا حبيباتي لكن انا لم يكذب عليا ابدا و لم يخدعني لكن دائما كنا نلاحظ التعطيل الذي يصيبه عندما نتكلم معا انا افسره حسد من الناس و هو كره من طول التعطيل لانه يتمنى ان ياتي لخطبتي في اقرب وقت لكنه كره كلمة اسمها التعطيل و انا الان اريد حلا لهذا التعطيل الذي لاحقني في كل شيء لا عمل لا زواج لا اي شيء

عليك بالرقية الشرعية حبيبتي

انا ثاني عندي نفس المشكل …
التعطيل انا خطيبي نجح في concours وحد الان معيطولهش باش يخدم هذا الشهر 7 .
الله غالب ليشوفنا مع بعض يقولنا couple شباب و للان رانا نخلصوا من عيون الناس و الحسد.
الله يسهلك حبيبتي و الله يكملك بخير في اسرع وقت .

بقي صعب تلاقي قلب

يخاف عليك مايكونش خانك
وماتصدقش حبيب يقولك
ابيع الدنيا عشانك
دة مابيبعش الا انت
مايهمهوش مصيرك
وتبقي انت وضميرك
عايش مع الاوجاع
ودة هو دة الزمن اللي فيه
الحب اللي بيتباع
واللي اسهل حاجة فيه
قولة كلمة وداع……..الحب

عندك الحق حنونتي

حبيبتي في هاذي معاك راني مجروحة وحابة نحكي وحاشمة من لكبار لي هنا

ختي كامل رانا مقيوسين ومجروحين احيكي متخليهاش في قلبك

اخواتي بمناسبة عاشراء اتمني لكم عيد سعيد اكتشفت ان زوجي سلف سوارد للاختو وهو ما قالي ولا هي هدرت قدامي حتي لبارح سمعتها كي جاتنا مدتتهوملو هل نقولو علاه ما قلتليش ولا ندير روحي ما عناباليش كل واحدة تحط روحها في بلاستي و تقولي واش ندير

ما تقوليش خليها بيناتهم هوما زوج اخوت

لوكان انتي ف بلاصته تخليها بينيك بين ختك او خوك

هوا سلفها و هي ردتهم و يا دار ما دخلك شر

الله يخليلك زوجك و ما ديريش المشاكل غير انتي الي تخسري

كيما قالولك لبنات
انا لوكان جيت في بلاصتك نرد روحي ماشفت ما علابالي باش نفيتي المشاكل
لو كان كان حاب تعرفي كان قالك
ماديري والو في قلبك هدا الشيطان
راه يوسوسلك استعيذي منو

و الله يوفقك

الله يكتر من امتال زوجك مفيها والو ادا سلف اخته بلا ميقولك ربي يدوم محبتهم و هادا في صالحك قالك لي معندو خير في اهله معندو خير في مرتو

أختي اصبري شوية بالك وحدو وحدو رايح يقولك، بالتوفيق

انا لوكان كنت بلاصتك نقولو هي صح مفيها والو بصح الحياة مشورة .ومشاركة انا وحدة منحبش رجلي يخبي عليا هدي صغيرة وغدوي كبيرا

انا لو كان جيت في بلاصتك نقولو و نفهمو غير بالعقل بلا مشاكل و بهدرة منطقية
قوليلو أي دين يكون ليك أو عليك لازم تقولي عليه
لأنو هادي دنيا و ربي يطول في عمرك
مي لو كان تكون أي حاجة بعيد الشر نقضي عليك دينك
و ادا العكس نعرف وين راه حق ولادي
و هاكذا تكون انت مريح و انا مريحة
و ما تكثريش الهدرة و بدليها فم فم بهدرة واحداخرى

انا في رايي ما تقولي والو ديري روحك كي لي ماعلابالكش هما زوج خاوة ربي يدوم المحبة بيناتهم ومادام كان عنده وقدر يسلف لها مليح لانه اكيد ساعد في تفريج كربة وهم عليها
انت لوكان تقولي لو راني علابالي رايح يقول لك كيفاه عرفتي يعني راكي جسستي عليا ويدخل الشيطان بيناتكم
ربي يهدي سركم و يبعد عليكم الوسواس الخناس

السلام عليكم و رحمة الله تعالى و بركاته
أختي انا نظن هدا شي عادي و انا نطلب منك ديري روحك انت في بلاصة راجلك لوكان مثلا انت راك خدامة و سلفتي دارهم لاختك و لا خوك تقوليلو؟

السلام وعليكم
انا حيرانة و حبيت رأيكم و لوكان جيتوا في بلاصتي واش ديروا ربي يخليكم؟؟؟؟؟؟
أنا حبيت انسان منذ 6 سنوات فاتت بحلاوتها و مرارتها ماعليش هدي هي الدنيا
مهم هدا انسان خرج معايا راجل وجا خطبني
بصح بابا ماقالو لا ايه و لا لا لمدة 3 اشهر و هما يحلوا فيها ايا باباه

زعف و قال هدا راه يتقلش و هديك البنت ماتدخلش داري كي باباها مداهاش فيا انا
و بابا مقبلش بيه عالجال ماهوش مسوري بصح هو خدام
أنا نعرفوا مليح و نعرفوا قادر على شقاه المهم انا حرت و مازال قلبي
متعلق بيه و هو تاني و انا بابا ماهوش اوفار مايقدرش يفهمني
و مانيش حابتوا يسمع PSK نخسروا كيفاه ندير ؟؟؟؟

sTP رايوا عليا انصحوني راني ميتة بزعاف…..راني نستنا فيكم

حبيبتي اهدري مع كاش واحد يهدر مع باباك

و اللي خطبك حاولي تفهميه باسلوب لبق و تقنعيه متكبروش لحكاية, و تحاولو كل واحد من جهتو

رب ييسرلك و يقدرلك الخير

يا رب يا دا الجلال والاكرام يجمعكم مع بعض عاجلا غير اجل يا رب وتجيبو صبيان وبنات

احكي مع امك يا اختي وخليها هي توصل كلامك وافكارك للوالد ..خاصة انو سبة الضمان للرفض مهيش سبة .. قولي لامك انك باغياتو هو يكون راجلك وانك تتحملي مسؤولية اختيارك وقرارك
الحاجة الثانية صلي وادعي ربي سبحانو يلين قلب باباك وشيخك ويحل المشكل
بالتوفيق يا اختي وربي نفرحو بيك عن قريب ان شاء الله 🙂

روحي صدقي بنية باباك يقبل و ربي يسهل لك

انا نقترح عليك تكلمي امك تحكي مع باباك وهي توصلو الي راه في بالك
المهم اذا هو شاد فيك راه يصبر ويستناك حتى تحلي امورك مع داركم المهم اصبري وكي اليوم تجي تقولينا اليوم راهي خطبتي ونفرحولك كامل

سلام لبنات

راني نكتب في هاذ الموضوع و مانيش قادرة نكمل عينيا تملاو دموع

المهم بلا ما نكثر كاين بعض الاخوات راسلوني على الخاص

قالولي بلي الكل لي هنا راهم ينزعجوا كل مايشوفوني

و الكل يريد انسحابي من المنتدى

هل هذا صحيح و ان كان كذلك اتمنى ان تسامحوني ان اخطات

و في امان الله

سبحان الله طبعا ليس صحيح
أنا كاينة حاجة برك لما نقرا الكلام لي فالصورة الرمزية نموت بالضخك

شكرا اختي لقد افرحتني

شكون هذ البنات اللي قالولك ؟وعلاش يعملوا في الفتنة لا اظن احدا يكرهك الا اذا كانو عاملين كاميرا مخفية

كان غير تكون كمرة خفية اختي

انا كذلك كيما امواج كي نقرى واش حاطة نموت بالضحك اما بخصوص واش قلتي قولينا شكون هوما يمكن سوء تفاهم فقط

اظنه مقلب من المقالب البايخة
انساي الموضوع و ريحى راصك
لاكن قوليلى عزيزتى لو ما فيهاش ازعاج واش معنى اسمك بييييييييلا

لالا عادي اهلا بك بين اخواتك

الجميلة النظيفة

و شكرا لمروركن العطر

شكون لي بعتلك بيلا ؟؟؟؟؟؟

متزعفيش مني ختي بصح انا عندي شك كبير أنك انتِ نفسك العضوة عبير عبير أليس كدالك متزعفيش لكن هادا احساسي

انا متزوجة من 5 اشهر من رجل منفصل عن زوجته الاولى وعنده طفلين.انا متزوجة بالفاتحة بدون عقد رسمي.زوجي كان منفصل على مراتو مدة اكثر من عام قبل ما يخطبني لكن ما تطلقوش .لما خطبني فهمني انها مسالة وقت فقط.يعني غدي نتزوجو بالفاتحة ونعملو العقد بعد ما يتم الطلاق اللي راح يباشر فيه بعد زواجنا.اقنعني انه الطلاق يأخد شيء 5او 6 اشهر وهو مابقي يبغي يجلس براسو.استخرت الله واقنعت اهلي لي كانو ماشي مرحبيين بالفكرة وتزوجنا بعد ما اتأكدت منه ان الحياة بينه وبين مراتو ماعادلهاش امل يعني مستحيل يردو لبعضهم.
تزوجت في شهر جانفي ورحلت معاه لمدينة اخرى وين يعمل. عملت عطلة مرضية لمدة شهر (انا استادة انجليزية) ووعدني انه خلال هاد الشهر يتدخل ويتوسط لي في عطلة بدون اجر لمدة عام حيت اني مانضيعش عملي وبعدما نحلو مشكلة العقد يكون يمكن لي نتحول معا فين يروح يعمل حيت اني يكون لي الحق في تحويل عملي مع مكان زوجي لانه زوجي يشغل منصب مرموق في الجيش العسكري. كان هادا هو اتفاقنا لكن اول مشكل واجهتو بعد الزواج هو انه رفض يدخل في مشكلة عملي ورفض اصلا اني نعمل وكانت اول صدمة ليا.حسيتو خدعني وكدب عليا. لكني اصريت على عدم تضييع عملي وحتى واليديا كانو رافضيين اتي نترك عملي خاصة انني متزوجة بدون عقد.عملت عطلة مرضية تانية وحاولت معاه لكنه كان يتماطل وكل يوم يسكتني بعذر. طول الوقت وانا نصلي ونطلي ربي بحل ليا مشكلتي حتى جاء الحل من عند الله.لكن مه نكذبش عليكم بديت نفقد الثقة في زوجي وحسيت انه غدر بيا.
بعد شهرين زواج حصل ليه مشكل في عمله وتحول من المدينة اللي كنا عايشيين فيهاالى مدينة تانية وانتقل للمدينة الجديدة من دوني لانه خاصو وقت باش يوجد بيت للكراء وروحت لبيت اهلي حتى يلقى دار ونلحقو ورجعت لعملي مادام جالسة في دار اهلي.راه دابا ثلاثة اشهر وانا جالسة بيت اهلي و هو عايش براسو في غرفة في المكتب ديالو حيت الكراء غالي وهو متورط في بناء دار كبيرة وحالته المادية ما تسمحش يكري دار براسو.وقال ليا كملي اخدمي حتى نهاية العام الدراسي ومن بعد نكريو ونسكنو.
دابا عندي 20 يوم من اللي كملت عملي وراني في عطلة وهو مازال ما كراش دار.وفي كامل هاد 3الشهور شفتو جوج د المرات جا زارني في بيت اهلي. لكن في كل نهاية اسبوع يروح لبيت اهله ويشوف اولاده اللي راهم ساكنين مع امهم في نفس المدينة اللي فيها اهل زوجي حيت مراتو الاولى ساكنة في بيت اهلها في نفس الحي اللي ياكنة فيه حماتي يعني جيران مقابلين بعض.
المشكل التاني هو منين طلبت منو نزور حماتي في واد الجمعة اللي كان هو عندها منعني وقال ليا ما يمكنش تروحي لدارنا حيت تشوفني مراتو الاولى وتعمل ليه مشاكل .مع انه قبل الزواج قال ليا انه علمها بزواجو. هنا عرفت انه متزوجني بالسر وبديت نشك ولما سولتو على العقد قال ليا اصبري نحل مشكل الدار ونعاودو نتلمو مع بعض ومن بعد نشوفو مشكلة العقد. وحتى اليوم نا كراش دار.كل مرة بلقى دار ماتيعجبوش السعر ولا المضرب والوسع كل مرة عذر.لكن انا حسيت من كلامه انه ناوي يدوز رمضان في بيت اهله حيت طلب عطلته السنوية في اخوار رمضان وبما انه منعني من زيارم اهله يعني كل واحد يدوز رمضان في بيت اهله.
حاليا انا متخاصمة مع زوجي ولينا يومين ما تكلمناش لاني ما نخبيش عليكم تقلت روحي عليه شوية .انا كنحتارمه وعمرو ما شاف مني او سمع مني كلام خايب لكن هو الله يهديه في كل مرة يسمعني كلام يجرح.في هاد ال3اشهر تخاصمنا مرات بسبب عدم الاستقرار وكل واحد فينا كانت حالته النفسية متوترة لكني عمري ما جرحته لكن هو توصل يجرحني ويقلل من احترامه ليا وحتي يهينني بحجة اني كنتقل روحي عليه وانا كنتقل روحي لاني مانخبيش عليكم بديت نشك في ناواياه وكل مرة نفقد الثقة فيه اكتر.
مرات نفكر انه ما يبغاش يطلق مراتو وني طول عمري نبقى زوجة تانية وبدون عقد ولا ادنى حقوق.
والله يا اخواتي راني من اسبوع وانا نفكر في الطلاق خير من هاد الحال اللي راني عايشته شهرين زواج وثلاثة مشاكل وهم .حتي بقيت كنندم على النهار اللي تزوجت فيه.

اعتقوني بارائكم الله يستر عليكم

للاسف ماعرفت واش نقولك ختي ربي يفرج عليك ويسخرهولك اختي

و الله أنا تاني حرت واش نقوولك و اسمحيلي مي غلطة عمرك كي قبلتي الزواج بدون عقد و بالزيادة مراهش حاب يورييك لدارهم و مش سبة انوا تشووفك مرتوا لولة لأنها مش رايحة تعرف بلي مرتوا .. أنا نقوولك حاجة هي طفرت طفرت و راكي فالسر يعني يا الطلاق يا يعقد عليك لازم تهديه و تقوليلوا ايلا مزربش ودار العقد أنك تروحي لدارهم و تخبريهم و تخبري مرتوا نظن هنا رايحة تعرفي نواياه هذا يبقى رايي لأنك والله في مرحلة صعبة نتمنى من الأخوات يفيدوك تان

و زيدي استخيري ربي و صلي و ادعي ربي يفرج عليك .. و احنا رايحيين ندعوولك

إنسانة مثقفة تقبل عل نفسها أن تتزوج بدون عقد رسمي، أختي الكريمة في هذا الزمان ما كانش لمان…بالعمل ديالك هذا وضعتي روحك في مأزق من المفروض كنت تتفاديه ما عليش الرجل يكون متزوج بوحدة و أنت الثانية لكن بكامل حقوقك و العقد الرسمي شرط أساسي في إشهار الزوج في هذا الوقت بإجماع علمائنا بالجزائر.. إذا حملت أختي على من رايحة تكتبي المولود ديالك…أنت قبلتي تتزوجي بشروط هذا الرجل … و قبلتي بها مع أنه أهلك ما رضوش… أنت تقولي تحترميه لكن هو الله أعلم و لا درك تجربة و لا حاجة خلاف لكن الإحترام ما ضنيتوش يكون من طرفو في وضعيتك … أهلك ما قبلوش بالطريقة لأنهم علبالهم بلي حاجة غالطة…مع ذلك توكلي على الله أولا طالبيه بالعقد سواء قعدتي معها و لا لا… ثانيا كونك قوية إمرأة بأتم معني الكلمة و حفظي على زوجك و عملي المستحيل باش تكسبيه ثالثا بالكي تفرطي في العمل ديالك و عملي إحالة على الإستداع عام و شوفي.
نتمنى من كل قلبي أن توفقي في المحافظة على زوجك و تكسبي قلبو و يهنيك و ما يهمكش زوجتو الأولى كل وحدة ربي هو لمكتبها هذا الرزق.

الله يفرج همك
غاليتي استخيري و اكثري من الاستغفار
و كوني متأكدة ان الله لن يخيبك
ان شاء الله زلة و تفوت
دعواتي لكِ

الف شكر لجميع الاخوات اللي ردو عليا.لكن حبيت نوضح ليكم انه اهلي داريين بزواجنا خاطر عملنا حفلة صغيرة في الفاتحة وحضروا فيها وجميع اخواتاتو وخيانو وحتى امه زاروني في بيتي في مدة الشهرين اللي كنت فيهم معاه. هو خوفو من زوجته الاولى تعمل ليه مشاكل في العمل لانه تزوجني من غير رخصة عسكرية .
لانه كيما قلت ليكم زوجته ساكنة مقابل دار اهله.

السلام عليكم

ربي معاك اختي العزيزة وقصتك تقطع القلب
انت طلبت الستر فاذا به مشكل
اتمنى ان تكون نواياه حسنة وترجع الامور بيناتكم مليحة وتستقري انت وزوجك
يارب ويرزقك الذرية الصالحة

اختي ما عليك غير تصبري و تدعي ربي يفرج عليك و مدام عائلتكم في زوج عندهم علم باالزواج و حضرو يعني ماراحش تكون النتائج وخيمة كيما يكون معلابلهمش و انا نقلك اكسبيه و هو صح تع العسكر الاوراق تع الزواج يطول باه يمدوهم اما بالك الطلاق يعني ممكن صح هو خايف على خدمتو امالا ما عليك غير الاستخارة و الصلاة وو الدعاء و ربي يفرج عليك اختي و خلي قضية الطلاق هذه الي راكي تخمي فيها لانو مدامك بلا عقد كل حقوقك راح تروح و ربي يعدل الاحوال

الله يسر امورك ويسخر ليك زوجك استخيري الله وادعي ربي يفرج عليك ولكن خاصك تاخدي موقف لانه كل ماشافك ساكتة غيزيد يتماطل المهم ناقشي الموضوع بحكمة وماشي بتهور لانك ممكن توضعيه فالاختيار وهدا ماشي لصالحك وفالنهاية نقول ليك الله يهدي سركم ويغلبك عليه ونيتك اللي درتي معاه تحصلو

يارب يفرج عليك و علي جميع أمة محمد

حبيباتي سعيدة بكم يا غاليات لو تعرفن مدى ن فرحتي بكن

يا حبيبات روحي

انا منعرفكش بزااااف بصح متشرفين وليا الشرف

مرحبااااا بك معانا
ان شاء الله تفيدي و تستفادي

أهلا وسهلا ومرحبا ـ،♥♥♥

مرحبا بك بيننا

اهلا

أهلا و سهلا بيك عزيزتي

السلام عليكم

بصراحة قلبي راهو معمر من وحد الموضوع وحبيت نهدرو فيه
وهو الصحابات اللي يتبدلو بعد الزواج

تكون صحبتك وتفوتو مع بعض اجمل الايام
ونهار تتزوج تسمح فيك وتنساك كامل
والحاجة اللي تقلقني بزاف هي اللي يتزوجوا ويبدلوا النمرو تاع التلفون
ياسيدي حبيتي تبدلي نمرو تاعك علاش ماتعيطيش لصحبتك وتقوليلها هذا هو النمرو تاعي الجديد
ولا حابين يمحوا كامل الماضي تاعهم؟؟

علابالي الوحدة كي تتزوج يولي عندها بزاف مسؤوليات بصح مشي لدرجة انو صحبتها كي تعيطلها ماترفدش عليها وكي تبعثلها مساج ماتردش عليها

بصراحة انا صراتلي مع بزاف صحاباتي
قرينا مع بعض وكنا صحابات تاع الصح
وكي تزوجوا حبيت شحال من مرة نعيطلهم باش نطمن عليهم وباش نحافظ على صداقتنا

وخاصة في الاعياد
بصح كاين اللي بدلت النمرو تاعها
كاين اللي ماترفدش عليا
واللي نبعثلها مساج ماتكلفش روحها مامبا وترد عليا

وعليها قررت باش مانزيد نحوس على حتى وحدة
بلا صديقات بلا بطيخ

اسمحولي قلبي راهو معمر

ماتقلقيش انا اعتزلت الصحبات خلاص صاحبتي الوحيدة هي امي
صرالي كيفك انا صاحبتي تخطبت ماكلفتش روحا حتي تقولي زعما عشرة 10 سنين
بعد الزواج اختفت من على سطح الارض ههههههههه

وعليكم السلام متعمريش راسك حنونة

انا بنت خالتي لي تربيت معاها كيما اختي وتبدلت عليا مابالك صحبتك

عيشي حياتك بلاصحبة بلاشي

انا صحاباتي حاليا من النت لقيت فيهم الخير

السلام عليكمتعمريش راسك بيهم حبيبتي
ضرك نتزوج و منتبدلش عليك نولي نرد عليك و نرسلك ميساج كونطرا عليهم هههه
ميزعلش القمر نتاعي
ياك ماشي معاد في ليفري دونك طنشي يا بنت

والله يا اختي فكرتيني بروحي نفس الشي الا تفكروك العام الاول تع زواجهم راكي مليحة من بعد غير انت الي تعيطي وتسقسي معليش اعتبريها في وجه الله مع انو صراحة ماكاش صحابات في هاد الزمان الا من رحم ربي

ايه معليش يا ختي
خليك منهم و لي نساتك انسايها
هذا هو الحال معلاباليش اذا ينخلعو كي يتزوجو و لا واش
ماعليش ساعفي وخلاص

ربي يخليكم لبعض ان شاء الله

هههههههه عجبتني هاذي تاع اختفت من على سطح الارض هههههههه
عندك الحق تبقى صحبتك الوحيدة هي امك او اختك

صح تى انا صحاباتي تاع النت هوما المخيرين عندي ومابقاش عندي دوكا صحابات من غيرهم

تعيشي حبيبتي حتى انا نبقى معاكم ان شاء الله اذا كتبلي ربي وتزوجت

صح عندك الحق
مشكورة اختي

ان شاء الله

والله حتى انا مافهمتش علاش ينخلعو هههههه
معليش