التصنيف: فرغي قلبك

السلام عليكم يا اخوتي في الحقيقة انا عندي مشكل ونتمنى لك من عندها اقتراح تقولو انا متزوجة وعندي 5 اطفال الكبير عنده 12سنة واصغرهم عنده 9اشهر نحكيلكم قصتي باختصار لانو مشكلتي تتفرع لعدة مشا كل المهم لما كنت مخطوبة كان عائلة زوجي تبان عائلة مثقفة ومتفهمة حتى اني لما كنت نتكلم مع الزوج نتاعي كان يبسط الامور وما عندوش مانع انو نخرجو او نزور اهلي او العائلة مع العلم كانو سكنو في العاصمة من بعدلزواج بدات تتضح الصورة جيدا لما نقولو توحشت اهلي يقابلني بالرفض كنت نقعد بالشهرين والثلاث اشهر ما نشوفهمش حتى الهاتف كان ممنوع العائلة نتاعي مثل عمي وخال وخالتي ما نشوفهمش خلاص ولا نحاول نروح ليهم االخرجة ما كاش لا وحدي ولا معاه الا في حالة الطبيب حتى ولادي ما فرحتش بيهم كي الناس ندير السابع ويجيو اهلي مرت الايام والسنوات لا حياة لمن تنادي والمشكل الاكر ان كان يسمع لامه لانها هي لي تحكم ماشي هو طلبت الطلاق في عدةمرات لانو صارت تدخل في ابسط عيش كرهت نفسي نريح اما الطلاق او الموت والله مالقيت حل خاصة بعد ما تزوجو بناتها يجو كل وقت لبيتهم يخرجو يحوسو يتاعاملو مع الناس عادي يديرو واش يحبو اما العرايس ممنوع هذا بلختصار اسفة اذا ثقلت عليكم انا جديدة في المتدى ارجو ان تفهمو الخط ا

الله يحسن عونك ختي..ويشدلك وليداتك….
ربي معااااك..

بالعقل اختي برك ما تقلقيش تعيا وتخلص حماتك الله يهديها ويهدي زوجك
وويجي النهار يفرج ربي ما تزيديش تجبدي على الطلاق الدنيا صعيبة وما تقدريش تربي اولادك وحدك
حاولي تقربي المسافة بينك وبين زوجك قدر الامكان حتى ما تخليش الفرصة للاخرين يدخلو بينكم
ما تخربيش دارك انت وحدك اللي تنضري وهوما يفرحو

ربي معاك اختي …صح من حقك تشوفي اهلك .وحماتك ماشي من حقها تدخل بينك وبين زوجك …..ربي يهديها .
نتيا شدي في دارك وولادك …وبينيلهم بلي نتيا اكبر من ان تهزك كلمة طلاق …يجي النهار لي يتبدل زوجك ويعرف انو كان غالط
صح كاين ناس نعرفهم عايشين مثل حكايتك واكثر …وحدة زوجها مايخليهاش تروح حتى عند اختها باش تزورها
ربي معاك …………………وتمسكي قد ما تقدري

يا أختي إلا الطلاق احمدي رب راهم ولادك معاك رب يجعلهم ذرية طيبة وأنت صبري ورب يفرج عليك بإذن الله
أم زوجك رب يهديها وزوجك حاولي معاه بالحسنى لأن الراجل يكره لي يسيف عليه اعرفي كفاه تجبديه وخوفيه بالله من قطيعة الرحم ورب يكون معاك
لازم الصبر انا كنت مانشوفش اهلي قريب بالعام لاني كنت بعيدة لكن لازم الصبر

habibati osbri wrabi yfaradj

كما يقول المثل المصري

ياما في السجن مظاليم

من هذا القبيل يا اختاه كل واحد عندو مشاكل

لو تسمعي حكاية غيرك تهون علي حكايتك

منيش خارجة على الموضوع

بل حبيت نخفف عليك الهموم وين تروحي تلقايها

وهذا دليل بان هذا امتحان من عند الله يمتحننا عن الصبر

فحاولي ان تصبري وكلي ربي عليهم

ورايحة تفرج عنك عن قريب ان شاء الله

هاك رحتى وتركتى ولادك واش رايحة تربحي

بل رايحة تخسري اولادك وتندمي

المهم الصبر الصبر وبعد الصبر الفرج ان شاء الله

متناقشيش اهل زوجك ولا تحدثهم على المشكل اطلاقا

سيري الامور غير بلعقل وهما ان شاء الله يهديهم

عندك نقطة وحدة كل ماتزور اخت زوجك امها

خليهم مجتمعين وقولي لهم انا ثانى توحشت اهلي حابة نروح

ودايما اعطهم مثال على بناتهم مثل هذا

ومتقوليش اعلاه بناتكم يزوركم وانا نتخلونيش هنا يعاندوك

غير بلحيلة ولكلام لحلو تكسبي زوجك

ان شاء الله يفرج عليك ربي في اقرب وقت

ربي معاك ختي لعزيزة سلاحك هو الصبر وجربي تتقربي لزوجك اكثر ويدا كانت عندك فرصة تتلاقاي بخياتك ولا خاوتك او والديك قوليلهم يعرضوك لعندهم مع زوجك جربي تقربيه لاهلك باش هو يولي ما يصبرش عليهم وتاني قوليلو يخرجك مع الاولاد وعجوزتك كذلك ربما يعجبها الحال وتروح فيهم عادة جربي تبدليلهم الامور بلا ما يحسو ربما تتصلحالامور وباش تفرطي في دارك نحيها من بالك واحد ما يدوملك غير دارك وربي يفرج على ختيتو

ربي يفرج عليك

أولا ربي يرحم والديك ووسع عليهم ان شاء الله
اخوتك يبقاو من لحمك ودمك وكيما يقولو الدم عمرو لايولي ماء حتى لو ماستعرفوش بيك تبقاي اختهم
ويجي نهار لي يحسو بيك
أنت حاولي ماتقطعيش الرحم تاعك ولتقربي من أهلك
ربي يكون معاك ويهون عليك حنونة

أختي ماتخليش الإكتئاب يسيطر عليك راه صعيب باش تخرجي من هاذ النفق المظلم نتاع الإكتئاب ..وكيما قاتلك الأخت نور الهدى 1

…… ديري شعارك في الحياة "من وجد الله فماذا فقد و من فقد الله فماذا وجد"

مالقيت مانقول اختي غير نقلك خوتاتك ربي يهديهم و في نفس الوقت ماتلوميهمش بلاك ماترباوش على الحنان ومتعودين بلا بيك بصح هنا يجي دورك اختي اجبديهم ليك وحنيهم عوضيهم على امك ودرك تشوفي بلي الحب يكبر بيناتكم وتوليو ماتستغناوش على بعضاكم ومهما كان خوتاتك تلقايهم في الشدة مهما طال الزمان اتفكري نهار جوازك وقفت خوتاتك في جنبك ونهار تجيبي ولاد ويسقسيوك على خوالهم واش تقوليلهم
انا نشوف بلي شوية وقت ومسألة تعود وربي يرحم والديك ونسمعوا سماع الخير اعليك

اختي هدي هي الدنيا ربي يعوضك بزوج صالح يعوضك كل مافقدته

قررت الانساحب من المنتدى رغم انو عجبنى ولكن شعرت بى الغربة فيه

لا احد يهتم الا القليل منهن جزاهم الله كل خير واسعدهم

وكل الشكر لهن وخاصة الغاليا نهلة نعةن

والطيوبة المتميزة خوخة اتمنى توصللها سلامى

فى امان الله واتمنى التوفيق للجميع

فكرت ان ارحل دون وداع ولكن من كتر اعجابى بى المنتدى لم استطع

السلام عليكم ورحمة الله وبركاته واش درنالك اختي سوسو موفق بإذن الله … لك مني أجمل تحية .

لا حبيبتى واللهى ما درتلو شىء لكن حسيت بى الغربة وكانى دخلت لبيت غريب

شكرا على ردك

وعلاش أخت سوسو ياك ركي غي كيف ملي بديتي مشوار ومزال معرفنا بعض مليح …استمري معنا وحولي تقرب من كل عضوة علي خاطرش كلهن حبابات وألايام تثبت ذلك كوني صبورة يا بنت الجزائروبنت الآحرار

لالا تنسحبي
لالا
كاينة وحدة تخلي خوتاتتها
وعائلتها
والله غير نحبوك
اختك ندى

واش بيك ختي سوسو علاش الزعاف هذاعذري الاخوات انت طلبتي طلب و انظن بعض الاخوات جزاهم الله كل خير جاوبوك متزعفيش علينا ختي انا دخلت مكان حتى وحدة رحبت بيا بصح راني انشارك و ما تنسايش هاذا منتدى يعني خطرات كاين يفوتهم الوقت اوما يقراوش بعض المشاركات حاولي صح صح اختي و يكون قلبك رحب و رانانا هنا مليوم واش تسحقي انجاوبوك صافا ايا حطي هذيك الرزيمة لالالالالا قصدي لامالات انتاعك و دخلي لدار تفاهمنا يييييييييييييييييييييياك

[align=center][/align]
[align=center][/align]

[align=center]لالالالالالالالا ترحلي يا اختي
ازعلني هذا الخبر و الله العظيم
ارجوا منك ان تبقي معنا ولا تفرقينا
يا الغالية والحبوبة
ابققققققققققققققققققققققققققققققققققققققققي[/align]

هههههههههههههههههه
رجعي حوايجك للخزانة
ولا منتفاهموش

لا حبيبتى والله يعلم انى ما لمتش على حتى وحدة غير حسيت برك هكى اسعدنى كلامك واللهى العضيم

واله غير قريب بكيت وان عدت غدا سابق وان لم اعد فواداعا ربما لانى دخلت اليوم وانا مقلقة لانى مقبلة على عملية اسمحولى قلقتكم

السلام عليكم اخواتي

اليوم جيتكم ناش نفرغ قلبي على خاطرش ماعندي لمن نحكي

عندي 4سنوات وانا كل ليلة تقريبا نسمعو دواس ورجال ونساء يتقابضو وكلام فاحش والشرطة والله مليت من العيشة

في هذه الدار تقولولي وين تسكني انقولكم نسكن في حي راقي ورائع قصدي كان رائع لكن للاسفبجنبي فندق صغير مخصص لنزلاء الشركات الاجنبية

ولا احدثكم عن بيع الكحول والزبائن المحترمين ونقولكم بلي مكانش الجيران بزاف يعني تلقاي عائلتين بالاكثر

لان اغلبية السكان رجالة ساكنين وحدهم بدون عائلات

والاكثر من هذا انو واحد الله يهديه بنا بجنبنا منزل صغير فيه غرف وبدا يكري بالغرفة لبنات الهوا فهمتو قصدي

وانا عندي بنات ولد مراهق
وانا داري كبيرة وجديدة عندها7 سنين ملي بنيتها والله كرهتها
كرهت داري وليت نخاف من المغرب كي يجي تبدا المشاكل نسكر البيبان ونزيد في التلفزيون باش مانسمعوش الكلام الزايد

شكينا للشرطة لا حياة لمن تنادي !!!!!

كل يوم يجو ويروحو ومايديرو والو

صح مشكل كبير انا منك نعرضها للبيع و ادعي ربي يسهلك حبيبتي باش تغيري المسكن
جاي الصيف رايحة تكرهي حياتك
كان عندي نفس المشكل بدلت المقر تهنيت مكانش حل آخر
الامن مادار فيها والو
ربي يهنيك و طمنينا

ان شاء الله ياربي ادعولي نغير السكن
شكرا اختي ام عبد الرحيم

لا حول و لا قوة إلا بالله ربي يفرج عليك

ربي يفرج عليك حنونة و تغيري السكن في أقرب وقت.

الله يفرج عليك ان شاء الله راكي تسوفري
الله يبعدك على كل هاد المشاكل الله يسرلك الي فيه
الخير وان شاء الله تنتاقلي وتكوني مهنيه انتِ واولادك وراجلك

اللهم يا فارج الهم و يا كاشف الغم فرج همها و هم كل المسلمين برحمتك يا ارحم الراحمين

ربي يفرج حنونة في اقرب وقت

ربي يفرج عليك و الله راكي في مشكل كبيييير
ربي يسترنا

ربي يفرج عليك ننصحك تنتقلي من هذا المكان راحة البال والطمانينة على اولادك اهم من كل شيء

حبيت نحكيلكم حكايتي مع زميلة لي من الابتدائي هي اكثر بنت متكبرة رايتها في حياتي كل مرة تتكبر بشئ ما
هذه الايام ممكن انها تعلمت بعض الكلمات بالفرنسية من ضيفة جاتهم
عندها اكثر من اسبوع تمر عليا انا و الشلة انتاعي و تقول Bonjour, les jeunes fille
و نحن نجاوبها
Bonjour
اليوم قالتها بطريقة انا مانحبهاش او هي عارفا بلي ماتجيش في ربع مستوايا في اللغات
في رايكم اليوم واش جاوبتها
خليتها قالت جملتها المعتادة و جاوبها الجميع ماعداي ثم ابتعد قليلا و اجبتها
بضوت مرتفع
Bonjour chère vieille femme
خليتها تمشي و تحط راسها في الارض
لا احب احتقار الناس و لكنها دفعتني الى ذلك
والتكبر على اهل الكبر عبادة

ممكن واش درت غالط لكن المهم فرغت قلبي و شفى غليلي

ههههه يا بنوتة يا حلوة لازم تتعلمي مترديش على اي وحدة تحب تقلقك و كوني ثقيييلة الثقل صنعة عجبتيني هههههههه

حنونة احيانا كاين عباد ايخلوك ماشي مليحة بالسيف اذا كانت هي دايرا روحا ناموسة او حبت اطير انا الفليطوكس المبيد

سكوت الاحمق جوابه

احسن شيء تسكتي ما ترديش

ooooooooooooh khti l ghira machi mli7a
9el9atek ki tahder b loughat
yak ma9aletch 7aja 3ayana ???????????????

اختي هذي ماشي غيرة هي تهدر بلغة اخرى ماشي مشكل لكن الطريقة الي تتكلم بيها ماشي كامل مليحة لانها تستعمل طريقة الاحتقار

ياحنونة بحال هادي احسن شيء تكبري دماغك منها .اهم شيء ماتنزليش لمستوى تقدري تندمي عليه من بعد.جاوها ناس من الخارج بدات ترطن لغات ههههههه الكعكة ف ايد اليتيم عجبة

تعلمي حاجة من عند اختك ياسمين
انت متاكدة بلي هي ماجيش في مستواك
اوك
خليها هي تطلع لمستواك لا قدرت باه تتعاملي معاها
ما تنزليش انت لمستواها
يعني صمطيها وهي كي تلقى الناس كامل جاوبوها غير نتي
تفهم بلي حطيتيها ف اللور وما قيمتيهاش
وزيد الي تتكبر عليك نتي ديري روحك ماكيش شايفتها اصلا
لانو الي يحب يتكبر
اكيد يحب يبان ويبان كبير ومخير ووووو
نتي ديري روحك ما شفتيهاش مثل حشرة صغيرة ما تبانش
المهم غلطت كي رديتي عليها

هههههههههه فكرتيني بيامات طوايشي خليها تتربى شوية قولها حاشاك غير الزوبية لي تكبر

عزيزتي ادا كنت تطلبين النصيحة فعلا فاستخيري الله في امره لان التفاهم الدي يكون بهده الفترة عادة ناجم عن التجادب بين الجنسين يعيشان في مكانين واسالي المجرب يقولك بلعامية الخطاب رطاب حبيبتي الموضوع ليس تافها بل صدقيني قد يتسبب لاحقا في ازمة ان كان لكما رايان مختلفان انا شخصيا لي صديقة تركت الحبل على الغارب من ايام الخطوبة ساعدته في كل شيء واشترت له كل الاثاث بما في دلك السرير وفي النهاية طلقها ولما طلبت الرجوع تعنت واشترط عليها ان تضع مرتبها بيده…ادن من الان استخيري الله ثم اعيدي السؤال عنه فان كان اهلا لك فسيعود من تلقاء نفسه لانه يعلم ان دمة المراة المالية مستقلة وانههها تساعد ان شاءت برضاها اما ان ضاق صدرك ودهب فلا تاسفي عليه والله المعوض ومرة اخرى ان غلب عليك الضن انك على حق فلا تعتدري لا هدا يضعف موقفك ويشعره انك بحاجته وهدا حتى لا يملي شروطا تجعل منك رهينة اما ادا نهرته باسلوب فض فاصلحي الموقف وبيني له ومهما كان الرجل الشهم لايقترب من راتب المراة الا ادا عرضت عليه دلك من تلقاء نفسها هدا راي ولا الزمك به واتمنى الاخوات يفيدوك اكثر

في الحقيقه ان مع الاخت بولقرون اولا لا داعي للاعتذار فهذا حقك ثانيا عليك بالاستخاره والله المعين ثالثا التريث في قرارك حتى وان كان لصالحك او ضدك فيجب التاكد من نية هذا الرجل ولو من بعيد فقد يكون من النوع الذي يريد مصلحتك اوقد يكون انانيا ولا يحب الا نفسه والله المعين

راي الاخوات صواب استخيري الله في امره
اختي اكبر عقبة لازم تحسبيلها الف حساب هو الراتب حاولي بلباقة وصبر ان تضعي الننقاط على الحروف قبل الزواج
فان كان اختياره لشخصك فسوف يترك لك حرية التصرف وان كان لامور مادية هنا يجب ان تكوني واضحة معه
وهذا يعود لك في كيفية تسيير مرتبك بعد الزواج طبعا
ولكن نصيحتي لا تتركي الحبل على الغارب ولابد ان تكون لك رؤيتك الخصة منذ البداية لانه اذا وقع الفاس فالراس تفرت وراح الحال فقط انصحك لا تتنازلي كثيرا وصوني كرامتك
وان شاء الله خير

ربي يقويك اختي فعلا مشكلة كبيرة
انت بحكم معرفتك لخطيبك تستطيعين الحكم على نيته
استخيري فما خاب من استخار
سلامي

السلام عليكم
إليك رأيي بكل صراحة، غلطت كي طلبتي السماح…..الراتب تاعك ما عندو ما دخلو فيه و هذا حقك الشرعي و تتصرفي فيه كيما تحبي……….إدا وليتي تطلبي السماح و تعتذري و انتي ما غلطتيش، مالا كيفاه كي تغلطي صح.؟
لازم تتأكدي إذا راهو يحوس علك ولا علا دراهم؟ خاصة كي زعف……حتى هو غلط و لازم يعتذر….عزي روحك يديرلك قيمة، ماشي علا أي حاجة يا لوكان حقك تعتذري…..و آسفة على الصراحة القاسية نوعا ما…

معندوش الحق دراهمك ونتي حرة حتى كي تتزوجو ومدخلوش هذا راه باغي دراهمك ماشي نتي

والله ماني عارفة شكون الغالط
الصح الصح هو عمرو ما تسبب لي في اي ازعاج ولكن هاذي المرة زعفني صح
ومن كثرة المقاقية تاعو الكونترا رايحة تكمل

بسم الله الرحمان الرحيم
انا فتاة في 17 من عمري نقرا في 1 ثانوي وربي رزقني بجمال واخلاق و حياء و الحمد لله ونقرا مليح
في نصف الفصل الاول بعثلي واحد يقرا مثلي مع صحبتي باش نصاحبو طبعا انا رفضت و قلت لصحبتي وريهلي من باب الفضول و بمرور الوقت لقيت روحي حبيته و هو ظاهريا راهي عينو عليا سواء بالساحة وحتى اذا كنت في القسم يجي لقسمي و يتظاهر بلي راهو يتحدث مع صاحبو لي يقرا معايا و شوي شوي لقيت روحي نعشقه وحتى بنت عمتي تقرا معاه تقلي ساعات يعمل تصرفات تخليك تصدقي راهو يحبك و هو ما شاء الله عليه اسمر وعيونو تهبل ويعمل مشط روعة و يلبس كيما شاب الوقت سراول وبوديهات موووت وما نيش حابة نوسخ سمعتي وسمعة عائلتي اذا كلمتو و مشيت معاه
ارجوكم انا محتارة و ماش عارفة واش ندير بلييز ؟؟؟

حبيبتي من باب النصيحة غضي بصرك حتى لا يتدهور الوضع و تنصاعي لرغبة الشيطان
هو مزاااااااااااال صغير و أنتي ثاني و الحب اللي ما يجيش مع الزواج راه بااااااااطل
ومدامكم صغار هذا الشي بعيد
حنونتي تعياي و تشوفي في حيالتك و صدقيني تقعدي تضحكي على روحك
و اياااااااااكي يغرك الشيطان و توسخي صفحتك البيضاء

شكراااا حبيبتي على النصيحة وربي يجعلها في ميزان حسناتك
وراح نحاول ياربي ساعدني

بارك الله فيي ليل وشجون ويما قلتي لازم ما نخونش الثقة الي وضعوها فيا ولديا ميرسي

اختي عمبالي بلي راكي تمري بمرحلة المراهقة وهاذي اصعب مرحلة صدقيني ويصراولك حوايج كيما هاكدا مي صدقيني راح تكبري ويعرفي بلي هادا ماشي هو الحب الحقيقي بل مجرد وهم و كيماقالولك الاخوات اتجنبي تتلاقاي معاه ونوصيك الثقة تاع والديك مالازمش تضيعيها ومالازمش تبعي صحاباتك لاخطرش عمبالي بلي راح يقولولك نوغمال ويحاولو يقنعوك قدمايقدرو حذاريييييي لازم تكوني مقتنعة ومتمسكة برايك بلي هادا الشيء غالط ومالازمش ديريه وحطي راسك في قرايتك وربي يوفقك ويحميك من كل شر يا حبيبتي
اختك روزا

اختي روزا انا ممتنة لك كثيرا على النصيحة الجميلة و راح حاول قدر المستطاع اني ما نتلاقاش بيه و كيما قلتي ماش لازم نسمع لصيدات السوء
merciiiiiiiiiiiiii

لاشكر على واجب حبيبتي اذا مانصحتش اختي وصديقتي وحبيبتي شكون راح ننصح ربي يحفظ

باااااااارك الله فيك و كثر من امثالك حبيبتي و صديقتي و قبل كل هذا اختي

لما قريت اجوبة الاخوات لقيت راهم كفو و وفو ولي لازم نقولهلك هو انك تسمعي لصوت ضميرك
يا بنتي الحب عند وقت لكن دراستك هي الي تضيع مع عمرك الا دخلت في دوامت العشق راك تضيعي احلى سنين عمرك الي راك عيشتها التهاي بقرايتك و بنجاحك
بطبيعة الحال و فطرة في المراة الا حبت واحد تتمنى تتزوج معاه و هذا الشاب ماراه الا طالب وقتاش يكمل قرايتو و يلقى خدمة و يهيء روحو باش يتزوج تكوني انت تخطيتي مراحل فيها تغيير في الفكر و كل شيء
تباني من السؤال نتعك انك بنت عائلة ومتربية و كنت تحوسي علي يرشدك الى طريق الصواب ربي يوفقك في دراستك و يشدلك في والديك الي منحوك الثقة الي ان شاء الله رايحة تحافظي عليها و على صومعتك موفقة باذن الله

السلام عليكم عندي احتي تقدم لحطبتها شاب يضهر عليه الخلق والدين وتفول ختى افكارهما متفاربه وتقول انه مناسب لها من المستوى الاجنماعي ومتقارب لها مستوى العلمي لكن الشئ الدي يجعلها قلقه هو طولوه الي نفس طولها فهل هدا عائق للزواج هي طويله مارايكم في هده المشكله
ارجو الردد مع فائق الاحترام وشكرا والحب

اختي هذا ماشي مشكل خلاص
مادام متربي و اخلاقه عالية يكفي

الاخوات كفوا ووفوا شوفي اختي العزيزة
المظاهر ما تهمش المهم السيد عاقل و يخاف ربي و يتفاهم معاها
والطول مش مشكل خلالالالالالالالالالالالالالاص كي تخرج معاه تلبس بالغين برك
ههههههههههه

ربي يهني كل العرسان

انا وزوجي نفس الطول تقريباا
أبدا لم يحرجني هذا
أنصحك أن تهتمي
بالاهم أختي الكريمة..
بحول الله سوف ينسيك مشكل الطول
مبروك مسبقاااا

انا و زوجي ايضا تقريبا نفس الطول ان لم اقل نفسه خممت في هذا قبل الزواج خاصة مع الكعب العالي يوم الزفاف و لكن سبحان الله الرجل دائماً يحتوي المراة حاليا مانقدرش نلبس الكعب العالي مع الأولاد ههه
يا اختي راه مشكل تافه و عن تجربة

الحمد الله عند زواجي في 2024 كان اول مشروع خطط ليه زوجي هو نسجل في قرعة تع الحج وفي كل سنة نسجلو ماكانش الحمد الله في 2024 نزاد عندي طفل وكي كبر شويةوكان عندوعامين قلت نزيدلو اخت او اخ يونسو وبعد 8 اشهر تاخرت الدورة ودرت التاست وجدت نفسي حامل وفرحت وبعد 4 ايام جائتني البشرا انا وزوجي خرجنا في القرعا تع الحج وهذاكان يوم04/04/2016 فرحت وبدات التهاني توصل لكن دقائق فقط وتفكرت اني حامل ولادتي تكون مع موعد الحج ونقلبت فرحتي الى حزن وقلت بلاك يصرا اجهاض وتمنيت انها طيحلي حتى اني كنت نروح للحمام ونبطا 4ساعات و5 باه غير الطيح و في جويلة بدا وقت تاكيد باه نخلصو تع الجح ورحت لطبيبة وقاتلي راكي هايلة يعني مانروحش للحج وزيد كيف نقدر نقعد 35يوم بلا زوجي وانا في هذي الحالةالمهم 7 اشهر كل يوم نبكي والله سوفريت ولحق وقت سفر زوجي وراكم عارفين دمعتي لم تفارقني وراح 8 ايام قبل بدئ المناسك وقعت معى وليدي وحدنا في الدار وناس بيتي ترجاوني باه نعيد معاهم وقلتلهم مانقدرش نتفكر ورحت لدارنافي قصر البخاري يوم قبل عرافا وكنت في الشهر 9 من الحمل05/11/2016ا صبحنا صايمين كيما جميع المسلمين واصبحت ان حزينة وليدي مسكين تاني صبح حزين حتى قلت بالاك راه مريض وقابت التلفاز قلت بالاك نشوف راجلي في عرفة وقت الغروب ومعاها بداني الم تع الولادة مور المغرب دخلت للمستشفى وغير دخلت ولدت وجبت طفيلة لي راه في الصورةوسميتها هداية قعد 18 يوم في دارنا وعدت لداري في المدية لانو راجلي راه راجع من اداء مناسك الحج احمدوالله

المهم ادعولي نحج مع رفيق العمر

ربي يعطيك ما راكي متمنية أختي و يرزقنا حجة مع من نحب

الحمد لله ربي رزقك بالنيتة لي تعمر عليك الدار مع خوها طبعااا
و الحج ربي يرزقنا كاااامل زيارة لبيته الحرام
اميييييييييييين يا رب

أمل كل وحدة فينا نحجو بيت الله مع رفيق الدرب ربي يرزقنا حجة و يقدرنا على طاعته الحمد لله على سلامة الطفلة ربي يحفظهالكم هي و خوها

ربي يرزقك و يرزقنا معاك حجة الى البيت الحرام ان شاء الله

ختي ربي يسرلنا نحج وتحجي وللجميع يارب
نسقسيك فقط كي حاولتي تجهطي يدرا علبالك بلي الاحهاض حرام ولا
كي قريت موضوعك وقولتي بلي تسجلي وتعاودي للحج فرحت بيك وكي قريت حبيتي ديري الاجهاض خلعتيني لوكان اجهضتي كنتي ارتكبتي ذنب كبيييير وتروحي تحجي ربي مايتقبلش منك الخج

وعليكم السلام قصتك ماشاء الله اختي كلشي بمكتوب ربي
ان شاء الله ربي يكتبلك حجة مع زوجك تكونو فيها رايحين

السلام عليك
ربي يكتبلك حجة معاه

وش راح نقولك يا سمين
الله يفرج عليك حبيبتي
ايه عندك حق هدي هي دنيا ناس لي فيها يمشوا با وجوه
خلي عليهم ما تعمريش راسك لي يسقسيى عليك سقسي عليه وخلاااااااااااص
نورمالموا قي هدا نهار ركي فرحانة مشي معمرة راسك يا مهبولة
يووووووووم عيد ميلاد انوس ان شاء الله كل عام وهو بخير
ربي يخليهلك
احلى بوسة الى احلى انس وامه
ما تناسيش بلي عندك بزااااااف حباباتك في منتدى وهدا يكفي وانا اولهم مووووووووووووووووووووووووووووووووووووووووووووووووو وووووووووووووح

معليش ختي اصبري واش راح ديري ربي معاك ان شاء الله كيما قلتي الصح في ولادك ربي يشدهوملك

ya omri yasmine wa3lach tgouli hakda afarhi bwlidak rah kbar tbarak allah alabalak raki 3aziza aliya ismak mitl korat 3inai yasmine benti 4ans andha
ali 3ayat marhba bih wali lala tahniya minou matkasrich rasak w dam3atak ghaliya dork ichofak anas w zid
yalah nodi
rana hna hanona

يا قلبي يا سموونتي الله يهديك ياااااااااااااااااااااو ربي يخليلهم باباهم و ماماهم لهي نتي يا المهبوله وعلاااه تبكي ربي يحفظلك وليداتك و يخليك ليهم الحمد لله عندهم يماهم لتحبهم و تخاف عليهم هذيك هي الفايده لااااااااااااااااا قدر الله مكنتيش نتي و حبوهم الناس و الله ما تجي كيما حبك و حنانتك و مكاااش حاجه تعوض بلاصة الام

ربي يهديك نشري تارت لوليدي و لا نخدمها و نجيب الشمع و نفرح و نزغرت مع راجلي و وليداتي خير من الدنيا و ما فيها لسقسى كثر خيرو اللهم بارك و لنسى تلاف ليه بعمرو ما سقسى طيشي عليك الراشي و والديك ربي يهيدهم بصح نقلك حاجه قلب الواليدن ما يعرفش يكره صح ممكن يحسسوك بحاجه بصح الداخل راكي بنهتهم و مستحييييييييل يفرطو فيك و فووووق هذا كل راهم ولدين حتى وش يديروا احسنيهم و ادي دعوة الخير راهي تخرج في وليداتك لربي يباركلك فيهم و يخليلك راجلك و يسعدك و يهنيك و في تمنراست و لا اليزي و لا قندهاار المهم راكي مع راجلك ماشي بعيده عليه كيما نقول لراجلي نعيش معاك في قيطون و ما نخليكش ههههههههه الدعوة تخوف انا في الجزائر و هو في بشار يحوسلي مع الــ papiche

ههههههه يخااه وشبيك ياسمين قولي الحمد لله حنونه و عيشي كل لحظه مع وليداتك و زوجك اطلبي الهنا و الستره خير من كلش علابالي كسرتلك راسك بصح هاذي الهدره راني نقولها مام لنفسي بعد ما صرالي ايا اضحكي درك و كيما قتلك سهومتي عندك خواتات يخافو عليك و يحبوك و يتمناولك كل خير يا غاليه ايا قبلااتي ليك و لكتكوتك يتربى في عزك و هاذي لنسنوسي

الله الله كلامك يرد روح ويدواي جروح والله عندك حق في كل كلمة قلتيها وعلبالي ياسمين راح تفرح بزاف كي تشوف ردك مووووووووووووح
قبلاتي الك وحشة يا غالية

يا اختي انا قريت الموضوع نتاعك وصدقيني تاثرت كثير لأني في يوم من الأيام حسيت بنفس شعورك لكن قدرت نتجاوزو الحمد لله كيفاش مشيت على المثل الي يقول الي عزك عزو والي دزك دزو هكذا نقولو عندنا حنا نتي هي الصح بالنسبة لولادك اما الباقي زيادة برك

الله يعزك سهومتي و الله ليك وحشه تاني و متشوقه نسمع صوتك يا انوشه هههههههههه ربي يحفظك و يسعدكم و يصرف عنك كل سوء و يوفقك في دراستك ياا رب