بصراحة قلبي راهو معمر من وحد الموضوع وحبيت نهدرو فيه
وهو الصحابات اللي يتبدلو بعد الزواج
تكون صحبتك وتفوتو مع بعض اجمل الايام
ونهار تتزوج تسمح فيك وتنساك كامل
والحاجة اللي تقلقني بزاف هي اللي يتزوجوا ويبدلوا النمرو تاع التلفون
ياسيدي حبيتي تبدلي نمرو تاعك علاش ماتعيطيش لصحبتك وتقوليلها هذا هو النمرو تاعي الجديد
ولا حابين يمحوا كامل الماضي تاعهم؟؟
علابالي الوحدة كي تتزوج يولي عندها بزاف مسؤوليات بصح مشي لدرجة انو صحبتها كي تعيطلها ماترفدش عليها وكي تبعثلها مساج ماتردش عليها
بصراحة انا صراتلي مع بزاف صحاباتي
قرينا مع بعض وكنا صحابات تاع الصح
وكي تزوجوا حبيت شحال من مرة نعيطلهم باش نطمن عليهم وباش نحافظ على صداقتنا
وخاصة في الاعياد
بصح كاين اللي بدلت النمرو تاعها
كاين اللي ماترفدش عليا
واللي نبعثلها مساج ماتكلفش روحها مامبا وترد عليا
وعليها قررت باش مانزيد نحوس على حتى وحدة
بلا صديقات بلا بطيخ
اسمحولي قلبي راهو معمر
ما يستاهلوش يكونو اصدقائك
صرالي كيفك وقت فات
بصح عندي صحبة "سميحة"من الابتدائي حتى بعد الزواج رانا مع بعضانا
ربي يدوم ان شاء الله
صرالي كيفك انا صاحبتي تخطبت ماكلفتش روحا حتي تقولي زعما عشرة 10 سنين
بعد الزواج اختفت من على سطح الارض ههههههههه
انا بنت خالتي لي تربيت معاها كيما اختي وتبدلت عليا مابالك صحبتك
عيشي حياتك بلاصحبة بلاشي
انا صحاباتي حاليا من النت لقيت فيهم الخير
ضرك نتزوج و منتبدلش عليك نولي نرد عليك و نرسلك ميساج كونطرا عليهم هههه
ميزعلش القمر نتاعي
ياك ماشي معاد في ليفري دونك طنشي يا بنت
ربي يدوم علينا الحال ان شاء الله
خليك منهم و لي نساتك انسايها
هذا هو الحال معلاباليش اذا ينخلعو كي يتزوجو و لا واش
ماعليش ساعفي وخلاص
هههههههه عجبتني هاذي تاع اختفت من على سطح الارض هههههههه
عندك الحق تبقى صحبتك الوحيدة هي امك او اختك
صح تى انا صحاباتي تاع النت هوما المخيرين عندي ومابقاش عندي دوكا صحابات من غيرهم
تعيشي حبيبتي حتى انا نبقى معاكم ان شاء الله اذا كتبلي ربي وتزوجت
صح عندك الحق
مشكورة اختي
ان شاء الله
معليش
