السلام راني حابة نعرف واش تدي العروسة عندكم م الحاجة الكبيرة حتى الصغيرة كل ششششششششششىء قولوهولي وثاني حبيت نعرف منطقة سيدية اذا شابة وجايا ف لافيل ولا على برا شكرا يا المستغانميات الله يرضى عليكم
stidia machi fi la ville hanounti,
bon la3roussa teddi m3aha kolech lol kima ga3 la3rayes, w peut etre han fi lgharba 3andna m9amet lhamem, li hiya techri une valise 3la hsseb choura te3ek te3 lhamem, w fiha 2 fota w bchaker, w tassa w bidou, etc
w tesdira ndirou carakou, fergani, 9ssentiniya, blouza, chadda, caftan, w koul wahda w ma9dourha,
w chert 3andna max 10million,
ki netfeker nzid ngoulek
merci t3ich habibti
ستيديا شابة c’est une commune قريبة للبحر
بالنسبة للجهاز تدي كيما فاع العرايس لكن زايدة الفراش بزاف الللحوفة
و تدي المقامة لأنهم بعد العرس بسمانة يدوك للحمام المقامة فيها كلش كيما ذكرت الأخت اللي قبلي
الذهب يموتو في الذهب لذلك فوي الذهب قد ماتقدري
أما عن نهار العرس و هذه العادة اللي نكرها موت نهار المحضر التاعك يجو العرايس الجدد يتصدرو معاك لذلك تهلاي في حوايج التصديرة عندهم العروسة تدخل بالشدة التلمسانية
يديرو التلمسانية و المنصورية و البلوزة الوهرانية و القفطان هذوهوما الأساس و الباقي كيما تحبي
وبعد العرس يجيبولك الحوت تنقيه بعدها تولي تطيبي في الكوزينة هههههههههه
أي إستفسار راني هنا
ربي يهنيك حبيبتي
يظهرلي البنات خوفوك شوي …
أنا في بلاستك و خفت ههههههههههه
بشوي يا فيحاء العالم على المخلوقة …
لكل داخل دهشة ههههههه
ربي يسعد الجميع
hahahha welah sah ya khti, hna 3andna hadi l3ada te3 l3raysset jded yetssadrou m3a la3roussa, yssemouhoum lkharejet,
koun jet 3liya nahi hadi l3ada,
w hadi te3 lhout masma3tch biha hahahah, wa9ila darouhelek nessek hahahah
السلام عليكم لالا منيش متزوجة
كنت رايحة نتزوج بمستغانمي من بوقيراط و الحمد لله إسترني ربي راكي تعرفي العقليى التاعهم خرجني من رحمة ربي
و العادة تاع الحوت يديروها ناس الحضر
3lech thaniti wech biha 3a9liyathom ahkili
hahahahha, wech khawfatek????
ya khti ana bent lebled mais jamais sma3t bte3 lhout derwek, hadouk bekri, mais l3ada hadi n9ardet, hadi l3ada kanet ki kanet la3jouza hiya li tekhteb
mais ya lahbiba, boguirat , les environs te3 mosta, je veux dire nes te3 berra, c pour ça yjou chwiya khchen, ana deja ken ya9ra m3aya wahed men temek, w ken ygouli ke hna khcheeeeen w mankhalouch lemra tekhroj etc, galli hna te3 berra mazelna m3a lhorma, goultlou 3lech hna rana matlougat hahahaha yweli yedhak, ndir ana wiyeh hala, houwa yahder w ana nrepondé 3lih,
ken ygouli nkhafou 3la bnetna yla dekhlou lelmdina yentalgo lol,
rabbi y3awdek hanounti, w nes mosta machi ga3 kifkif ma belle, kima ga3 les wilaya, kayen lemlih w kayen douni,
raki khaweftilna tefla, lol
السلام عليكم ورحمة الله تعالى وبركاته 
مشكورة على مرورك
