فالموضوع يتعلق ببنت عمرها سنة16 لا تحترم امها و تعاندها و تصفها بالخوافة دوما بالرغم من ان امها تحن عليها اما الاب فهو الاهم في الموضوع لانه مند الصغر يعاملهم وكانه في عمله ( يعمل شرطي ) بشدة و قسوة و الدي يخطئ فحسبه الضرب المبرح و بدون نقاش للجميع و لا يصرف عليهم كما يجب فالبنت هنا تمردت على امها بالرغم من تفوقها المدرسي الا انه اي الاب لا يعيرها اهتماما و يحتفظ بقوله الفائدة في الاخلاق بمعنى لا هدية و لا حتى التشجيع بكلمة .
فالبنت الان نجحت السنة 4 بامتياز و صعدت للثانوية التي تظطر لاخد الباص يوميا لها المهم ما في الامر انها اصبحت تحاول تقليد البنات الاخريات ربي يستر وليداتا وو صل بها الامر الى سرقة المال من ابيها لشراء موبايل خاص دون علم الجميع الا ان الام اكتشفته واخدته منها لكن البنت غافلتها لتاخده خلسة ولما واجهتها انكرت الفتاة و الشيئ المثير ان الاخيرة لا تخاف ابدا و تواجه امها بكل امر و تعتبر كلما تفعله امر عادي .فالام هنا تناشدكن في حل لابنتها قبل فوات الاوان لان ابوها لم و لن تستطيع التفاهم معه
ارجو الرد و مناقشة الموضوع
البنت في سن المراهقة وهذا أمر عادي جدا إلا يجب على الأم أن تحاول كيف تصاحب إبنتها و بطريقة لبقة و لينة لأن العنف لا يفي بالغرض يجب عليها أن تتحرى من صديقاتها و تراعي طريقة لبسها و تحاول الذهاب إلى الثانوية و توصي عليها الإدارة و لكن دون علم الفتاة و تحاول كسبها وربي يجيب الخير تشوف مثلا خالتها أو عمتها كذلك تحاول تصاحبها و تخليها تحكيلها أسرارها و بشوية حتى تكسبها
ربي يكون في عونها
لديها مراهقة صعيبة
كون جيت امها نضربها مش ضرب مبرح بصح نضربها ونحرمها من الحوايج الي تحبهم ونعاملها بتجاهل قدامها برك بصح ما نتجاهلهاش صح
نشفى مرة مانعرف وش درت وعليت صوتي على ماما علابالكم وش دارتلي
ههههههه الله لا يعاود هذاك اليوم
ديت طريحة من الكبار وزاد حاشمتني يعني ماتهدرش معايا لا هي لا اخوتي لا بابا والي يجي عندنا تحكيلو على قلة الادب الي درتها خلاتني نحس روحي حاشاكم حشرة
ةكل ما يجيو عندي صحاباتي تقوللهم انتوما تتعاملو مع امهاتكم كيما هذي الي مصاحبينها وتحكيلهم قصتي
تعرفو عقدتني وحسيت روحي كلي استعمرت فلسطين وندمت وطلبت السماح وعدت نحاسب في كلامي معاها تخيلو كامل يحكيو ف الدار ويضحكو كي نجي نشاركهم الحكاية يخليوني ويروحو يكملو حكايتهم في مكان اخر ههههههه عقاب نفسي صعب
والا تخبر والدها القاسي لانو كون كاش ما تغلط هذي البنت الام هي الي تتحمل المسؤولية كاملة لذلك من الافضل تخلي ابوها في الصورة باش كي تحب تتمرد تخوفها بابوها مرة ومرة تقولو صح وتوصلهالو وتخليها تتعاقب باه ما تزيدش تقول ليماها خوافة
ومن الاحسن تحاول تعرف رفيقات بنتها بالاك رفيقات سوء على الاقل تبعدها عليهم ومن بعد تعالج المشكل مع بنتها
والله عقوق الوالدين كبير وصعيب لما يكبر الانسان ويدير ولادو يحس شحال تعب والديه في صغرو ربي يسامحنا وخلاص وربي يقدرها على هذي البنت حنونة