8-كيش الخضر اقتصادي من اختراعي (م.م.ط.ر)

السلام عليكم ورحمة الله تعالى وبركاته

اليوم حبيت ندير كيش بصح قعدت حايرة وش ندير فيه لانو ماكان عندي لادجاج لا داند لا فيونداشي
قلت كيفاش يجي بنين؟

كانت عندي شوية عجينة مورقة جبدتها

من جهة اخرى قطعت الخضر الى مكعبات صغيرة
كورجات
جزر
بطاطا
درتلهم شوية ملح ودرتهم يفورو

بعد مافارو طيبت شوية صوص بيشامال وخلطتها معاهم
وزدتلها فرماج قطع وخلطت الكل

فتحت العجينة نتاعي ودرتها في صينية الكيش
فرغت الخليط فوقها
ودرت فوقو جبن مبشور

الجيريا

وزينت ملفوق بالعجينة ودهنتها بصفار البيض

الجيريا

والى الفرن حتى تحمار

وهاذي هي النتيجة

الجيريا

الجيريا

وهكذا بمكونات بسيطة واقتصادية تكوني خدمتي طبق جميل ولذيذ
وتكوني استحفظتي شوية على زوجك ههههههههههههه

تقبل الله منا ومنكم صالح الاعمال

سلام عليكم ورحمة الله وبركاته
جميل اختي واكيد الاقتصاد مفيد
بارك الله فيك
بصحتكم وبالتوفيق لك
شكراااااااا شمعة ضيااااااء كوشتك غاية طيب وتحمر مليييييح
بارك الله فيك
الله يعطيك الصحة

يعطيك الصحة
رائعة وجي بنينة بصحتكم

هكذا زوجك يفرح بيك.

يعطيك الصحة خممتي في زوجك
تبارك الله عليك
بارك الله فيكم اخواتي
خممت في بابا
اما زوجي مزال مارحتش ليه هههههههه
شكرااا على التشجيع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.