حشمتني وحدة بغاتني نخدملها مخبز الكاوكاو
اعطوني وصفة لمخبز هشوش والقلاصاج كيفاش
ربي يعيشكم
اختي هذي هي الوصفة تاعي و جربيها على ضمانتي و صراحة الوصفة الأصلية للاخت الساجدة لله الجزائرية و هي عضوة معانا في المنتدى ربي يحفظها
المقادير:
ـ 1كلغ كاوكاو.
ـ فنجان كبير فرينة.
ـ شوي ماء الزهر.
ـ قشور ليمونة او برتقالة.
ـ 1 كيس خميرة حلويات.
ـ فانيلا.
ـ كاس سكر.
ـ من 4 الى 5 بيضات.
للقلاصاج:
ـ 3 بياض البيض.
ـ عصير ليمونة كبيرة (صفيه ).
ـ ملعقة كبيرة الى 3 ماء الزهر (اذا حابة تضيفي ملون غذائي حليه في ماء الزهر)
ـ نصف فنجان ماء بارد.
ـ ملعقة زيت.
ـ سكر ناعم و لازم تختاري نوعية مليحة ميكونش فيها نسبة كبيرة تاع نشا و احسن نوعية (نونورس او المرجان).
ملاحظة: باش يجي مليح و ناجح لا تخفقي البيض بل حركيه بالفرشاة حتى يمتزج فقط و لا تستخدمي الخلاط أبدا غربلي السكر جيدا حتى لوكان كان يبدو جيد حلي المولون في الماء او ماء الزهر.
طريقة التحضير:
ارحي الكاوكاو اخلطي جميع المكونات السابقة و من بعد اجمعيها بالبيض حتى يصبح عجينة من بعد حطيه في الثلاجة ليلة كاملة يرتاح و اخر خطوة شكليه كيما تحبي و دخليه الفرن 10 دقائق و ماتخليهش يحمار ينشف فقط و في الوقت اللي تخليه يبرد اخدمي القلاصاج اخلطي البياض بالشوكة دون الخفق ثم أضيفي الماء و العصير و ماء الزهر ثم اضيفي السكر تدريجيا و لكن بكميات كبيرة يعني الكيلو حطيه على 3 مرات خلطيه بالملعقة دون خفق حتى يمتزج اضيفي الزيت بالاخير و حركي قليلا لاعطاء لمعة و كي يبرد القاطو تاعك غلفيه بالقلاصاج و خليه يوم الى يومين حتى يجف.
ارحي 2 كيلات كاوكاو بلا ما تحمصيه مع كيلة نواد كوكو
حتى تتحصلي على ذوق اللوز
و خلطيهم مع كيلة سكر عادي و حطيلو مبشور الليمون بكثرة + 3 مغارف كبار زبدة التوريق ذايبة و خلطيهم مليح
اجمعيه بالبيض
حطي 2 بيضات كاملين ثم 1 صفار تدريجيا و هكذا حتى تتلم
و أعجنيه مليح و مبعد خليه يبات و غدوى من ذاك
قطعيه كيما تحبي
من الأحسن قلوب و حطيه في سنيوة تكون مرشوشة بالبزاف بالفرينة
دخليه الفرن 160 درجة من 10د حتى 15د ينشف برك
القلاصاج : تكيلي بكاس شاي صغير
– 1كيلة حليب
–1كيلة زيت
– 1كيلة ماء زهر
-سكر ناعم
-ملون محلول في شوية ماء زهر
– عصير ليمون تزيديه بالتدريج و حسب الذوق
أنان عملوا مثل تاع اللوز
المهم خليه مايطيبش ياسر فقط ينشف
ندير 3 كليات كاكاو ب 1 سكر قلاصي و بشر الليمون و نام بالبيض يكون طري
و حطه يصبر شوية ثم تشكلوا
القلاصاج ندير تاع قناة سميرة فيه البيض و السكر و ماء الزهر و عصير القارص و الزيت
و البحثي في كوزينة المنتدى بإذن الله تلقاي
نخدم بالآي باد لهذا مانقدرش نحط الروابط
ان شاء الله مشرفات قسم الحلويات يفيدوك
فقط انا خطرة عطيت لوحدة وصفة المخبز باللوز و مولات الوصفة حاطة تدبيرة هو انك تزيدي 2 مغارف سمن باش يقعد طري و كي تجمعي
وصلحتلها الفكرة
المهم ثاني كثريلو الفرينة كي تحطيه في السنيوة تاع الفور هكا نسمعهم يقولو
وبالتوفيق اختي
يعني تفوريها ويكون ابيض طبعا منقي من قبل
بليكستري تاع اللوز في ماء تفوار
اكاوكاو تكوني شمختيه بعصير القارص
يفور وتلحظي انها تغير اللون
بعدها ترحي 3 كيلات مع كبلة سكر ناقصة شوية
ومبشور القارص اصفر اللون ولفاني بعدها يتلم ببيصتين كاملتين وصفار بيض واحد
ويعجن جيدا مثل عجينة ختى يدوب السكر ويزيد يدخل له القارص
وتخليه في الثلاجة نهار كامل او ليلة كاملة وفي الصباح
تحلي العجين انثري الفرينة واعملي مبسط 3 سم لانه يزيد يطلع مع قلاصاج
قلوب او مربعات وتوضعيها في ورق الطهي
الطلية بدون بيض وتجي طرية وتدم مدة وتبقى طرية
الطلية
كاس ماء زهر
كاس سكر
يغلي حتي يصبح ثقيل سيرو
نعصر عليه حبة قارص
ونرمي سكر قلاص حتى تثقال وجربي وحدة تلحظين انها شدت فيها
هنا سر اخرى لكي يجي معسل حتى اللوز نفس الطريقة
الكل يعني في بعض الاحيان من ان الحلويات تنشف عند طبخها خاصة التقليدية مثلا
مقروط اللوز .المخبز الجلجلانية الدزيريات … مدة طهي 5 د
فهدة الطريقة تجنبك الخسارة خاصة وان اللوز ثمنه غالي وحتى الكاوكاو
نضع ورق الطبخ papier cuisson
على السنوة ونترك قليل الحواف ونرتب قطع الحلوة عليها و ندخلها الفرن
عندما تنشف الحلوة نخرجها لان مدة الطهي لا تتجاوز 10د تنشف فقط
نرفد الورق ونفرغ الماء حسب السنوة وسوف تلاحظيين البخار هذا البخار المتصاعد يجعل للحلوة طراوة
تاتي معسلة وماشي ناشفة
سخانة تاع القاطو يتبخر الماء وسوف يجعله طري ومعسل بعدها تشوفي الماء نشف ينتزع القاطو يسهولة
