2كيلات فؤينه سيم او لابال
كيله دقيق فرخ حنا نقولو هكا (واش معناه؟)بعد ماتغربلي تنحي الارطب ومن بعد تشدي الارطب هذاك تزيدي تحطيه في الغربال الارطب بزاف راه يطيح والشويه راه يقعد في الغربال هداك هو الفرخ.
كيله سمن المدينه طبعا مع مقدار فنجان او اكثر بشوي تملاي بيه الكيله مليح
قرصه ملح .ماء زهر.
الطريقه
توضعي الخليط كامل وتخليهم يرتاحو ساعه .ومن بعد تبداي تلمي بالماء زهر مخلط مع الماء حتى تتحصلي على عجينه ملمومه وشويه مرخوفه
الغرس عادي كيما يعرف الجميع غرس مع قرفه ومع طيب مرحي وشوي كبابه وماء زهر
تدلكي العجينه مليح حتى تصير بيضاء انا نعجن في الميكسار تسهلي المهمه .ديري خبزة وتحليها ماشي رقيقه بزاف وتلهوثي عليها كميه من الغرس وتلهوتي وتقطعي مقروضات وتنقشيهم بالنقاش ومن بعد طيبيهم واكيييييد من بعد تعسليهم وذري عليهم الجلجلان مقلي وشهيه طيبه
رائع