هده الوصفة عبارة عن اكلة شاوية تقليدية حبيتكم تشوفوها نتمنى تعجبكم
مقادير المرق
بصل و توم وطماطم نرحوهم مليح + حبة بطاطا ملح كسبر طماطم مصبرة و هريسة حسب الرغبة وفلفل احمر جاف ولحم مقدد (خليع)
مع الزيت تقليهم مليح و تمرقي
خليها طيب المرقة نتاعك
نخليكم مع صور
ناتي لتحصير عجينة التريدة او لمقرطفة او لمقطعة التسميات مختلفة هههههههه
للعجينة ايضا حسب افراد عائلتك المهم انا نقيس بالصحن اللي في الصورة ا سميد رطب شوية ملح و تبليها بالماء و تعجنيها يابسة تكون شادة روحها باه كي تحليها ماتلسقلكش
الصور تتحدث
اقسمي العجينة نتاعك الى كويرات
خليها ترتاححولي 10دقاءق باه تجيك ساهلة كي تحليها بالحلال
ذري شوي دقيق وحلي فوقو لعجين وزيدي من الفوق
روليها على الدقيق شغل رولي
وبداي قطعيها على سمك2سم او 3سم
انفظيها من الدقيق حاولي تحليها من بصح بشوي باه ماتقطعيهاش
غربليها باه يتنح منها الدقيق الزايد
كي طيب المرقة
ابداي لوحي بالشوي وهي فوق النار
حتى تكمليلها كاما وانت تحركي
وبشوي عليها باه ناتتفتتش
اليك النتيجة
ان شاء الله تنا اعجابكم
كل وحدة تقولي كيفاه يسميوها في المنطقة نتاعها
تسلميلي يا الغالية
سييها دلال بالخليع ورديلي بلخبر واحد البنة واش نقولك هههههههههههه
حوحو يشكر روحو
حنا اصلا منستعملوش الخليع
وبالنسبة لثريد
عنا نديرها ونيبسوها ونطيبوها كيما الشخشوخة
حنا نسميوها مقطعة ولا الحسوة
انت تشريها واجدة
احنا نشريوها
ونزيدو نخدموها في الدار كما شفتي في الصورة تكون كويلة
شكرا لمرورك الرائع
وديروها هكا ولا طريق اخرى
الله يبارك نزيدو نتعلمو منك الجديد
شكرًا لك
