صباح الخير يا عسولاتي واش راكم
اولا تحية لكل المشاركات وغير المشاركات في المسابقة
ثانيا تحية كبيرة لكل من مرت بمواضيعي وردت عليها
المهم طبق اليوم هو عبارة عن مقبلة هايلة هي:
كبدة مشرمة على طريقتي
اولا اسفة لانني مصورتش المراحل وامل ان اشرحها بشكل جيد:
اغسلي الكبدة وقطعيها قطع عشوائية ماشي شرط يكونو متساوية الحجم
وخليها على جنب
حضري صوص تومات
اولا ارحي حبة بصل صغيرة جيدا مع زوج فصوص ثوم ولا ثلاثة حسب الذوق
قليها في زوج مغارف زيت عادي وزوج زيت زيتون وقطعة زبدة
لما تولي مكرملة حطي عليها زوج حبات طماطم مرحية و ورقة رند وغصن زعيترة وزيدي الملح والفلفل الاسود وراس الحانوت وفلفل احمر وكسبر مرحي وحركيها جيدا وزيديلها مغرفة سكر لتعديل الذوق وغطيها وخليها تطيب من 20 حتى 25 دقيقة لما قريب تطيب يبقالها فقط 5 حتى 10 دقائق زيدي مغرفة كبيرة خل وغطيها وخليها حتى تطيب مليح
لما تخثار مليح طفي عليها وارمي حفنة دبشة مقطعة رقيقة وغطيها وخليها على جنب
في مقلاة اخرى حطي قطعة صغيرة زبدة وحطي الكبدة تاعك ومتحركيهاش لانو كل ما تحركي اللحوم وهي على النار راه تخرج كل الما تاعها وتجيك من بعد يابسة وناشفة وهادي تعليمة لي متعرفهاش ممكن تستفاد منها
وايضا منملحوهاش حتى تطيب باش متتكمش ويخرج الماء تاعها
بعد ما يمرة زوج دقائق نقلب قطع الكبدة على الوجه الاخر ونزيد نخليها تاني زوج دقايق اخرى
من بعد نري عليها الملح والفلفل الاسود ومنكثرش لانو رايحين نديروها في الصوص
من بعد نحكم الصوص تومات تاعنا نزيدلها كمية صغيرة كرام فراش ونحط قطع الكبدة داخل الصوص ونرجعها للنار بدون غطاء حوالي 2 دقائق اخرى في هاد الوقت المقلاة اللي طيبنا فيها الكبدة تاعنا نحطوها على النار ونزيدلها شويا عصير القارص حوالي نصف ليمونة برك
ونحرك فوق النار حتى نلم كامل هادوك لي سيوك لي في المقلاة من بعد فرغو فوق الكبدة ونقلب مرة برك ونقدمها مزينة برشة دبشة مقطعة ودائرة قارص
ان شاء الله تكونو استفدتو ولو القليل لانني متاكدة من انو مكاش وحدة متعرفش تطيب الكبدة لمشرملة لكن هادي فكرة على الاقل
شكرا للنصائح والتفاصيل لقدمتيها
موفقة في المسابقة
موفقة في المسابقة
وانا متاكدة من انو كل وحدة واكيد تتقن هاد الوصفة ومش بحاجة ليها لكن لا ننسس هادا منتدى وفيه مبتدات
ملاحظة اسم المدونة سيدات الجزائر وليس حواء الجزائر
موفقة ان شء الله
نعم شيء جميلل انك تقدمي الوصفة
صح هناك سيدات جدد في الكوزينة
ربما تحتاج لوصفاتك مشروحة بطريقة مبسطة
