السلام عليكم و رحمة الله و بركاته
عجبتيتي فكرة
و حبيت نشاركم بيوم كامل لجمعة
04/05/2016
ان شاء الله تكون مباركة علينا كامل
نبداو بالاحوال الجوية الي كانت كيما تشوفو في الصورة
طقس جميل ومشمس
وهده طلة لاحدى نوافد المنزل
على بركة الله نبدا
كل جمعة تقريبا تعودت ندير طبق الكسكس لاني تربيت عليه في بيت اهلي
والكل لازم يتغدى بعد صلاة الظهر
نكهة لتخصيص يوم عيد المسلمين الي لازم تجتمع فيه العائلة كامل
لكن
هده المرة زوجي طلب تغيير الطبق الى
الرشتة
وماكان علي غير
انــــــــــــــي نطيبه
طبق الرشتة تشتهر به مناطق الوسط العاصمة و ضواحيها و يعملوه في المناسبات لانه 
و اكلة خفيفة
اما منطقتي (عنابة) فتشتهر بالشخشوخة
وطاولة تع الغداء ترحب بيكم
الرشتة نشريها جاهزة من عند الجزار
لاني نعرف شكون يطيبهالو
مالازمش الواحد يشري برك
صح؟؟
نطيب مرق ابيض بصل+ملح+فلفل اسود+حمص+اللفت+دجاج
ونفور عليه الرشتة تاعي
المرة 1 وحدها بدون اضافات
2 بعد ما ندهنها بالزيت
ومبعد نسقيها بالمرق مع الزبدة و +الفلفل الاسود للبنة
اما الدجاج فنحمرو بعد مايطيب يجي احسن وابن ويعطي نظرة للطبق
في المساء حبيت ندير تارت لحورية المطبخ
اول مرة جربت العجينة المورقة الي كنت درتها يوم الخميس
كانت روووووووعة
كالعادة حورية وصفاته 100/100 ناجحين
بارك الله فيها
التزيين عادي
كريمة الباتسيار و تفاح و سيرو
شربنا بيها قهوة العشية
وفي العشاء حبيت حاجة خفيفة
و العجينة المورقة من فرحتي بيها درتها
حلو و مالح في نفس اليوم
هده تورت فيها بطاطا+جبن+جلبانة+دجاج+معدنوس
جات روووووعة
وبطبيعة الحال عملت شربة خضر و كسرة مطلوع
تفضلوا مرحبا بيكم على طاولتي
وبالتوفيق عزيزتي
شكراااااا ليك اختي ام نضال
