محجوبة الخميرة من يدين امي الحبيبة 2024.

جبتلكم اليوم مقادير
محجوبة الخميرة من يدين ماما الغالية
طعم وذوق غير شكل
وكيما يسموها اولاد اختي من فرنسا
pizza traditionnelle
هذه الوصفة من احب الاكلات الى قلبي خاصة من يدين امي الحبيبة ربي يخليهالي

للعجينة
500غ سميد او دقيق
ملعقة صغيرة مملوؤة خميرة الخبز
ملح
شمة سكر
شوية زيت
ماء دافئ للعجن

للحشو
بصلة مراpية
حبتين طماطم حمراء
2 فص ثوم
فلفل اخضر حار او حسب الرغبة
ملح , ملعقة صغيرة راس الحانوت , ق
فلفل احمر حار
ملعقة كبيرة زيت
شحمة مهرسة حسب الرغبة وهذا هو اساس الوصفة

خلطي كل مقادير العجينة
حاولي ما ترخفيهاش بزاف باش تعاونك في خدمتها
خليها تخمر في مكان دافئ

قلي كل مقادير الحشوة مع بعضها مع الشحمة وخليها تبرد جيدا

باقي الخطوات مصورة

هذه هنا اضافة اختيارية
اذا تحبي زيدي حطي فلفل حار مقطع وشحمة

اغلقي الجوانب جيدا تفاديا لخروج الحشوة

ممكن تستعيني بالفرينة لفرد القرصة مرة اخرى

شهية طيبة للجميع
اتمنى انها تعجبكم

الله يبارك تشهه ربي يخليلك الوالدة ويطول في عمرها يعطيكم الصحة

تسلم يدين والدتك اختي و ربي يحفظهالكم الجيريا

اممممممممم تشهي هايلة هايلة الله يبارك، يعطيك الصحة و ربي يحفظ الوالدة الكريمة و طول في عمرها آميـــــن الجيريا

يمييييييييييييييييي بارك الله فيك ام منصف وربي يحفظلك الوالدة وماتبخليناش من جديدها

برك الله فيكى ام منصف الله ايخللك امك تعلمى منها يعطيك العافية

[align=center][/align]تسلم الأيادي ربي يخليهالك ام منصف

تشهي وخاصة كيعادت من اعز الناس ربي يحفظهالك وتسلم اليد الي دارتها وان شاء الله انجربها بصح بغيت نعرف كمية الخميرة

السلام عليكم ورحمة الله وبركاته نفس طريقة امي الا انا امي ديرها بدقيق الشعير تخرج هايلة وما ديرش الخميرة ربي يحفظلك امك ويحفظ جميع الامهات شكرا لك وبارك الله فيك

اترك تعليقاً إلغاء الرد