كنت دايما نقلي الشفلور و نقلي البطاطا و ندير هاد الطبق
و نقولكم الصح القليان كرهتو، مالجري جامي عانيت من مشكل السمنة مي تانيك ياثر على الصحة
اليوم الشفلور درتو فالفور، الجاج نحيتلو كامل الجلد رميتو و البطاطا غليتها ثم فوتها غير فشويا زيت
و حتى لاصوص درتلها قطرات برك تاع زيت (اقتصاد زيت اليوم)
المقادير
- الشفلور:راس شفلور+ حبة بيض و 1 صفار+ مغيرفة كبيرة فرينة+ شوية حليب (أنا درت نص فنجان تاع لاتاي) + فرماج رابي + زبدة+ فلفل+ ملح + شوية جوزة الطيب
- المرق :طراف دجاج بلا جلد + بطاطا+ بصلة + حميصة+ ملح ، فلفل، قرفة، قرفة عود+ معدنوس و قارص
الطريقة:
فوري الشفلور و كي يفور عصديه بالفرشيطة مليح
ضربي مليح البيض مع الحليب + شوية فرماج+ فلفل+ ملح + شوية جوزة الطيب و شوية معدنوس
و خلطيها مع الشفلور المعصد
حطي فيه شوية فرماج رابي و عمريها بالشفلور
دخليها للفور حتى تحمار و مبعد خليها تريح فالفور مفتوح مدة 5 دقايق و نحيها
و التوابل و مرقت و درت الحميصة
حطيت الشفلور في تبسي حطيت عليه الكباب و الجاج و زينتو بالمعدنوس و القارص مالفوق
لمزيد من وصفات الشفلور أدخلي
شفلور (chou fleur) بالفرماج من مطبخي
الله لايحرمنا من وجباتك الصحية والله عشاء اليوم فكرة هايلة
تقبلي مروووري
تسلمي و تسلم يداك و دام تميزك و عطاؤك حبيبتي و لمميزة المنتدى آحلى تقيييييييييييييم
وما شاء الله عليك تاكلي بالصحة والهناء
و كامل كرهنا من القليان
يعطيك الصحة ساهل اقتصادي و شكله يشهي
