السلام عليكم حبيباتي لقيت هذه الوصفة لصنع صابون الشوفان ينقي و يبيض الوجه 
جربتها و عجبتني 
قلت نحطها لخواتاتي يستفادو و منها ننشطو شوية…
-1/2 صابونة بلا ريحة(كيما نحولو صابون حجرة او صابو الطرف)
– 3 ملاعق كبار نخالة
– ملعقة كبيرة ماء الورد
– ملعقة كبيرة نشاء (ميزينة)
-شوية ماء مغلي حوالي فنجان صغير.
طريقة تحضير صابون الشوفان….
نبشرو الصابون نزيدو عليه كمية من الماء غليان ونخليوه يطلق 20 دقيقة من بعد نحطوه فوق النار و نزيدو عليه ملعقة كبيرة نشا ونحركو بالخف و غير يدفا عاودي طفي عليه نضيف اشوفان و نحركوو مليح تم نضيف له ملعقة من ماء الورد و نحرك مليح و من بعد ناخدوا بواطة و ندهنوها بالزيت شوية برك متكثريش غير باش ميلسقش كبووا فيها الخليط ديالنا و نبسطوه مليح من بعد ندخلوه للثلاجة و نخليوه حتى يتماسك و يبرد ملييييييح ، و من بعد نخرجوه و نقلبوه من لبواطة و من بعد ما حصلنا على صابون الشوفان نقطعوه طريفات ورجعوه للبواطة وندخلوه للثلاجة.
و هذا شكلو….
وقت ماحبينا نغسلو وجهنا ناخضو طريف لي يكفانا لغسلة وحدة نغسل به المرة لولة و نشف وجهي من بعد نحط الطرف ثاني على وجهي على شكل ماسك 5 دقايق من بعد نغسلو وندهن بكريم مرطب.
دعوة خيييييير تكفي و توفيييييي.
ya3tik alf 3afye
على الفكرة النيرة
و يعطيك ما تتمناي يا شطورتنا
الصابون هو = le savon
الشوفان هو = l’avoine
معرفتش الشوفان
يعطيك الصحة هلى الرد حبيبتي. برك الله فيك 💐💐💐
الشوفان هو نخالة القمح راهو يتباع لانو يطيبو به
و يديروه فالحلويات فيه فوائد كثيرة
و يستعمل ايضا فالوصفات الطبيعية التجميلية
هل الشوفات المقصود هو شوفان كويكر المعروف