https://https://www.dzhawaa.com/vb/showthread.php?t=38157
الى اخواتي الي طلبو الغراتان
نبداو بموونلايت
الطريقة
ناخدو 5بطاطا نقطعوها مربعات
و نغلوها ف الماء و الملح
كي تطرا البطاطا
نديروها ف بلا تع كوشا
و نديرو ف كاسرونة شوية حليب + قطعة فرماج او زوج شاف
كبيرة يعني
و نذوبوه ف الحليب
و نكبو الحليب فوق البطاطا
نديرو شوية فلفل اسود
ناخدو الكفتة (لحم مرحي) و نديروله غير الملح و الفافل الاكحل و نديرو كويرات و نحطوهم بي البطاطا نرتبوهم كما نحبو
و نجيبة شوي زعتر و نحكو بين الكفين مليح مليح على كامل الطبق
و الى الفرن
لما طيب الكفتة
ترابي شوية فرماج غريوييار او غودا و تديريه من الفوق
و تخليه شوية
و تنحيه
تلقاي الحليب تشرباته البطاطا
و اصبح رااااااااااااائع الطبق
اختراعي
سهلة وباينة بنينة
ريحة الزعتر وصلتني قبل منضغط على الصورة
شكرا انوش
جربيها و وريلي
مشاء الله
طبق رائع حبوبة
مشكورة على مشاركتنا الوصفة
وريحة الزعتر اااااااممم دايرة حالة ههه
حتى انا راني نخمم واش ندير العشا
بارك الله فيك
هاهي وصفة العشاء
