السلام عليكم عندي مشكل مع صلصة المعكرونة دايمن كي نخدمها جيني قارصة وما يكلوش كامل سباقيتي درتلها السكر وجات قارصة اعطوني صلصة لذيذة حبيت اليوم ندير سباقيتي الله يحفظكم
اول شيئ طيبي سباكتي ثم مع الصلصة
اذا كنتي رايحة ديري لحم معاها قطعي للحم وضعيه في مقلاة وبعد مايتقلى للحم مليح ويصير لونه بني ضفي البصل مقطع رقيق وبعد ما يذبل البصل +الملح +الطماطم حب مقطعة او مرحية وبعد التقليى وتشفيها ذابت ضفي لها نص ملعقة طماطم مصبرة متكثريش منها حتى ماتجيكش قارصة وضفي التوابل وخصوصاا الفلفل الاسود ومرقي قليل جداا من ماء سباكتي لي طابت فيه ونقصي النار وتركيه يعقد غير بشوي واذا مادرتيش اللحم ديري نفس طريقة
فقط ديري جومبو ومن بعد ماطيب تكوني وجدتي سباكيتي ودهنيها بزبدة وفرغي الصوص وتركيها ترتاح حوالي 10 دقائق وقدميها
وشهية طييبة
وفيها طريقة اخرى وهي سباكيتي باطماطم المشوية
طيري سباكيتي او مقرون وديري الطماطم في صنية بعد ماتقطعيها على اربع قطع وفرغي عليها زيت زيتون وملح وادخليها الفرن بعد ماتشفيها ذبالت فرغيها على سباكتي
وهذه الطريقة رائعة وماتجكش قارصة هنا مادرناش الطماطم المصبرة
انا جربتهم في زوج وهايلين
حطي الزيت يسخون ضيفي البصل محكوك والثوم مطحون وحركي حتى يدبل وضيفي 2مغارف طماطم كونستري وحركي حتى تدوب ضيفي طماطم مقشرة ومغبية وشية ماء وضيفي جمبو وحرور وزعتر وخليها تطيب لما تطيب زيديها الحبق مقطع
انا مرات كي كون عندي كاتشب نحط شوية
انا نحطلها رند وزعيترة نكترلها بزاف وزعتر مرات مي نحب نكهة الزعيترة او تاني حطيلها حبات زيتون اسود
جد مشكوووووووورات حبيباتي على ردودكن الرائعة استفدت منها كثيرا
المقادير حسب الكمية لي درتيها
اغسلي 3 حبات طماطم متوسطة الحجم و نحيلها القشرة نتاعها و ارحيها في الروبو … حطيها في المقلاة و و دوزنيها بشوية فلفل حار مرحي و القليل من الفلفل الاحمر المرحي و الفاح و الفلفل الاسود و الثوم رابيه طبعا و وريقات رند و شوية زعيترة و الملح و القليل من الزيت و و طماطم مصبرة … و جهزي اللحم المرحي دوزنيه عادي و ديري كريات متوسطة الحجم و اقليها في الزيت و حطيها الطيب مع لاصوص و في الاخيــــــــــــر حطي حبات زيتون اسود ….. و كسبرة خضراء مقطعة
حاولي تفرغيها قبل ماتستعمليها وتشوفي الفرق
