ان شاء الله كامل تكونو ملاح
راح نحطلكم خبز الدار الي موالفة نعملو هولنا امي صدقوني لو تعملوه وتبعو الخطوات جيداا كيما دكرت راح تجيكم النتيجة روووووعة
المقادير
-فرينة
– 2 كيسان ماء دافي
– كاس حليب دافي
– نص كاس زيت
-80 غ مارغارين
-2 بيضات
-ملح
– خميرة الخبز
-ملعقة صغيرة معمرة سكر
طريقة التحضير
نخلط جميع المقادير الي دكرتها مع بعضها عادا الفرينة
ونحرك الخليط حتى تتخلط المقادير مع بعضها ونضيف الفرينة تدريجيا حتى نتحصل على هاد الخليط ملاحة متيبسيش العجين كل مادريه جاري كل ما يجيك الخبز نتاعك مشاء الله
ونغطيها بكيس بلاستيكي وسربيتة ونخليه يخمر
بعد ماخمرت راهي جارية بزاف كتري الزيت في يديك باش متلصقش
وقسمي عجينتك والبلا دهنيه باش مايلصقلكش وحلي العجين في البلا بيديك وخليها تزيد تخمر وبعدها مسحيها بالبيض ورشيها بالسانوج والجلجلان ودحليها طيب
وندخلها للفور سخون مسبقا بدرجة عالية
نتامنى تجربوها لانو حقا رااائع وفي انتضار تطبيقاتكم لتشجيع والاستمراار
تم تدوين الوصفة ربي يعطيك ما تتمناي
