تفضلوا هذه التارت بالكيوي وكريمة البيستاش
جينواز
5بياض نطلعو مع رشة ملح من بعد نضيف 125غ سكر ونضرب ومن بعد نزيد 5 صفار ونضرب نضيف بشور البرتقال ولون غذائي اخضر ومركز البيستاش ثم نضيف بالسباتيل الفرينة (125غ) والخميرة الكيميائية المغربلين مرتين
ثم الى الفرن المسخن مسبقا 200 درجة
نضع البلاتو تعنا مدة 5 دقائق ثم نقص الى 180 درجة ونتركه يكمل طيابه.
كريمة البيستاش
استعملت فانواز جاهزة سريعة و بنينة التفاصيل موجودة على الساشي
نضع الجينواز بعد ما نقصوها على 2 بالعرض في مول كيما هذا ونشربوها بالشاربات مليح مليح
نشرب ونعاود مهم جدا باه تكون طرية وتبقى مبلولة وما تجي شايحة
الشاربات
2كاس سكر مع 2 كاس ماء تغلي مدة 10 دقائق
نصفف الكيوي على جنب ونضع الكريمة تعنا
نضيف الطبقة الثانية من الجينواز ونشربوها كيما الاولى
المراة
من فوق على الوجه سخنت شوية جولي ومعاه شرائح الكيوي ومن بعد رحيته مش بزاف باه يبقى الكيوي يبان حتى من فوق
نتركها تبات افضل باه تحكم مليح ونحي المول وبالهناء
جاتك هايلة
تهبل تهبل بصحتكم