تارتولات الفراولة هشة وبنينة
بسم الله
مقادير العجينة
250 غ فرينة
125 غ مارغرين باردة ومقطع الى قطع صغيرة
2 م ك معمرين سكر قلاص
2 م ك زيت
2 م ك حليب
فاني
صفار بيضة
نخلط الفرينة و الفاني مع الزبدة ونحاول ندخل الزبدة مليح في الفرينة حتى تتطمن الفرينة
نخدمها غير باطراف الاصابع
ثم نضيف السكر ونخلط ثم الزيت والحليب وصفار البيضة ونلم العجينة دون عجنها
نستعمل العجينة مباشرة لا تحتاج وقت لترتاح
نفتح العجينة ونبسطها في لي مول تاع لي تارتولات يكون مدهونين بالزبدة ومرشوشين بالفرينة
نثقبها بالفرشيطة وندخلها في فرن مسخن مسبقا ونخليها تطيب
مانخليهاش تحمار بزاف
نخليها تبرد وفي هاذي الاثناء نحضر الكريمة
مقادير الكريمة
وهي كريمة باتيسيير
نصف لتر حليب
125غ سكر
50 غ مايزينة
حبة بيض
مستخلص الفراولة سائل
حبات فراولة
في الميكسور ندير حبات فراولة و3على4 كمية الحليب ونميكسي مليح
نفرغو في كسرونة ونضيف باقي المكونات ماعدا المايزينة
نحطو الخليط فوق النار
ونذوبو المايزينة في كمية الحليب المتبقية يكون بارد
وكي يسخن الخليط نضيفولو المايزينة المذوبة ونخلط حتى يثقال الخليط
انحوه من النار ونخلوه يبرد شوية
ونعمر لي تارتولات تاوعي
ونزين حسب الرغبة
بحبات فراولة وشوية شونتيي
وصحة وعافية
تقبل الله منا ومنكم صالح الاعمال
تسلم الايادي
الله على الالوان يعطيك الصحة تشهي
