اللحم الراس على طريقتي المغربية 2024.

سلام حبيباتي اليوم جبت ليكم وصفة رائعة حنا في المغرب نقول ليه اللحم الراس ماشي البوزلوف كيجي رائع خليكم مع الصور

في الكوكوط حطي الزيت والسمن 2حبات البصل مقطع شرائح والثوم مطحون وخليه يتقلى شوية مع التحريك ضيفي 2طماطم محكوكين ومغرف كونستري مع التحريك دائما ضيفي التوابل الملح الحرور الفلفل احمر عود قرفة الخرقوم ومغرف صغيرة سكر وربطة معدنوس وقسبر وحركي وحطي البوزلوف مقطع وحركي وخليه يتقلى شوية ضيفي الحمص والماء وسدي على الكوكوط وخليه يطيب
لما تحسي بلي طاب ضيفي الزبيب منقي ومنقوع في الماء سخون وشوفي الا خصو الماء زيدي وسدي عليه الكوكوط وخليه يزيد يطيب حتى يعقد
شهية طيبة

مشكورة يالحبيبة لمرورك
لا حنا منغلوش البزلوف كنشوطوه ونغسلوه مليح الطريقة معروفة
والا بغينا نحيو ليه العظام هداك لي نغلوه نتمنى تكوني فهمتيني

اممممممممممممم يا لولو حرام عليك شهيتيني والله توالمي تحلي مطعم
بصحتكم حنونة والله لايحرمنا من وصفاتك

ههههههههههههههههههههههه ضحكتني رواحي نعملو شراكة انا وانت
اسعدني مرورك وربي مايحرمني منكم

ااااااااااه راكي طليتي علينا بهاد الطبق الرااااااائع مع راه قرب العيد يااااااااااسلام شهيتيني راه نمةت على البوزلوف خاصة من ايديك العزااااااااااز يا لعزيزة

أممممممممممممم شهيتيني يعطيك الصحة