اخواتي الكريمات نقدم لكم انواع من الحشوات اللي تحطوها في داخل عجينة pate feuillete
هذه حشوات رائعة وبنينة بزاف اللي تحب التنويع وتقدم كمقبلات او مكملات مع الشوربة
اولا تحظري عجينة pate feuillete من قبل واللي ماتعررفش الطريقة نكتبهلها المهم انا نشريها واجدة من السوبر ماركت هنا في المانيا للامانة ولكن اللي تعملها في البيت انا نقترح عليها انها كي تكمل تحضرها تحلها بالحلال وتقطعها مستطيل حوالي 6 سنتيم العرض و10 سنتيم الطول وتحطي اول قطعة في علبة بلاستيك وتحطي فوقها ورق البلاستيك او ورق الزبدة باش ماتلصقش فوق بعضها بعض حتي تكملي الطبقات ويكون بينهم البلاستيك او الورق ان شاء الله تكونوا فهمتوا وتخبيها في المونجيلاتور وتجبدها وقت الاستعمال
بالنسبة للحشو في انواع كثيرة وانا دائما نقدمها مع الشوربات واصبحت انفضلها علي البوراك وحتي من غير رمضان
الحشوة الاولي
ربطة سلق تحضريها وتغليها وتقطريها
جبنة فتا اواي نوع من الجبنة اللي تكون مالحة مثلا جبنة الماعز الخ
بصلة صغيرة جدا
ملح + فلفل+ زيت + جوزة الطيب
صفار بيض
التحضير
في مقلاة ضعي البصل قليه مع شوية زيت ثو ضيفي السلق والبهارات والملح يكون قليل ثم ضيفي في الاخير الجبنة المالحة ومالازمش يكون فيه مرق
ضعي ورق الزبدة في الصينية ثم ضعي مستطيلات او مربعات من عجينة مورقة ثم ضعي الخليط اللي حضرتيه وسكريها وثبتي اطراف العجينة بالفرشيطة باش ما تتحلش
ثم اخيرا ادهني العجينة بصفار البيض ودخليها في الفرن الساخن طيب وقدميها مع الشوربة
هناك انواع حشوات
مثلا هاذي انا نقدمها مع شوربة السمك المرحية
وهي سمك السلمون
الطريقة
قطع من سمك السلمون
poireau
بصلة صغيرة
ملح +فلفل +زيت
الطريقة
في مقلاه قلي البصل + البواغو المقطع دوائر+ ملح + فلفل من غير ماء
ضعي مربعات او مستطيلات العجينة في الصينية المدهونه او فوق ورق الزبدة
ثم ضعي حشوة البوارو ثم ضعي فوقها سمك السلمون طبعا يكون متبل بالملح والفلفل ثم سكريها جيدا و دهنيها بالبيض وطيبيها في درجة الفرن المتوسطة تطلع طيبة جدا
الطرق الثانية راح نكتبها بعد شوية لاني تعبت
يعطيك الصحة
