املا اليوم دخلت نزوركم و قلت مانخرجش و يديا فرغين
و كيما عودتكم بوصفاتي البسيطة جبتلكم حلوى هايلة منظرا و ذوقا بلا مانطول عليكم اليكم طريقة عمل الحلوى الرخامية هي وصفة لقيتها في منتدى و جربتها و راهي تعطي كمية كبيرة
اليكم المقادير
4بيضات
كاس سكر
كاس( نصف زيت ونصف زبدة ذائبة)
100غ نشاء
2خميرة كيميائية
1فاني
2ملاعق كبار كاكاو
فرينة.
للتزيين:شكولة بيضاء حوالي 250 الى300 غ
الطريقة:
بالخلاط الكهربائي نخلط البيض والسكر جيدا حتى نحس بلي السكر داب مليح
ثم نضيف خليط الزيت والزبدة ونحرك
ثم نضيف النشاء والخميرة
ثم نقسم الخليط الى قسمين متساويين الاول نضيفلولفاني والفرينة حتى نتحصل على عجينة
والقسم الثاني نضيفلو الكاكاو والفرينة حتى نتحصل على عجينة ايضا.
نبسط العجينة البيضاء والبنية كل واحدة على حدى ونستعمل النايلون او ورق المنيوم لتسهيل العمل
ثم نضع العجينة البنية فوق البيضاء
ثم نثني العجينة على اتنان ثم نثنيها على اربعة مثل الورقة
ثم نبسطها بالحلال على شكل مستطيل ثم نعيد ثنيها للمرة الثانية على اثنان ثم على اربعة ونبسطها ثم نضعها في صينية او بلا نتاع الفرن(انا عملتها في بلا نتاع الفرن مربع الشكل الطول 35/35 سم) تحت درجة حرارة 160درجة لمدة 25دقيقة.
عند نضجه نتركه يبرد تماما ونزينه بالشكولة البيضاء بعدما دوبتيها و نلون كمية منها بالكاكاو او نستعمل شوكولا سوداء و نزين بخطوط كماهو موضح في الصورة.
ثم نقطعها مربعات او مقروضات وهذا شكلها النهائي
تعطيك حوالي 36 قطعة
سؤال برك من فضلك
كقلتي نثني العجينة يعني بعد منحط العجينة البنية فوق البيضاء نطويهم في زوج ومن بعد نزيد نعاود نطويهم على ربعة
هك ولا راني غالطة
عودة سريعة ان شاء الله
تسلمي لكل مجهوداتك
و رااااااااائع
الله يعطيك الف عافية
راكي كل خطرة تفاجئيتا و تفيدينا
فشكككرا يا شطورة
