البروكلي من الخضر المفيدة والصحية الا انه فئة كبيرة لا تحب اكله
اليكم طريقتي في تحضيره
ان شاء الله راح تحبوها
وتخليو الي يكرها ياكلها
*تحضير الشجيرات
البروكلو بعد ما يتنظف تحت حنفية الماء (هام جدا للتخلص من الاتربة وما قد يحتويه)
نحط يغلي في ماء/ توابل+ملح حتان يطيب
لازم يبقى حاكم روحو
نحط يسقطر في كسكاس
نحضر الخليط التالي
بيض+شوية حليب+معدنوس مقصوص+توابل(فلفل اسود فلفل عكري حار وحلو تابل وكروية الفاح تونسي)+ملح +شوية فرينة نتحصل على مزيج متوسط لاهو خاثر ولا سائل كثير (مثل
عجينة الكريب تقريبا) نضع كل شجيرة بروكلو في هدا الخليط ونبدى نقلي فيه يحمار من كل الجوانب
نكمل الكمية الي عندي.
(ممكن يؤكل مباشرة بلا صوص)
*الصوص
نحضر صوص حمراء زيت+بصل+ثوم+لحم مفروم+فطر(اختياري)+طماطم مصبرة +ملح وتوابل (نفسها)+معدنوس+زيتون اخضر مغلى قبلا ونخليها حتان يطيب اللحم وتخثار شوية الصوص.
نجيب الشجيرات تع البروكلو المقليين ونقصهم على النصف واحيانا على اربعة ان كانت كبيرة
ونصففهم في بلاتو تع فور بحيث تكون الجهة الي من الداخل (تع البروكلي) نضعها هي الملامسة لسطح البلاتو وهكدامن بعد نجيب فرشاة ونضغط عليهم شوية مايبقاش عندهم تضاريس الكل على مستوى واحد
نجيب الصوص تاعي ونضيفلها البيض المخفوق وشوية حليب ونحرك ثم نصبها من فوق البروكلو حتان تغطيه
نضع فوقها المعدنوس المفروم والزيتون الاخضر او حتى الاسود المقصوص والفطر.
اضعها في الفرن وقبل اخراجها نرابيلها الجبن ونرجها شوية للفرن
شكلها راح يجي يشبه البيتزا وهو منظر خداع لكارهي البروكلو
ممكن نعمل كامفلاج للبروكلي للناس الي مايحبوهش خاصة الاطفال
نقليو البطاطا دوائر ونصففوها في بلاتو من بعد نحط فوقها البروكلي ثم البطاطا ثم الصوص
يعني بروكلي وسط طبقتين من البطاطا
هكدا
شهية طيبة
مام الدوق نتعو عرفتي يهبل
شكرا ليك اخيتي
يعيطك الصحة على الوصفتين الرائعتين
ربي يحفظك أختى الغالية
merci bcp
انا من الاشخاص لي مايحبوش البرولكلي
لكن راح نجربها بربي انشاء الله
**تسلم اييييييييييييييدك **
تبان تشهي مع اني منحبش البروكلي
مي شجعتيني باش نجربها
يعطيك الصحة
