الارز بالشعرية ولا اطعم 2024.

اخواتى وبناتى عضوات وزائرات منتدانا الحبيب

انا النهاردة جبت لكن اليوم طريقة عمل الارز بس بطريقتى الخاصة

وهقولكن السر بتاعى وان شاء الله تعجبكن

انا بقى لما بحمر الشعرية بحط فصين توم ومعلقة زيت بس بيخلى طعمه رووووووووووووووعة

اقولكن على

المقادير
4 كوب ارز
2 كوب شعرية
سمن ومعلقة زيت
ملح

شوربة

الطريقة

نضع الزيت والسمنة فى الحلة ونضعهم على النار

ثم نضع الشعرية ومعاها فصين التوم ونتركهم يتحمروا

وعند احمرارهم نضع الارز المغسول على الشعرية ونقلبهم كويس

ثم نضع الشوربة المغلية على الارز بالشعرية لغاية ما يغطى المقدار

ثم نضيف الملح عليهم ونترك الارز حتى يتشرب الشوربة او الماء

ثم نهدى النار حتى يستوى الارز

ثم نغرف الارز فى الاطباق
وبالف هنا وشفا
وده لاول رد

مع تحياتى
ام حمادة