حبيت ندير قاطو النيسلي و عندي هاد الوصفة نتاع لا بات
250 غ زبدة la belle
100 غ زبدة ستار
2 بيض
لا فاني + كأس سكر + فرينة + خميرة الحلوى
استفساري نقدر نخدم بأي مارغرين ولا لازم هاد الوصفة و لي عندها الوصفة الصحيحة تفيدني اخواتي
في انتظار ردودكم يا الغاليات
ان شاء الله لبنات يقدرو يفيدوك
250غ زبدة 200غ سكر قلاص 2 صفار بيض 2 بيض كاملة 1م ص خميرة كيميائية 1 م ص فانيلا فرينة حسب الحاجة
ان شاء الله نكون افدتك
عملت اليوم هده الحلوي وحبيت نوريلكم طريقتي السهلة في عملها وان شاء الله تعجبكم
رطل فرينة نبسسوه ب250غ مرغرين لابال
نخلط ربع كاس سكر ارطب مع ربع كاس ماء زهر
بعد ما نبسس الفرينة بالمرغرين نلمها بالماء زهر اللي مخلط بالسكر
تصبح عندك هده العجينة للحلوي انا قسمتها وعملت ملعقة كاكاو في نصفها
بعد ما ترتاح العجينة شويه نشكلوها في المول بهدا الشكل وندخلوها للفرن
علي درجة حراره 180ولازم تبقي محافظه علي لونها
بعد ما تطيب نخلوها تبرد ونحط في كل حبة ملعقة صغيرة حليب نستلي كرملزي
ثم ندوب الشكولا ونغطي بها الحليب وهدا شكلها
التزيين الموجود عندك ممكن مكسرات او حلوي المهم كل وحدة كيما تحب
شوفو الحبة الفوقانية عملت العجين نصف ابيض ونصف ملون
وهده كمية قليله من الشكولا البيضاء لونتها وجربت بها هده الوصفة
جربو الحلوي
انها سهلة ولديدة جدااااااااااااااااا
ملاحظة هده العجينة تصلح للمملحات
نحي السكر وماء الزهر وملحيها ولميها بالماء البارد فقط
عمري بشوية نيسلي كاراميليزي و تقدري تديري فوقو شوة شوكولا نوتيلا و تزيني الحبة بجوزة
استعملت عجينة الصابلي الي مالفة نديرها عادي
250غ مارغرين
+
كاس سكر ناعم منخول
+
بيضتين
+
فانيليا
+
كاس نشاء منخول
+
م ص خميرة كيميائية ونلم بالفرينة المنخولة
القاطو مليح بزززاف
بالتوفيق
