اولا تحضير العجينة المورقة المكسرة: 1كلغ فرينة+12غ ملح+800غ زبدة التوريق مقطعة قطع
تجمعي العجينة بنصف لتر ماء بحيث تخلي الزبدة تقعد قطع فلعجينة يعني تلمي طول بلاما تحكي الزبدة فلعجينة لميها وخليها ترتاح 10د.
مبعد حليها بالطول
واطوي وديري دورة عادية
تعاودي هذي العملية3 مرات يعني ديري 3 دورات عادية بلاما ترتاح العجينة بين الطبقات تتحصلي على العجينة المورقة المكسرة
تقسميها الى2 تحلي القسم الاول وديريه في مول مربع وثقبيه
ودخليها تطيب حتى تحمار يعني كيما نطيبوا لملفاي
وعاودي طيبي القسم الثاني من العجينة بنفس الطريقة
تحضير البسكوي: 6 بيضات+فاني نخبط حتى يطلع ونبدا نزيد السكر 150غ سكر تدريجيا ونخبط حتى نكمل السكر وينتفخ خليط البيض بواسطة ملعقة نضيف 150غ فرينة وربع كيس او نصف ملعقة صغيرة خمارة ونخلك بشوي ملتحت للفوق باش نحافظ على الهواء ندير الخليط في مول البسكوي مفرش بورق الطبخ
وندخلوه يطيب في فرن ساخن200درجة لمدة5الى10د فقط ونخرجوه
نح الورق ونخليه جانيا
تحضير كريمة الزبدة:250غ زبدة طرية+250غ سكر قلاسي+2 مغارف زيت+بيضة +فاني ونخبط بالباتور حتى تولي كريمة
تحضير صوص قناش:باطة شكولا تاع la pate a glacer+نص كاس حليب+100غ زبدة ذوبيهم مع بعض.
مراحل القاطو كلها جاهزة نبدا بالمونتاج: ندير طبقة من العجينة المورقة المكسرة وندير فوقها طبقة خفيفة من كريمة الزبدة
ثم قطعي البسكوي على قد العجينة وحطيه فوق طبقة القاطو الاولى
ثم ندير طبقة خفيفة من لكريم
ثم ندير طبقة من العجينة المورقة المكسرة
ثم نغطي كامل الوجه بالشكولا
ونخليها تجمد ونقطع مستطيلات كيما لملفاي
اتمنى تعجبكم وتجربوها
انا لبقايا لنحيتهم ملبسكوي درت بيهم
les truffes
بقايا البسكوي فتتهم ولميتهم بالمعجون مبعد كورتهم وغطستهم فشكولا وزوقت بالمكسرات وشكولا بيضاء
ملاحظة: هذي العجينة المورقة المكسرة تجي مورقة تشبه للعجينة المورقة تقدري ديري بيها ملفاي او لكيش لتارت لتورت ولكوكا………. وهذا الكمية تجي بزاف لجرب يدير نصف الكمية
قلاساج شكولا عادي درت شكولا مغرف زيت صغيرة وشوي حليب ومغرف صغيرة كاكاو وذوبتهم على حمام مائي
