· طراف دجاج+ حبات باذنجان (ذو القمع المقوس)+ ملعقة سمن+ زيت+ حبة بصل+ سنة ثوم+ معدنوس+ كروية+ فلفل أسود+ ملح+ حبات بصل
خيري الباتنجال اللي القمع تاعو (الجزء الأخضر) مقوس يكون حلو
أما القمع الطويل يجي مر
أول حاجة أنا نديرها هي نقطع الباتنجال كل حبة إلى دوائر عريضة و نملحها جيدا و نتركها في كسكاس مدة ساعة في الملح باش تطلق المرارة تاعها و ماتديش بزاف زيت فالقليان
و مبعد لازم تغسليه مليح و تنشفيه
نقلي الدجاج مع حبة بصل مقطعة رقيقة مع سنة ثوم مرابية في شوية زيت و سمن
نضيفلها التوابل: الملح، الفلفل، الكروية و شطبة زعيترة و نخليها تتقلى مليح
نمرقها بشوية ماء، نحطلها الحميصة و نخليها تطيب
في هاد الوقت، نقطع كل دائرة باتنجان على 2 و نقوم بقليه في زيت سخونة
قطعي حبات بصل دوائر رقيقة واقليهم على نار هادية حتى يذبالو و يدو اللون المعسل
.كي تطيب الحميصة و تتلبى (تعقد) المرقة نضيفلها الباتنجال و البصل واحد خمس دقائق برك
وقبل ما نطفي نعصر عليه شوية قارص او خل مع الكمون و الا تحبي الثوم زيدي سنة ثم اطفئي
البَاذِنْجَان أو الدنجال أو البيضنجان أو الأَنَبُ أو الحَدَق أو الحَنْدَقُوق أو الحَيْصَلُ أو القَهْقَب أو الكَهْكَب أو الكَهْكَم أو المَغْد
أكدت الأبحاث الطبية أن الباذنجان مفيد للصحة وخصوصاً في علاج تصلب الشرايين والوقاية منه،
ويمكن تناوله مطبوخاً مع الطعام أو على شكل مخللات أو مقبلات. ويساهم الباذنجان
في الوقاية من السمنة أو إزالة السمنة ، لأنه منخفض السعرات الحرارية، فكل المائة
جرام منه تحتوي على 29 سعرة حرارية. كما يعيق الباذنجان انتقال الكوليسترول
من المعدة إلى الشرايين، ويخفض من نسبة الدهون. كذلك يحتوي الباذنجان على نسبة عالية من المواد المكافحة للسرطان
awalan lah ykhalik ukhti um mundir w chukran liki ki mansitinich w rabi yahfadlak awladak w ychafihumlak rana ga3 kifkif hada wa9t la gripe lah ykhalik afadetni nchalah 3an 9arib tchufi tatbi9 jazak alah alaf khayr yal ghalya
اممم فكرتني بهدي الاكلة حبيبتي ام منذر طريقتي كيما طريقتك يعني لا زيادة و لا نقصان فقط انا بدل الدجاج نعمل اللحم وعند التقديم نضيف لطبق بطاطا مقلية
ربي يحفظك و يخليك لينا
روعة ام منذر اليوم الصباح شفتلك طريقة تاع طبق عملتيه شكشوكة بالبذنجال مشو وطماطم مشوية ووووو
جربتو على الفطور وخرجلي رووعة يعطيكـالصحة
بصحتكم حبيبتي
و شكرا على الشهادة التي اعتز بها و على مرورك الطيب
بارك الله فيك