ان شاء الله الكل بخير وعافية
للعشاء جبتلكم gratin de purée
خفيف وبنين
المقادير
بصلة ثوم حبة زرودية فلفل اكحل توابل مشكلين حسب الرغبة
شوي زبدة لحم مفروم وبطاطا جبن مبشور وجبن قطع
نرابي الزرودية والبصلة ونقلوهم في شوي زيت وزبدة ملح فلفل اكحل وتوابل
وكي يذبالو مليح نزيدو لافيونداشي ونخلوها تتقلي وطيب على نار خفيفة
نطيبو البطاطا مشرشمة في الماء والملح
نقشروها ونهرسوها ونزيدوها قطعة جبن من اي نوع
وشوي حليب المهم تبقى ثقيلة وماترجعش جارية
نوجدو لبلا الي نطيبو فيه
ندهنوه بشوي زبدة ونرشو عليه شابلير
ونحطو عليه طبقة بطاطا في الصورة تبان من تالي نسيت نصورها
وهذيك لافيونداشي تاعنا مقلية مليح
من بعد طبقة تاع اللحم المرحي
وطبقة اخرى تاع بطاطا
واخيرا الفرماج رابي
وندخلوها للكوشا طيبلنا مليح حتى تتحمر
وهذا شكلها
من الداخل اللحم يبان في وسطها
وهذي لابار تاع اول وحدة ترد
زوووم عليها
ان شاء الله تعجبكم
بالصحة على كل من راح يجربها
دمتن بود
وترقبوا جديدي قريبا بحول الله تعالى
وصفة فعلاً تستحق التجربة
الله يقويكِ
موالفى نديرها بصح من يديك اشهى ههه