الوسم: النصح

اريد ان اطلب منكن النصح و المشاورة ربما عرفتوني من مواضيعي السابقة، فاليوم جئت لكم بعدما عملت بنصائحكم السابقة، إلا انني هذه المرة اطلب ان اتشاور معكم و لست بالشاكية.
زوجة اخي التي حدثتكم عنها انجبت هذا اليوم مولود جديد، غير ان اخي طلب من والدتي ان تأتي و تبقى عندنا ايام.
الا ان امي مريضة و زوجته تكرهني لدرجة لما سمعتها تتكلم عني تفاجأت، و كلامها عني بطريقة جعلتها تصغر من عيني، غير ان زوجي لما سمع بأنها انجبت طلب مني الذهاب و الاطمئنان عنها،و اخذني رأيتها ألا انها من كرهها لي لم تستطع حتى النظر في، لكن كما قال لي زوجي انت فعلت الواجب و شجعني على ذلك.
اما كلامها فضرب في الصميم، فهذه الايام كنت اجري لأدفع ملف للمشاركة في مسابقة للبحث عن العمل.
يعني اخرج من الصباح و بسبب الجماهير سجلت في المساء، و وصلت الى البيت في المغرب بسبب وسائل النقل و بعد منزلنا.
الا انها كما سمعتها تتحدث و عن غير قصد تقول لامها خرجت الصباح و جات المغرب منعرف وين راحت تهوم، و ثاني "بنتهم عينها طايرة خايفت منها" مع اني و الله العلي العظيم جامي و لا مرة تعاركت معاها و لا مرة.
و زيد و زيد…………….
المهم سؤالي هل غدا لما تجي لدارنا نخدم عليها و لا انا ثاني ندير النيف و كاس ماء ما تشوفوش مني.

مع ان زوجي قالي ديري الواجب على وجه خوك ، و يما قاتلي لا يا ربي متخدمي علينا احنا، هي ماتحبنا و ما تشوف فينا و علاه، تروح لاهلها و هوما يدبرو روسهم.
قولولي و انا احترم بزاف رأيكم .نخدم و لا لا
مع العلم يما قبل خدمنا عليها و وقفنا معاها كي جابت الاول، و يما على جال وليدها دير المحال
دبرو عليا؟؟؟؟؟؟؟[/S

حبيبتي أنت عاملي الله عزوجل اعلم مش سهلة لكن تذكري أن الله يحب المحسنين وخاصة
من يحسن لمن أساء إليه ويعفو عنه وينفق عمن منعه وويصل من قطعه أختي الحبيبة فكوني راقية بخلقك ولاتلتفي
لمن لاهم لهم إلا الاساءة والانتقام ومادمت بصحة وعافية اعملي الخير قدر الامكان لوجه الله تعالى وتذكري أن وعد الله حق ولن يضيع أجر من أحسن عملا وجاهدي نفسك وسيعينك الله تأكدي وفي يوم من الأيام سيفتح الله عليك بمن يخدمك وأنت نفساء او ضعيفة جزاء بما صبرت واحتسبت

مشكورة اختي كلامك نفسه سمعته من زوجي، دائما كانت هذه معاملتي لمن يكرهني، و تأكدي اني في 23 سنة و كرهني البعض بسبب نجاخي في الدراسة و بسبب زوجي إلا ان الحمد لله ربي لم يخيبني و لا مرة بل بالعكس هم يسقطون و ان اكون كل مرة راضية عن نفسي و الحمد لله.
مشكورة اختي و جزاك الله خيرا

اخدمي لوجه ربي صدقة ديري الواجب لي يلزم وسكري وذنيك ايام ويفوتو

انا راي من راي الاخوات انت اخدمي لوجه الله
وحصلى الاجر فيها هكدا باش ما تكسبيش العيب من جيهتها هى كلها ايامات وتعدى

أختي الكريمة إن فعلتي ذلك فلوجه الله تعالى وليس لأجلها ثم بعد الله فهو إكرام لأخيك ….ومن ناحية أخرى فهي نفساء وخدمتها فيها اجر وثواب كبير فلا تحرمي نفسك هذا الثواب….إجعلي كل عملك لله تعالى وتجنبي الصدام مع كلماتها بل ابتسمي دائما فكلها أيام وستمر …..زيدي على ذلك أخيتي إن أحسنت لها قد تغير من معاملتك فلا يقهر الشر الا الخير فكوني فاعلة للخير ….وفقك الله ورزقك وظيفة محترمة

ياأختي اخدميها وخليها بينها وبين مولاها وانا نقلك والله لي يخدم بنيتوا ولوجه الله ربي مايخيبوا وتتحل في وجهوا البيبان الكل ومرت خوك تندم عليك سالي مجرب انا عدات علي خدمت بنيتي وسمعت بودنيا ورميت ورا ظهري ربي حلهالي في وجهي وليت احسد على ما انا فيه وجامي قلبك يكحال على بشر وكلي امرك لربي برك وانت تشوفي بعينك

أنا نقول إخدمي لوجه الله أولا وقدر في خوك ثانية
ولكن إخدمي الواجب فقط وماتزديش عليه يعني قهوة فطور عشاء ..اللازم وخلاص
وحاولي ما تتعاطيش معاها بالكلام خليه محدود باش ما تجركش للمشاكل خلي كلامك معها في ما تؤدينه من اللازم
معها
والله المستعان على مثل هاذو العباد

بديت نكره النسا من فعايلهم اخدميها على وجه ربي وما تهبطيش نيفوك ليها

مشكورين خواتاتي،انا ندير لي علي و كيما قلتولي نوكل عليها ربي و يجيها النهار و تندم.
وليدها راهو معايا البارح بات مع يما و درك راهو معايا يلعب، منيرة ارواحي منيرة ديري منيرة اجري.
براءة روعة المهم انا درك نروح نوجدلها الحوايج و الله المستعان.
جزاكن الله خيرا و نعم الصداقة معكن

السلام عليكم أخواتي في الله و الله انا عضوة جديدة بالمنتدى و لكن بعد تصفحي لعدة صفحات إرتأيت أن أطرح حيرتي أنا أيضا هنا علني أجد من يدلني على الطريق الصحيح بإذن الله.
مشكلتي ربما هي عويصة بالنسبة لي،بل عويصة جدا فأنا لم استطع أن أتخذ قرار ا يتعلق بحياتي،
أنا و الحمد لله فتاة عاملة و خلوقة و الحمد لله و الكل يشهد لي بهذا،لم أقم علاقات من قبل و أنا ضد هته الفكرة،المهم أثناء تأديتي لمهامي كان لزاما علي أن أستشير من هم اكثر مني خبرة في العمل فتعرفت على إمراة و شاب و هما ليسا من نفس ولايتي،صراحة لقد أعجبت بهذا الشاب و خاصة و أن هته المرأة كانت تمدحه كثيرا من خلال تعاملاته و لكنني لا أحدثها في الأمور الخاصة بعد فترة من تعاملنا أحسست بأنه هو ايضا معجب بي و يود خطبتي من خلال كلامه و انتظرته أن يصرح لي بهذا و لكنه لم يتصل و لم يتفوه بكلمة و بدأ يتهرب مني،حينها رضيت بقسمي و قلت عل فيها خير و أنا ما نرخص روحي لحتى واحد و مانيش حابة ندخل معاه في علاقة،بعدها مباشرة إلتقيت بشخص أخر صدفة و كنت أعرفه من قبل أي أعرفه كشخص فقط و لكن لم نكن نتكلم ابدا و كان معجب بي أشد الإعجاب و لكنه لم يحدثني في هذا إطلاقا صراحة،في حين عندما رأني في المرة الأخيرة صارحني بانه ينوي خطبتي و بانه جاد و ينتظر إشارة مني حتى يتقدم لأهلي وهنا دخلت في دوامة عميقة،إستخرت الله كثيييييييييييييرا فأنا لم اكن أطيقه من قبل لكني بدأت أتقبل الأمر لأنه شاب فيه كل المواصفات التي أبحث عنها و لكن المشكلة تكمن في شيئين،الأول أنني لم أنسى كثيرا الشخص الأول و أود الإرتباط به و قد هتف لي بعد مدة من الزمن و لكن لم اعطه فرصة و قطعت إتصاله في حين كنت أتقطع من الداخل و السبب الثاني أنه هذا الشخص الثاني من ولاية أخرى أهلي لا يحبونها و أيضا شكله لا يعجبني كثيرا،بإختصار و أعذروني على الإطالة لازلت معجبة بالأول في حين كرامتي لا تسمح لي بالإتصال به و لم أستطع أن أقتنع بالثاني تماما في حين هو فيه مواصفات ربما لن أجدها في غيره،فماذا أفعل هل أقبل به؟؟؟؟؟؟؟؟؟؟؟؟؟؟؟؟؟

أمين يا رب و الله حبيت برك نوضح حاجة للأخت الأولى،الشخص الثاني أخلاقه عالية و حتى لدك و الحمد لله ما نعرف عليه غير الخير و الله أعلم،اما بالنسبة للأخت الثانية فهذا ما يحدث معي تمااااااااااما

اختي الزواج ليس حذاء عجبك شريتيه ولبستيه…….و غدا معجبكش…..او…..او….او……

ترميه وتشري مثله او احسن منه……

الزواج هو يشريك…….واذا كنتوفاهمة وواعية راح تتقبلي كلامي وتأخذينه بعين الإعتبار…

شكراااا

okhti ida kanet lwalda ta3ek metfahma w matkhafich t3arkek walla dirlek machakel a7kilha w khaliha hia eli tchour 3lik
w rabi yketeblek eli fih elkhir nchallah

شكرا لكن

حوسي لي فيه خير ربي يعني لي يحترمك و يقدرك ويخاف ربي فيك و الحب يجي بعد الزواج مانقولك الأول ما نقولك الثاني وممكن يجيك الثالث استخيري الله هو أدرى بالأمور كيما هذي وربي ينورلك طريقك

يا أختي أنا رايي من راي نور الهدى لأنو الدنيا ما فيهاش غير الأول و الثاني و لو كانت أخلاقه عالية يا ختي الصحابيات وكانو يرفضو بعض الصحابة رغم أنهم صحابة لأنو لم يؤدم بينهما فأمرك فيه سعة و بالنالي ما كان لاه تضيقي على روحك و تضغطي أعصابك

يخواتاتي دوك نحكيلكم قصتي و نتمنى منكم تجاوبوني انا تزوجت عام لي فات راجلي كان هايل معاي محترمني مقدرني يجيبلي حقي و يعرف يميز مليح سكون لي راهو يضلم المهم باش نلحق لحكاية بدات قبل سابع تع بنتي باش نوجدولو انا شفتهم كيفاش يشريو يصرفو فووووق لازم و ميجيبوش حاجة بطبع مالا انا لي شريت كي جاو لقاوني قديت كلش خالت راجلي بدات تتامر علي في سبوع بنتي هي لي فيكسات واش يندار قاتو و ماما هي لي دارتو كانت تجي تحل باب شمبرة حتى بلا مدقدق كي تهدر ندير و نعمل و نتصرف كيشغل انايا زيادة هادا قع و انا ساكتة لحق نهار اسابع رحت حفافة مشت و لبست كي خلاست الحفلة شتحت انا و راجلي و رحت للبيت نبدل حتى تدخل خالتو تجيب طببة و تسقسيها على حالت بنتي و انا واقفة تقولها قوليلي وا ندير لتفلة ترخست تمة كيشغل كانت تقولها يماها هش تهلية فيها و سكت غلقت باب بيتي و بدلت حتى يجي راجلي يعط علي في معلاباليش واش قالولو جا رخس بية بدا يقول يماك جات تديرلي فتنة و انتي درتي لقرون ????……………….امهم جازو يامات طلب مني سماح و رحت نجوز شي يامات في دارنا عيطتلو خالتو و عندها معمرت فيه شوف يماها واش راهي تقول لمعيشة مع يماك مهيش عاجبتها حالتك المادية مهيش عاجبتها تقول بلي تعتيلها فرنكات هي تستهل راجل خير منك يماها رخساتك عند عمتك ……………… هو امن كلش و عيتلي زعفان و يعيت هدر معاه بابا قالو نتلاقاو راحو هدرو قال شوف هادو نسا بين بعداهم يتقابلو و يتفاهمو و لي راهي تكذب تبان كي راح ليها بكاتلو و كذبوي و……….. اه سيد دار علي جا داني من دارنا حرمني من خدمتي بنتي حرمها من والدي متروحش ليهم ميجوش للدار انا ادا نشوفهم نروف فالكار ميوسلنيش ادا حبيت نشوف مالية لازم نشاور يماه هو مولا يقولي والو لا وين يروح لا معامن كان هدرتو معاي غير عياط معلابالوش بي خلاص ولا عايش مع يماه و ختو يتفاهمو بيناتهم اومبعد انا نسمع و نتبع واش ديسيداو رخسني قدام فاميلتو كامل كي نخرجو يقوم بيهم كامل غير انا حوايجو يديهم لختو تخبيهملو كوارتو ليماه مفاتحو لمرت خوه و انا واقفة قدامو انا و بنتي بعتنا في طونوبيلات اناس باش يركب ختو يماه و بنات خالتو معاه الغاشي كامل يحبتلهم حوايجهم غير انا كون نهدر يعيط و يبهدلني قدام قع الغاشي محملتش هاد العيشة هدرت مع خاوتو مع يماه مي حاجة متبدلت صبرت عليه بزاف محبش يستهدى كي سييت نهدر معاه بدى يسوغ و يتهدد راكي تقولي مرانيش نعاملك مليح دوك تشوفي منا لفوق كيفاش امالا و هدر هدر هدر حتى داقت بي عيت لبابا جا اني و هو فالدار دوك راني في شهرين محوسش ني علي لا على بنتو لا مصروف لا والو لا تليفون انا دوك تاح من عيني حسيتو واحد يديه كلام النسا و معلاباليش واش اندير دوكا انا موليتش نامنو لا على حياتي لا على بنتي و معلاباليش واش ندير ??????????????

اصبري أختي راهي عندك طفلة و لكن للصبر حدود راكي تقولي حبسني من الخدمة .حاولي ترجعي للخدمة نهار الي ترجعي للخدمة ماتحوسيش عليه
الللي فيها الخير ربي يجيبها,

شكرا على الرد ارجو من الاخوات ابداء رايهن و جزاكم الله خيرا انشاء الله

اختي علاش حبست خدمتك ؟؟؟؟؟؟؟؟

فاتو مواضيع و شخصيا نصحت الأخوات ما يخلوش خدمتهم و هادا أكبر برهان، الدنيا مافيهاش لامان، و كاين اللي يقولو ديري النية، واش من نية كي تلقاي روحك برا؟؟ لا مصروف لا والو……..المهم أختي أولا الحمد لله عندك والديك راهم واقفين معاك، ثانيا ارقي ليك و لدارك بلاك ربي يهديك و ديري القرآن، و حاولي تلقاي خدمة و هو إذا يولي و يصلح الأمور أوكي، إذا لالا انتي اخدمي على بنتك حتى ربي يفرج…

هو منعني نولي مور مولدت ديت متغنيتي maternite و بعد السابع تع بنتي قالك الخدمة مكاش هكده و درك راني في دارنا والدي يصرفو علي و على بنتي حبيت نحوس على خدمة بصح خفت ادا خرجت خدمت تدور علي لحكاية لي راجلي مانعني و انا ندير لي في راسي و تاني معلباليش الدين و القانون واش يقولو وله انا حشمت من والدي راكو تعرفو مصروف تاع حفاظ حليب 000000 وله معلابالي واش ندير لي عندها معلومات تفيدني ربي يجازيه

شوفي انت مازلت في رقبتو مهما كان ماتزيديش الطين بلة و تخرجي تخدمي برايك

و ماقولتينلش درك هو واش راه يدير؟؟ وخالة راجلك كيفاه حتى عندها هاد السلطة عليكم

غرفتك من حوايجك الشخصية مش اي واحد يدخل

حاولي تتصلي براجلك وتتفاهمي معاه مكانش لازم دخلي اي طرف ف الحكاية

كاينامثلة اكثر تعقيد بصح رجعو لديارهم و ثبتو وجودهم على جال ولادهم و تصير معاملة الزوج احسن

زوجك حس بعدم التقدير خاصة كي دخل باباك ف النص

نت حاولي تحسسيه بالعكس

أولا أختي كان الله في عونك ~ثانيا حاليا لا ترجعي للخدمة لأن هذا الرجوع راح يتحسب عليك لأنك مزلت في ذمة وأنا مع moonlight2016 ديري رقية في شي موش طبيعي إنقلاب عليك بهذا الشكل المريب إتصلي بيه قليلو بلي بنتك توحشاتك حنني قلبو ممكن يهديه ربي وحاولي تتفاهي معاه بلعقل متعطيهم فرصة يهدمولك حياتك وأنت تتفرجي حاربي على دارك وعلى زوجك بلاك راهم طيحين بيه عيطيلو يجيك وبالهدوء وبلا عياط وبلا ما يدخل واحد من داركم حطيلو بنتو في حضنو وقليلو بلا مانيتموها راهي تحتاجك أنت باباها أكثر من كل الناس وإن شاء الله يكون وقبل ما ديري كل هذا أكثريييييييييييي من الدععععععععععععععععاء والذكر والصلاة وأخلصي نية الصلح و إن شاء الله يا ربي نسمعو أخبار الخير اللهم أصلح لها زوجها و أبعد عنها الضٌلام وأولاد الحرام آمين

عندكم الحق و هدا سييتو نهار التطعيم ديالها عيتلو جا شافها شوية في قاعة الانتظار و راح درلها تطعيم وحدي و خرجت نخلص لقيتو برا مكلفش روحو حتى باش يخلص تطعيم تاع بنتو و علابالو معنديش دراهم سلامت بابا لي عطاني المهم غير خرجنا لبرا راح و محوسش انا زادت داقتلي كتر و كتر و باش نفهم مليح طلبت من خالي يهدر معاه ويشوف واش راهو ناوي تخيلو قالو انا منذلش روحي على جال بنتي تشوكيت وين لحقت بيه راكو تتخيلو فهمت انا و بنتو منسواو والو عندو
حبيت نسقسيكم واش معناها كي تلقاي الحنة تحت خزانة في بيتك كانت قبل مندخل لدارهم انا كتشفتها صدفة نهار حبيت نبدل ديكور تاع البيت كي حركت خزانة لقيتها ؟؟؟؟؟؟؟؟؟

قوي امانك بالله وتوكلي على الله وعيطلوا وقعدي معها وفكري بالعشرة اللي كانت بناتكم من قبل وقليلوا بلي لا زم تحلوا مشاكلكم دون تدخل أي طرف بنكم وتحاوروا على كل صغيرة وكبيرة جمعتكم وكانت السسب في المشاكل اللي بينكم و أساس الزواج يا أختي هو لغة الحوار بين الطرفين واكثري من الدعاء وصدق النية