يسم الله الرحمن الرحيم
السلام عليكن اخوات ويا امهات حبيت اسألكن عن
طلع النخيل اولا نقولكم باللي انا عندي 5 سنوات زواج ومزال ما ترزقتش بالاولاد جربت الخلطات ولا شيئ
والان اخت قالت لي طلع النخيل مليح واللي داوات بيه جابت الكرش .
حبيت نسقسيكم اذا كش وحدة من العضوات جربت ولا كش وحدة تعرفوها داوات بيه وجابت قولولي
وكيفاش نستعملو ووين نلقاه الله يجازيكم
كرهت من الخلطات والدواوات
شوفي اختي نقولك حاجة انا جربت تقريبا كلش كلش وربي مازال ماكتبلي نعمة الذراري لذا اختي ماتكسريش راسك راه كي يحين ويكتب المكتوب ربي يرزقك راه الدوا غير سبب من الاسباب
راني نقولك وراني وحدة عندها15سنة حرمان
ربي يسهلك اختي ويرزقنا ويرزق كل محرومة
المهم اخر شيء سمعت عليه من يومين فقط ان هناك زريعة الحارة هي هكاك اسمها موش بذور الفلفل لالا هي زريعة قهوية المهم قالو لي تاخذيها انت والراجل لمدة 40 يوم من غير انقطاع كل ليلة وصبح شوي بين اصابعك وتسفيها بالماء هكا زريعة موش مطحونة لانها صغيرة بزاف وملازمش تنسايها ولا يوم لانك اذا نستيها راح تبداي من اول وجديد هذا اخر شيء سمعتو ومزال ما بديتوش
ربي يرزق كل محرومة بالذرية الصالحة المعافاة
انا سمعت بحبوب طلع النخيل و صح بزاف نعرفهم جربوها و ربي فتح عليهم كاين 15 سنة و 5 سنين زواج
و لكن لا اعرف طريقة الاستعمال
ربي يرزق كل محرومة …
صح …كاين الي نفعهم طلح النخيل … و كاين ألي منفعمش …
تعملوا تحميلات مع العسل الحر …
جربي…ما عندك ما تخسري
السلام عليكم رانا في الهوا سو انا ثاني عندي 5سنين و جربت كل الدواوات تع الطبيب والطالب مخليت والو لي يقولولي عليها انديرها وطلع النخيل جربتو في العسل وفي التعراق انتاعي ومجابلي حتي نتيجة وهي كل وحدة وش يخرج عليها انتي جربيه مخسرتي
والو حتان وانا كرهت هذي الكلمة جربي الدوا هههههههههههه مليت الدوا
وربي يفتح علينا كامل ويرزقنا ربي بالتوام هكا نعوضو علي سنين لي فاتت هههههه كيما هذون
السلام عليكم علي حساب وش وصفتي وقيلة كليتهم مع العسل ايجو صغار وشعل ودجي لحبة انتاعها ملسة والله اعلم
نعرف وحدة تخدم معايا عندها خمس سنين وهي محرومة من الذرية و السبب كان في راجلها وقالولو لازم العملية وياخي نعرفو الرجال كي عاد السبة فيه تهاون ومرتو صابرة مسكينة واحد النهار راحت لواحد العيادة كبيرو وسمعت النسا يحكيو على واحد الطبيب وجابت الرقم تاعو و قالت لراجلها وماحبش بروح و الله تحكيلي قاتلي واحد الصباح ناض راجلي وحدو على الخمسة و قالها هيا نروح لطبيب و بالفعل راحو وكشف عليه هاد البروفيسور وقالو انت مش تاع عملية عطاه غير الدوا وقالهم بعد ثلاث اشهر ارجعو و المفاجئة انو رزقهم ربي و المرا راهي حامل و الله قاتلي راجلي اشرب الدوا غير شهر برك و ضرك عندها ثلاث اشهر بالحمل علبالي طولت عليكم المهم هاد الطبيب راهو في باتنة طريق بوغقال واحد العيادة كبيرة و اسمها عيادة الزهور و الطبيب اسمو رجب اللي تحب الرقم تاع الطبيب نسال عليه و نجيبو مكاين حتى مشكل و ربي يرزقكم ان شاء الله
اختي انا ثاني اربع سنين وراني داخلة في الخامس مازال ما رزقنيش ربي بي الذرية الصالحة طلع النخيل انا ثاني جربتو مع العسل والمكسرات وغذاء ملكات النحل قالتلي عليه حتي الطبيبة وكاين لي يديروه تحميلات مع العسل في وقت التبويض قبل الجماع بي نصف ساعة بصح انا هذي الطريقة ما جربتهاش نتمني تجربيها وتنفع معاك وربي يرزقنا اجمعين بي ونس الدنيا و قرة اعيننا
كي قريت مشاركتكم خياتي و الله طاحت دمعتي ما نقدر ندير وااااالو الا الدعاء ثم الدعاء ثم الدعاء ليكم و في كل صلاو
والله نوعدكم
يا اخت روسيكادة جيبيلنا الرقم تاع الطبيب ادا امكن كاين ناس نعرفوهم محتاجينة بالاك نساعدوهم و نرسمو البسمة على وجوههم
