السلام عليكم اخواتي
بعد ان قرأت موضوع اختي ام ادريس ورأيت تفاعلكن معها قررت ان اطرح مشكلتي التي استحيت ان اسأل اي شخص فيها لعلي اجد الحل
تزوجت منذ سنتين في بداية زواجي كنت نحس بألم عند الجماع وقلت نورمال مع الوقت وكثرة الجماع سيخف الالم لكن الى الان مزال كاين الم بل اصبح لا يطاق وزوجي المسكين كامل هاد الوقت يساعف فيا .. واثناء الجماع تكون المنطقة جافة ومكاين حتى افرازات واثناء الايلاج نحس الم فضيع حتى نبقى نبكي في بعض الاحيان من الالم هههههه وميمكنش يكون ايلاج تام ( مرنيش عارفة الا فهمتو قصدي ) وبدل ان اركز مع زوجي واستمتع معه بالجماع يبقى كامل تفكيري فالالم ونتقلق وقتاش يكمل ويبعد عليا وعمري محسيت بأي متعة.. وكي يكمل نحس بلي مرنيش ندير واجبي معاه .. حتى اصبحت لا ارغب في الجماع ابدا وفي بعض الاحيان اتظاهر بالنوم امام زوجي
حلمي ان اكون كيما كامل النسا نمتع زوجي ونستمتع معاه ومرنيش عارفة حتى لوقتاش راح يصبر زوجي على هذا الحال
ان شاء الله نكون قدرت نوصللكم حالتي لاني معرفتش نعبر .. لي تحب تنصحني وعندها كاش سؤال تقولي وانا نجاوبها
الان راني عند اهلي مريضة منذ 27 يوم وراني متمنيا كي نتشافا ونرجع لداري نرجع وحدة اخرى هههه راني نستنى فنصائحكم اخواتي
ربي يهنيك اختي انا من رايي تشوفي طبيبة نساء لانها رايحة تكشف عليك ممكن التهابات ممكن جرح المهم هي الوحيدة اللي تفسرلك المشكل ومبعد رايحة تعيشي حياتك عادي
اختي انا نسمع بلي كاين كريمات لمثل هذي الحالات سقسي الطبيبة ذرك تعطيك واحد وبالنسبة لجفاف المهبل عليك بشرب الزنجبيل عن تجربة راهو يزيد من الافرازات اللي تسهل عملية الجماع ماتتقلقي ما والو حبيبتي
أختي مادام راكي بعيدة على زوجك، روحي شوفي أخصائية و عرضي عليها مشكلتك و أكيد يكون عندها حل، و من جهة أخرى نعرف باللي كاين كريمات أو جال لتسهيل الإيلاج مثل الفازلين لكنها صحية و مخصصة لهذا الغرض، في انتظار يفيدوك الأخوات يا رب، و نقطة أخرى، لازم تكون المداعبات قبل الجماع حتى تترطب المنطقة و يسهل الإيلاج
مساء الخير أختي أم محمد
انا نضم صوتي للاخوات اللي نصحوك تشوفي اخصائية باش تتأكدي باللي مكانش مشكل عضوي او جرح ….
هذه اول حجة تديريها واذا تأكدتي من هذا ان شاء يكون المشكل كيما نقولوا psychique في راسك وتخمامك
وهذه حاجة تصرا ، انا شخصيا مريت عليها في الشهور الاولى من زواجي
ماكنتش بالاك محضرة نفسيا ومثقفة في هذا الموضوع لذا فوتت الاشهر الاولى كاللي راني في جحيم كيما راكي تحكي بالضبط حتى وين وليت خفت زوجي يكره مني ، لكن الحمد لله كان صبور وكل شيء تعدل من بعد..
وكان المشكل نتاعي اني مع بداية الممارسة نستريسي ونبقى نخمم غير في الالم اللي راهو راح يبدا
حتى شفت طبيبة كشفت علي وخبرتني بالكارثة وهي انه بعد عدة أشهر زواج مازالني نصف عذراء (فهمتوني؟؟؟؟؟)لانه ماكانش ايلاج كامل والمصيبة انو كنت حامل في الشهور الاولى، وحكات معايا بصراحة ونشفى قالتلي يابنتي بغيتي راجلك يهرب عليك ويزيدو يضحكو عليك النسا نهار تجي تزيدي ؟؟؟؟؟؟ ثما والله بكيت قالتلي المشكل راهو في راسك انت لازم تنساي الالم وماتخمميش فيه باش ماتحسيش بيه.
وعطاتني دواء نسيت اسمه قاتلي هذا يهدئك وينقص عليك stress نشربه ساعة قبل ……
ونصحتني بالمداعبة كيما قالت الاخت مون لانه بفضلها يكثروا الافرازات الي يساعدو الايلاج
المهم هذا وش حبيت نقولك نتمنى نكون أفدتك، وصدقيني حكايتي هذه أول مرة نحكيها (منذ 8 سنين زواج) واحد ماسمع بيها
لاني كنت ومازلت نحشم بيها والآن بقيت نادمة علي أحلى الايام اللي خليتهم فاتو بلا ماتمتعت بيهم (لان الاشهر الاولى من الزواج هي أحلى الايام)
تحياتي اختي وديري الكوراج باش ماتندميش
اولا ربي يشافيك نشاله
راني مع الاخوات في واش قالو باش تزوري الطبيبة
وادا مالقات عندك والو كيما قالت الاخت حكيمة8 المشكل بسيشيكمو
وعلا حساب واش فهمت من قصتك كي قلتي ميمكنش يكون الايلاج تام
في بالي مزال متفتحتيش مليح والخوف هوا لي راه دايرلك هاكدا
لازملك كوراج تاع 5 ايام
مام انا صراتلي واش قلتي مي مطولتش 5ايام برك ومبعد راح لوجع
صح راجلي كان يسايسني مي مسكتليش ولوكان سكتلي لوكان راني كيما انت هاكدا
كي تكون المنطقة جافة كان يزيد الالم املا استعملت فالايام الاولى زيت اللوز لتسهيل العملية
ومنكدبش عليك كنت نموت بلوجع ونعد لمخدا ونبكي وهو كان يقلي معليش اصبري هادي الخطرة برك كل خطرة يقلي هاكدا حتان وليت نورمال
على هادي ادا رحتي للطبيبة ومالقات عندك والو
مادا بيك تصبري وستعملي زيت اللوز وديري كيما انا هههههههههه
والدوا انتاعك هو الصبر متستسلميش للالم ديري الكوراج شويا
ربي يسهلك نشاله
شكرا لكن اخواتي على النصائح
انا فعلا كنت رايحة نشوف الطبيبة لكن القدر سبقني راني فالفراش منقدرش حتى النوض والله من كثرة لي صرف في هذا المرض نحشم نزيد نقوله طبيبة النسا غير البارح برك اوردونونس بــ 5000 دج الحمد لله
راح نجرب الزيت ان شاء الله وممبعد نروح لطبيبة مع انو يوم ولدت محمد قالتلي راكي نورمال
اما بالنسبة للمداعبة زوجي يدير كامل لي عليه لكن انا في الاول كنت نحاول نتجاوب معاه بصح درك مرنيش نحب الجماع ابدا ومهما طول فالمداعبة نبقى دايما نخمم فالالم لي راه جاي ومنحس بحتى رغبة
ادعولي ربي يتمم شفائي في القريب العاجل ونرجع لداري وزوجي
ربي يشافيك أختي أم محمد و إن شاء الله تتصلح الأمور و تنساي هاد المشكل كليا
أختي أنا أساند كل الأخوات فيما قالو أضيف فقط لابد أن تعيشي كل اللحظات مع زوجك دون التفكير في أي شيء
ماشي هو معاك وانت بالك بعيد سواء كان التفكير في الألم أو في أشياء أخرى هذا يعيق المتاع .
حاولي التمتع مع زوجك في آن واحد بمعنى آخر شاركيه المتاع في وقته وإن شاء الله ربي يفرج عليك ويفتح عليك وتعوضي الأيام لراحت وفكري للأمام أنساي لفات في نفس الوقت شوفي طبيبة في أقرب وقت لأن عامين على هذا الحال بزاف راكي retard ماشي نخلعك بصح لازم المرأة غير تحس بحاجة غير طبيعية تروح تكشف على نفسها .
والله هو الفتاح العليم ندعوه دائما ليفرج كروباتنا .آآآآآآآآآآآآآآآآآآآآآآآآآآآآآآآآآآآآآآآآآآآمين.
.قال رسول الله صلى الله عليه وآله وسلم :
انا مشتركة جديدة في الحقيقة انا مشتركة في منتدى اخر وساعدوني كثيرا ارجو من السيدات الموجدات هنا ان يساعدوني واذا اردن المساعدة مني انا هنا انا عرسي مابقالوش ياسر ونحوس على فوطة وبلوزة مودارن بصح ماهيش قنفلونت من تحت ومزروبة باه نعملها اذا قدرتو جاوبوني في القريب العاجل وعندي موديلات قنادر تاع جهازي الا حبيتو نحطهم تشوفوهم بصح قولولي الطريقة الي نحط باها التصاور ولكم مني اجمل تحية:rose: 
عندي موديلات قنادر لكن معرفتش نرفدها من جهزي
